岑麗香

岑麗香為拍劇推遲追女大計 老公開綠燈支持追夢

娛樂

廣告

岑麗香與金融才俊老公強強(Joshua Ngo)結婚2年,去年宣布造人成功,更一索得男,成為幸福少奶。對岑麗香錫到燶的強強,早為遷就老婆把工作基地移師香港,搵錢能力最強,養得起老婆囝囝有餘。憑著多年經驗和生意頭腦,回港開始瞓身金融投資事業,又同香香聯名開埋網店,買得起豪宅養得起囝囝Jacob之餘,絕對大把本錢支持老婆繼續追夢!

 

撰文、圖片:東方新地

岑麗香取代視后李佳芯 與馬國明拍《BB來了2》

生B後,岑麗香專心湊B,唔似其他圈中媽媽密密接Job搵奶粉錢,八個月來加加埋埋都係出席過三、四次公開活動,香香都話因為放不下囝囝:「復工出門口都唔捨得佢(兒子),但返到公司坐喺度化妝整頭,感覺又好開心,因為好似做番自己鍾意做嘅事。開頭都擔心自己唔想工作,但原來返完工覺得係想繼續返,所以就好期待返嚟做唔同嘅工作。」

又掛住拍劇、又放唔低個寶貝仔,本來岑麗香如意算盤係打算等到Jacob識行識走入學至開始接劇,不過遇上《BB 來了2》臨時易角,上集有口皆碑、有得同老拍檔馬國明再合作、再加上題材完全度身訂造貼合香香人母身份,思前想後,最終按捺不住戲癮決定接拍。

老公開綠燈支持追夢為拍劇推遲追女大計

形象討好又態度乖巧,岑麗香一直是多位電視台金牌監製御用愛將,其實除了《BB來了2》,劉家豪年尾籌拍的重頭新劇亦預了香香。今時唔同往日,香香一早轉投王祖藍旗下經理人公司,唔使密集式還劇債、揀劇純為個人興趣,最重要過到強強一關。

據悉強強亦因為尊重老婆、鼓勵香香追夢一早開咗綠燈,只要與電視台傾妥 條件、盡量不用離家太久,新劇接拍成數極高。不過唯一犧牲的,可能就是一早說好的追女大計又要推遲。

你又點睇?