52歲伍詠薇嬲爆澄清「子宮保健」並非博生B

娛樂

廣告

52歲的伍詠薇早前被爆孖老公練海棠出入養生中心,做「子宮保健」療程想為老公開枝散葉。不過,伍姑娘對於傳聞今日(18/1)在社交網發文堅決否認:「屈得我好應!」

孖老公出入養生中心

52歲的伍詠薇與老公練海棠再婚後,22年的婚姻曾掀起不少風波,練海棠曾兩度被撞破「偷食」索女,難得伍姑娘都肯原諒對方,直至現在兩人感情更勝從前。早前有傳媒拍到伍姑娘孖老公出入養生中心的照片,踢爆她為箍實老公接受「暖宮」療程博生B,又指該療程亦可增加夫婦間的「性趣」,加強閨房樂,有助婦女調經,增加受孕機會,直指伍姑娘今次想為老公開枝散葉,令家庭更加幸福美滿。

 傳52歲伍詠薇做「子宮保健」博生B 堅決否認:屈得我好應!
52歲的伍詠薇與老公練海棠結婚22年。(圖片來源:新傳媒圖片庫)
 傳52歲伍詠薇做「子宮保健」博生B 堅決否認:屈得我好應!
早前有傳媒拍到伍姑娘孖老公出入養生中心的照片。(圖片來源:新傳媒圖片庫)
 傳52歲伍詠薇做「子宮保健」博生B 堅決否認:屈得我好應!
報導指伍姑娘為箍實老公接受「暖宮」療程博生B。(圖片來源:[email protected]

伍詠薇強調:「我唔會生小朋友!」

不過報導出街後,伍詠薇即在社交網出Post堅決否認博生B,更直指今次被大整蠱:「去做保健療程就屈我一定為生仔嘅,周時被偷拍跟蹤畀我發現與否我都冇所謂,但係今次我感覺躺着中槍感覺不良好,仲要送個封面畀我,啼笑皆非。今次本小姐唔開心俾你哋屈得我好應。本小姐每星期都去做「子宮保健」係為養生,即係等於我每星期去做facial一樣,係『保養』,呢啲係常識」

 傳52歲伍詠薇做「子宮保健」博生B 堅決否認:屈得我好應!
伍詠薇在社交網堅決否認博生B,更直指今次被大整蠱。(圖片來源:[email protected]

最後,她更強調:

「我唔會生小朋友,只係做保健療程就係咁簡單。」

 傳52歲伍詠薇做「子宮保健」博生B 堅決否認:屈得我好應!
伍詠薇留言。(圖片來源:[email protected]伍詠薇 Christine Ng)

伍詠薇

伍詠薇跟現任丈夫練海棠人前恩愛,但多年來,練海棠曾兩次被指出軌,對上2016年一次,伍姑娘更代為向公眾道歉。伍姑娘早前接受訪問,伍姑娘再被問練海棠二度出軌嘅事,她說:

「我冇隻眼開隻眼閉!如果係嘅話,你會睇到出我係唔舒服,點解要咁做?有啲人係會死頂,但係我唔會!」

1989年,伍詠薇在派對上認識了會計師,53歲的翁江培,翌年12月,年僅21歲的伍詠薇與他結婚,婚禮在麗晶酒店舉行。但結婚13日之後,翁江培便突然因心臟病發在深圳離世。伍詠薇非常傷心,然而被外界認為貪錢剋夫,更並未獲翁氏一家的親戚所接納,又未能取得任何遺產。直至1999年,她在黎姿介紹下認識了香港廣告界名人練海棠,二人於同年7月結婚。伍詠薇曾經接受訪問,提及那些年被叫「劏豬凳」的日子⋯

伍詠薇難過被叫劏豬凳

Q: 首任丈夫翁江培離世,有冇好唔開心同聽過難聽說話?

A: 第一任丈夫離開,正常人都會傷心㗎啦,當時我二十、廿一歲,傷心,但亦都可能太細個,反而唔識得太傷心,因為細,好多嘢仲係好無知,所以我好快就recover到,嗰時啲人傳我有好多錢,亦都好多難聽說話,話我剋夫、劏豬凳,我喺街行過,有師奶會話我:「貪錢吖你!」傷心㗎,但唔會喊,因為硬住頭皮嘛,呢啲說話整唔死我嘅、整唔痛我嘅,只係唾罵我,但我要生活㗎嘛,你話我有錢啫,我自己知自己有冇錢,我仲要喺一個咁惡劣嘅環境入面繼續喺娛樂圈生存、受靶,係辛苦嘅,但我冇選擇,因為我覺得我當時嘅功能只可以繼續做演員,啲人對我好負面,但我好多謝亞洲電視,冇遺棄到我,仲俾劇我做,仲夠薑搵我做女一,過咗幾年之後,突然間有份周刊見我都幾勤力,喺亞視拍劇又拍電影,唔係唔做嘢,幫我平反,寫完六版紙之後,全世界對我改觀,所以人生對我嚟講係好瘋狂,一夜之間係一個棄婦,一夜之間,「嘩,你真係叻呀!」我唔鍾意呢啲嘢,點會鍾意吖,我二十歲到三十歲,一個女人最靚、最精采,應該係揀男朋友、享受人追,但我就要一個個難關咁去過,但我唔會投訴,因為呢個係我嘅命運。

Q:隔咗幾耐先媾仔?

A: 好快,當時廿幾歲嘅我係一個要有愛先推動到我工作嘅人,我第一段婚姻之後一年我就投入咗戀愛,因為失去咗一個愛之後會覺得好lost,上天好好,俾我遇到嘅男人全部都好錫我,可以呃你㗎嘛,所以好慶幸。

伍詠薇唔接受老公出軌

Q:現任丈夫練海棠係一個點嘅老公?

A: 好老公,識佢嗰時發覺同佢係風馬牛不相及,兩個世界嘅人。我自己嘅個性,諗住識啲好爆嘅男人,喺我廿九、三十歲嘅時候遇到佢,我覺得好特別,我未遇過呢一類型嘅男子,佢俾我嘅感覺係斯文,我冇諗過斯文嘅男仔會鍾意我,佢冇改變我,但係相處之間影響我脾氣好咗,做人處事佢係我老公,亦係我朋友、老師,所以練海棠係生命裏面影響我好大嘅第二個男人,第一個就係第一任丈夫翁生,練生係第二個,雖然之前發生過一啲新聞,但毫無意外應該可以伴到我終老,因為佢湊得我好好,我係一個好難湊嘅人,我係突然間可以唔講嘢突然間可以好多嘢講,佢湊得我好好,又好知我要乜嘢,一個老公由好熱戀會進化成家人感覺,我覺得依家關係係好舒服,我希望可以同佢細水長流,佢乖乖哋嘅話,哈哈哈哈哈。

Q: 件事曝光嗰日你電話應該響唔停啦!

A: 冇,嗰朝我要做嘢嘅,一定要出去做嘢,嗰朝嗰間報館嘅記者send條link,叫我望一望啲相,跟住回答問題吖!瀨嘢呢啲,個心離一離,睇完,點算好呢?點都要叫醒佢先,通常我啲friend會話摑醒佢啦,咁我唔會,我埋去輕輕拍佢,同佢講:「回一回神先,俾條link你睇,你唔好驚,睇完之後你用你把口講一次我聽,因為我唔夠時間,就要出門口嘞。」佢睇完之後,我問咗重要嗰幾條問題,跟住我話唔好講咁多住,返嚟再傾,因為我覺得夫妻之間唔好鬧交,鬧交冇用,只會更加傷和氣,不如聆聽吓對方想講咩,可能有啲嘢係更加真嘅呢!離開屋企,去見記者,其實最驚記者會唔會仲有第二輯相,我諗咗呢啲問題,好confuse,決定唔好諗,做番自己。

Q:外間覺得你處理得好好、好有EQ!

A:多謝你讚我叻,但我唔要呢啲叻,呢啲所謂家庭嘅事情,其實係唔應該同公眾交代,但係明白到唔交代係咪想記者幫你交代呢?我都考慮咗好耐,博一博自己交代,好多謝間報館俾啲相我,等我知件事,今次呢件事令到夫妻多咗了解,我都話作為妻子,我都要檢討吓,點解個男人會一下子出去做一樣事情,會唔會係做妻子有啲嘢唔稱職,我同我先生溝通咗好多,我覺得大家溝通係進咗一步,我只可以話我哋盡量去保護段感情,去到細水長流。

Q: 你哋都好快講掂數去旅行吖!

A: 旅行係一早話咗要去,唔去好蝕㗎!唔係發生事然後安排個旅行,係個幾、兩個月前安排咗去。

Q:接唔接受婚姻關係上對方出軌?

A:咁冇人接受嘅,你話佢係咪出軌,咁我知吖嘛,呢件事上,我係接受咗、包容咗,我唔可以打開肚皮講晒入面每一個動作俾大家聽,只有我知同我信唔信,我知唔知我信唔信,又關觀眾咩事呢?你問我接唔接受,我唔接受,不過我依家段關係好好。

伍詠薇分享婚姻保鮮方法

Q:係咪會為維持婚姻關係隻眼開隻眼閉?

A:梗係唔會啦!

Q: 有冇嬲老公?有冇芥蒂?

A:冇,件事我係接受、包容咗,如果仲存芥蒂,即係你未包容,如果唔係嘅,久唔久會攞番出嚟講,咁就唔好啦!

Q:婚姻有冇保鮮方法?

A: 冇嘞,十七年,冇咁鮮㗎嘞,最興奮我諗頭嗰五年、七年,十七年如果仲同你講戀愛期,傻傻哋,係家人同親切感多啲,真係細水長流,點去plan吓去邊度旅行、食嘢,其實拍拖都係咁,我哋都keep住成日兩個出街食飯,依然抱住少女心報告今日發生咩事俾對方聽。

你又點睇?

更多精選內容