尋人記2｜Do姐鄭裕玲大讚方東昇 自爆新聞背後原來有私交

DoDo姐點名大讚方東昇：的確係才子一名

DoDo姐與方東昇於TVB相識多年，自2008年北京奧運開始變得熟絡，當時TVB新聞部及體育組都前往北京直擊採訪，DoDo姐憶述當時方東昇是首批前往北京，採訪當時市面籌備奧運的情況。DoDo姐最深印象是方東昇獨自搜集不同有趣的故事，形容「影咗好多奇奇怪怪嘢」，令她出發到北京有更深了解。她大讚：「方東昇的確係才子一名，又風趣幽默！」

方東昇私約Do姐旺角開P？！

DoDo姐與方東昇自08年北京奧運變熟絡，回港後仍有保持聯絡。她更發現原來方東昇非常照顧同事，覺得不能長期困於辦公室，所以逢星期六他都會包辦新聞組的「戶外活動」，一同玩桌遊聯誼放鬆。有一次方東昇更邀約DoDo姐去旺角參與這個「公餘活動」，她當然一口應承，她憶述方東昇希望為同事送上驚喜，所以特意安排她作「神秘嘉賓」。DoDo姐笑言：「當時玩card game我輸咗好多，不過好開心，平時正正經經嘅新聞報道員，私下卸下西裝和套裝，原來個個都風趣幽默，IQ又高！」

DoDo感嘆「請唔郁」方東昇做訪問 呼籲無綫「修例」

DoDo姐主持商台目《口水多過浪花》超過10年，不時邀請各界嘉賓作訪談，她如此欣賞方東昇，自然想邀請對方作嘉賓，豈料TVB一個規矩搞到唔成事。她憶述方東昇的答覆：「佢話得到Do姐欣賞真係好開心！不過TVB新聞部有規矩，記者不能以個人身份個別接受訪問。」DoDo姐更說：「搞到我好心癢、希望請到佢上嚟！希望TVB可以廢除條例啦！其實我好鍾意《尋人記2》嘅編採同執行方式，方東昇的確係才子一名，有感動位、亦都幫助受訪者！」

46歲方東昇長年效力無綫 新聞部節目搶掂黃金時段唔簡單！

方東昇看似正經，但其實內裡潛藏幽默基因，每次主持資訊性節目如《世界零距離》、《長命百二歲》第一、二季時，都會自創風趣鬼馬金句帶動氣氛，務求令歡眾睇得開心，還在短短幾粒字中帶出不同社會問題，很有心思。觀眾睇得投入，稱他為「昇爺」、「一代笑匠」，大讚他的表現無可取替，甚至問他何時有空搞楝篤笑。見到方東昇人氣高，TVB一度將新聞資訊性節目放到黃金時段播放，贏盡口碑。

《尋人記II》花半年尋找李鄭屋徙置區居民

本周第5、6集《尋人記II》故事主角眾多，分別是苦候上樓的李鄭屋徙置區居民，以及在下白泥村校讀書的孩子；兩集故事帶出節目招牌特色「人情味」，讓觀眾回到那些年， 重溫舊日情懷。本周尋人過程，攝製隊跟進李鄭屋個案，經歷長達半年的尋人期， 撞板多過食飯，幸好遇到不少意想不到的貴人，包括舊同學、街坊福利會理事，還 有數之不盡的熱心住客，當中最搞笑是遇上尋人記粉絲鄭伯伯。

上門搵人變被搵 屋邨熱心阿伯：「你去搵方東昇啦」

為了尋覓當年受訪的李鄭屋徙置區街坊，攝製隊幾乎每周必到「李鄭屋」遊走碰運氣，期間熱心的鄭伯伯主動推介尋人妙法，並胸有成竹向當時站在家門、戴著口罩 的方東昇說：「你去搵方東昇啦！佢三十年、四十年後（嘅人）都搵到，佢有電腦、 check到吖嘛。素未謀面都搵到，你冇睇電視架咩？」方東昇聽完，立即除下口罩 回應「我就係方東昇」，大感錯愕的鄭伯伯即時笑彎了腰，負責拍攝的黃曉瑩亦笑 到幾乎手震，場面爆趣。攝製隊事後聯絡鄭伯伯，原來他受訪時剛完成白內障手術， 故認不出眼前的方東昇。鄭伯伯又透露自己早前在節目宣傳片出現後，每次落街均 有街坊向其表示：「你上咗鏡呀！」足證李鄭屋邨鄰里感情要好。

《尋人記II》內地網民都力捧

《尋人記II》在內地同樣有不少迴響，豆瓣現時評分9.7，相關留言每多好評：「有 人情味的節目」、「絕對係TVB金牌節目，每個故事和人物都耐人尋味，令人有非 常多的思考空間」、「第三集志文的故事從頭哭到尾」、「新一季，依舊高水準」、「方東昇條Team，就是品質保證」、「第一集故事上集很詼諧，下集看到人眼濕 濕」、「有笑點、有淚點、有反思、有Point」、「笑淚交織」、「呈現真實的人性 才最打動人」、「既是尋人，又是尋人生經歷、人生態度」。

相關文章：尋人記2｜方東昇爆Seed搵30年N無「杯麵男孩」原來李佳芯係佢師妹！

相關文章：尋人記2｜單親爸爸曾兩度尋短見 寫信向兒子道歉：傷害係彌補唔到