岑麗香

明年4月預產期 岑麗香忍住唔睇BB性別保驚喜

娛樂

廣告

岑麗香日前喺社交網站上載同老公強強拎住BB衫嘅合照,向大家宣佈懷孕喜訊。香香出席活動時就向大家分享即將成為人母嘅感受,言談之間都覺得開心呀!

撰文:Kamen| 圖片:新傳媒資料庫、岑麗香@ig

岑麗香宣佈預產期

岑麗香昨日出席活動時向大家透露即將成為人母的喜悅,香香透露現時懷孕5個月。被問到為甚咗之前在活動中不承認懷孕,香香表示因為最近經常四圍飛,想將喜訊先向家人分享,不希望家人透過新聞才得知自己懷孕的消息,為此感到不好意思。香香亦透露懷孕初期有點唔舒服,起初以為係因為經常坐飛機以為因時差問題感到特別疲倦,得知懷孕會同老公都非常興奮。

保持神秘唔睇BB性別

香香表示想比驚喜自己,就算產檢都叫醫生遮住BB重要部位,佢笑言希望自己忍得到。香香表示當初計劃結婚後兩年才生BB,現在「夢想成真」非常感恩。

岑麗香宣佈懷孕

恭喜晒香香公主!12月6日香香就喺ig宣佈自己懷孕,留言「B-a-b-y coming 2019!」,迎來豬年BB!

出席活動肚凸凸 否認有B

早前香香出席活動,久未露面嘅佢身形明顯比前圓潤,更有「肚凸凸」嘅跡象,散發出陣陣的孕味!被問到係唔係同老公造人成功,香香就急急否認:「因為條裙款有啲泡泡啫!適當時候會同大家講,畀少少時間我,努力中。」

被問到想生仔定女,香香就表示:「到時先算,都係一個祝福。」但佢就坦言對於生B,被身邊朋友催促到有啲壓力。另外香香亦表示唔會出席《萬千星輝頒獎典禮2018》,因為當日撞正她的結婚周年紀念!

結婚一周年去馬爾代夫

岑麗香同老公強強上年拍拖去馬爾代夫,喺當地享受陽光海灘,順道慶祝結婚一周年。香香在社交平台分享泳衣照,雖然未有穿上火辣的三比堅尼,但有靚景和香香甜美笑容,一樣吸引,而香香日前出席活動時透露老公送咗手鈪畀佢做禮物!

香香笑指小時候看得鯊魚題材的電影多,所以一落水就好驚,不過今次找了專業教練學潛水,試過潛到11米水深,真的看到鯊魚、海龜和珊瑚,她笑說:「最初落水時好緊張,不過有老公陪着,又有教練指導,之後心情變得輕鬆了。」

香香還大讚老公夠體貼又sweet:「他知道我做藝人不可以曬得太黑,每當猛太陽時,他會用身體為我擋太陽,真是大隻好遮蔭!」

在海邊大晒美腿,認真寫意。

其中有部分靚相仲係由老公強強視角出發,為靚靚人妻留下最美一刻,超sweet!

這張由老公強強視角出發的牽手蜜照,真係甜到漏!