家族榮耀|續集叫咩名?網民集氣為創意改名超爆笑「爭產劇」宇宙!

娛樂

廣告

長達30集嘅無綫劇《家族榮耀》,開播首周收視平均22.9點,都算好成績。發生喺有錢大家族嘅故仔,點少得金錢權力鬥爭、勾心鬥角、感情出軌同埋復仇呢啲咁狗血嘅情節,可以話係現代版嘅《宮心計》,劇情亦掀起不少話題,唔怪得監制梁家樹急著想添食啦!劇本就有梁監製,劇名就交畀網民幫吓手啦!

《家族榮耀》結局篇劇情留伏線

劇集播到大結局,由於係合拍劇,所以喺比無綫早播出嘅內地影視平台已經睇到大結局,劇情簡直峰迴路轉,進入黑化成熟期嘅楊茜堯一度以為佢成功復仇,點知就俾老公馬耀祖(黃浩然 飾)生前二奶Mandy(劉悅 飾)嘅姊妹刺傷,又以為佢死得,睇嚟要喺續集先知分曉啵!

網民發起為第二季改劇名 「暴龍哥」驚喜上身

雖然未知係咪真係有續作,而事實係已經有網民開PO叫大家幫套劇改定名。有人就話睇劇情,要叫《家之慾孽》,睇嚟係抽2004年台慶劇《金枝慾孽》嘅水;又有人想叫《換妻榮耀》,呢位網民好在意真夫妻楊茜堯羅子溢喺劇中唔係演一對噃;亦有人提議叫《家族榮耀II之監獄月圓》,以及《家族榮耀III之羅嘉良話知你》,仲有「暴龍龍」上身提議「家族又/再/仲榮耀」!正所謂「網民創意無限」,無論曲定直都好,唔知梁家樹會唔會參考吓呢?

 家放再三榮耀!
家放再三榮耀!(圖片來源:網絡改圖)
 家族不停榮耀!
家族不停榮耀!(圖片來源:網絡改圖)
 掉轉都得
掉轉都得(圖片來源:網絡改圖)
 上下對調
上下對調 (圖片來源:網絡改圖)
 熊黛林又嚟料!
熊黛林又嚟料!(圖片來源:網絡改圖)
 大龍生出馬
大龍生出馬(圖片來源:網絡改圖)
 與《溏心風暴》結合⋯⋯
與《溏心風暴》結合⋯⋯(圖片來源:網絡改圖)

即睇網民創意留言:

 家族榮耀 網民暴龍哥上身。
網民暴龍哥上身。(圖片來源:環球膠報FB截圖)
 家族榮耀開續集 楊茜堯 有網民已為續作改劇名
有網民已為續作改劇名(圖片來源:環球膠報FB截圖)
 家族榮耀開續集 楊茜堯 對於各人嘅提議,劇集監製會否鍾意呢
對於各人嘅提議,劇集監製會否鍾意呢(圖片來源:環球膠報FB截圖)
 家族榮耀開續集 楊茜堯
(圖片來源:環球膠報FB截圖)
 家族榮耀開續集 楊茜堯
(圖片來源:環球膠FB報截圖)
 家族榮耀開續集 楊茜堯 網民相當有創意
網民相當有創意(圖片來源:環球膠報FB截圖)
 家族榮耀開續集 楊茜堯 楊茜堯被老公生前二奶嘅姊妹刺傷
楊茜堯被老公生前二奶嘅姊妹刺傷(圖片來源:《家族榮耀》截圖)
 家族榮耀開續集 楊茜堯 劇中嘅楊茜堯為達到目的,不擇手段得令人心寒
劇中嘅楊茜堯為達到目的,不擇手段得令人心寒(圖片來源:《家族榮耀》截圖)

《家族榮耀》主角會係羅嘉良?

據知套劇嘅監製梁家樹已經搞緊個新劇本,想原班人馬開一套家庭題材嘅續作,張智霖口頭答應咗會演出,楊茜堯兩公婆都話期待,但就希望唔好再寫到佢哋係敵對關係,開工要成日鬧交。其實「摩擦力」強嘅觀眾會發現《家族榮耀》好似有留低伏筆,齋講羅嘉良!佢喺劇中扮羅子溢嘅三叔,因為有佢先得以救番馬家財產嘅關鍵人物,但出場時間竟然一分鐘都唔夠,好似嘥咗啲,再加上張智霖講過會等楊茜堯出獄,憑呢兩點都好足夠拍多一套劇。

 家族榮耀開續集 楊茜堯 羅嘉良戲份都唔輕,但出場時間極短,網民嗌唔夠喉
羅嘉良戲份都唔輕,但出場時間極短,網民嗌唔夠喉(圖片來源:《家族榮耀》截圖)
 家族榮耀開續集 楊茜堯 羅子溢夫婦盼若然開拍續作,唔再演敵對關係
羅子溢夫婦盼若然開拍續作,唔再演敵對關係(圖片來源:[email protected]

撰文:東方新地圖片來源:[email protected]、《家族榮耀》截圖、《家族榮耀》劇照、環球膠報FB截圖

你又點睇?

更多精選內容