季前賽｜張繼聰42歲銅鑼灣奔跑零尷尬 8年前孖阿Bob剝得更盡

《季前賽》張繼聰街頭邊跑邊演講：找數真漢子

現年42歲的張繼聰時隔五年再次擔演電視劇，在ViuTV劇集《季前賽》化身籃球隊教練「喪波」，其中這場疑似街頭露體狂奔一幕，在打格鏡頭下，隱約見到張繼聰只著底褲的身形，雖然幾近唔著衫，但張繼聰笑言零尷尬，因為在疫情期間，就算係銅鑼灣街頭都唔係好多人，而且作為演員，他在進入角色後也不會覺得尷尬，他又笑指將來可以對子孫講：自己試過在銅鑼灣咁跑法，「都幾開心」。

謝安琪與囡囡睇《季前賽》焦點各不同

對於張繼聰嘅演出，謝安琪（Kay）出席其自家品牌發布會時就有回應，45歲嘅謝安琪表示，可能因自己的年齡層關係，追劇時只係追住睇老公、多過追住鏡仔！不過5歲細女就只係睇有盧瀚霆（Anson Lo）演出的情節，Anson Lo出完場，就返房瞓覺，完全唔畀面老豆！

2014年《老表，你好Hea！》：飾演「震波」Mario

《老表》系列捧紅多個演員，其中要數最有話題的人物，一定非張繼聰莫屬。當年張繼聰形象麻麻，一直被外界指他為「廢柴老公」。在該劇，張繼聰飾演爆肌男Mario，時不時爆出抵死對白，例如：「佢老公正廢柴嚟！」、「我要成為軟飯王」等，豁出去自抽自己食軟飯形象。除此之外，出名身形壯實的他更在劇中表現以胸肌玩「震波」，令他的人氣一時無兩。

被「胸襲」拒再做「脫星」

劇中郭晉安在接受街頭訪問時，張繼聰忽然走到他背後剝衫曬肌，成功搶鏡！可見張繼聰早在8年前《老表，你好Hea！》就曾當街除光上身，經驗十足！劇集出街後，張繼聰憑這個角色大受歡迎，他曾笑指自此後就經常被街坊「胸襲」，為了不淪為「脫星」，他決定要嚴選劇本，如果冇特別原因，都唔會再輕易除衫！

孖住阿Bob齊齊剝

除了單獨街頭露出，劇集中後段還有一場戲份講述張繼聰與阿Bob山窮水盡「下海秘撈」，二人聞說做模特兒收入高，就豁出去在一班師奶面前瞓身做「人體Model」任畫唔嬲！由於姿態愈吸引叫價愈高，二人於是狂擺攞命騎呢甫！

2017年張繼聰突然被無綫封殺

時隔五年再拍電視劇的張繼聰，對上一套劇集已經是2017年的《誇世代》。當時張繼聰長在上位，但卻因為無辜被牽入無綫和蕭定一公司的官司，而被無綫封殺。

2014年無綫作為佘詩曼的經理人，與蕭定一公司簽約，安排佘詩曼拍電影《十月初五的月光》。但有傳當時張智霖唔滿意劇本要改，搞到電影要逾期完成。無綫向蕭定一公司追回補水薪金，指佘詩曼應收過百萬的額外薪酬，但對方只付一半，所以無綫用法律解決而且下令封殺蕭定一旗下藝人，包括張繼聰，所以當年連《萬千星輝賀台慶》都未見有張繼聰的參與！張繼聰最初回應傳媒，指自己對封殺傳聞未有所聞，更表示會繼續參加當時剛出街的《誇世代》宣傳活動，又話：「我都好享受拍TVB劇！」

張繼聰大方回應：好多謝TVB嘅栽培

回應完傳媒之後，張繼聰當晚就在Facebook上載53秒短片，親自交代被封殺一事：「大家好！今日出咗單新聞之後，好多謝大家嘅支持，咁可能嚟緊有一段時間唔可以再喺將軍澳出現…有啲說話都想喺度交代。首先喺過去嘅日子好多謝TVB嘅栽培，畀咗好多機會我，好多謝珍姐(曾勵珍)。入面好多台前幕後嘅兄弟姊妹，好多謝你哋，俾咗好多美好回憶我。」

雖然因為封殺行動，而令張繼聰冇得出席當時《誇世代》嘅宣傳活動，不過佢都依然叫一班觀眾繼續支持：「至於現在呢……希望大家可以繼續支持《誇世代》啦，我都好enjoy睇每一集嘅。喺生活裏面，我覺得最緊要係隨遇而安，我會繼續努力㗎！Thank You。」