尋秦記電影版｜古天樂率原班人馬演出 最大變化係「佢自己都認咗！」
相關文章：尋秦記｜電影版預告劇照高清流出 古天樂率林峯等原班人馬 驚喜角色出現
原班人馬開拍《尋秦記》電影版 後期即將完成！
古天樂主演的TVB劇《尋秦記》，2001年時創下收視佳績，自此成為神劇，是不少人的集體回憶！《尋秦記》電影版多度傳出開拍後於2019年終於落實，古天樂在《影視博覽2019》上帶領林峯、宣萱、郭羨妮、滕麗名、雪兒等原班人馬登場，古仔更笑言言「難過儲閃卡」，令人非常期待！不過古仔就表示不會獻唱主題曲，沒有機會聽古仔高唱「天命最高」了！
《尋秦記》電影版項少龍有個19歲仔
古天樂表示故事發生在電視版結局的19年後，但故事跟電視版是兩個獨立創作，就算演員一樣角色身份都可能有變。唯一肯定跟電視版連接的是項少龍會有個19歲兒子，難道就是項羽？
原班人馬最大變化係邊位？
宣萱！
相隔19年，宣萱Keep得非常好，就算再拍都無問題！當年她在《尋秦記》飾演敢愛敢恨的烏廷芳，同樣是讓觀眾喜歡的角色！真的十分期待，宣萱更表示知道古仔會續拍《尋秦記》時興奮了幾年，終於等到今日！
郭羨妮
當時郭羨妮的才女人設真的超級有仙氣，事隔19年郭羨妮已經成為人妻兼人母，也離開了無綫，在內地發展。不過郭羨妮這位古裝美人當時真的令人一看難忘，現在依然風韻猶存！
睇番資料，Sonjia拍的第一部電視劇係同古仔合作的《尋秦記》，雖然佢就話自己演技差到唔敢睇，不過其實呢套劇至今依然係TVB經典之一，不知幾多觀眾翻睇又翻睇！不過依家有電影版，相信大家好快唔洗翻睇電視版啦！
滕麗名
滕麗名在《尋秦記》裡面飾演的角色善柔非常硬朗，還要女扮男裝，19年後滕麗名都變成人妻了，更被網民大讚越來越有女人味。當年暗戀項少龍的她又會有怎樣的發展呢？
其實依家43歲嘅滕麗名望落同當年都係冇咩大分別，反而好似仲瘦咗？
雪兒
在《尋秦記》飾演趙國公主的雪兒 (Michelle)自從在2010婚後就少出來幕前，《尋秦記》我見猶憐，44歲的她根本就是凍齡女神，歲月並沒有在她的臉上留下痕跡！
雪兒皮膚直到依家都一樣咁靚，相信平日都應該落唔少功夫！
林峯自認最大變化！
不過講到呢十幾年望落變得最多嘅就應該係林峯，皆因佢由當年拍劇嘅黑皮膚變到依家白返晒，就連昨日被問到相隔多年後有咩唔同時，佢自己都話：「我無個陣咁黑！」，認真搞笑！
網友：冇江華唔算齊人！
不過網友話唔算齊人，事關獨欠飾演連晉、嫪毐嘅江華！劇中嘅江華一開始對主人巨鹿候好忠心，點知被項少龍誤廢右手後被逐出巨鹿候府，唯有投靠他人。途中佢遇到左手劍客嫪毐，經過一輪忍辱負重後終學成左手劍法，仲將真嘅嫪毐殺害，變成心狠心辣之人。
網友都話希望江華有份演，但之前江華就話套劇成為大家心目中嘅經典，已經好勁，所以唔明點解要翻拍，但從商業角度睇，大家都咁鍾意係有追看性嘅。不過佢近年都淡出幕前，睇怕難有機會睇佢嘅演出！
這麼多年來，古天樂飾演的項少龍依然是無人可代替！就算不斷有翻拍的版本，依然比不上古天樂的這個版本呢！古天樂版項少龍演得十分鬼馬精靈，最重要的是年輕時的他超級帥氣，難怪劇中左擁右抱，身邊一堆美人圍繞。
《尋秦記》中超級多氣質美女，宣萱、郭羨妮、滕麗名、雪兒等，個個古裝都無得輸！
