巨塔之后｜現實身份是瑜伽導師身形超弗趙璧渝演叛徒爆喊表忠宣萱勁搶戲

Oct 23 2025

TVB台慶劇《巨塔之后》熱播掀起全城追劇潮，劇情焦點除了落在主角宣萱身上，劇中另一位徒弟卓盈（趙璧渝飾）的關係線同樣精彩。卓盈一度離棄師傅，但在關鍵手術中，見到宣萱手痛至無法執刀，她挺身而出成為「替手」，事後更眼泛淚光向師傅表白：「我仲有好多嘢要跟你學架！一日為師，終身為師」，場面令不少觀眾動容，大讚「睇到眼濕濕」。

令人動容的師徒感情戲

卓盈（趙璧渝Osanna飾）之前離棄師傅董一妍（宣萱飾）埋方欣（陳煒飾）堆，幸獲一妍重新給予機會參與富商魏孝棠（潘志文飾）兒子手術。手術期間，一妍手痛至無法拿穩手術刀，方欣亦因得悉一妍手痛真相，企圖阻止一妍繼續做手術；於危急關頭，卓盈主動請纓幫做宣萱「替手」，事後又與其他醫護人員齊齊為一妍「講說話」，場口感人。卓盈一句：「我仲有好多嘢要跟你學架！一日為師，終身為師」，加上一妍的回應：「記住，唔可以睇小你自己」，盡顯師徒間深厚情誼，網友亦為之動容：「好鍾意呢場師徒戲，睇到眼濕濕」。

瑜伽導師趙璧渝演叛徒爆喊表忠勁搶戲

對於師徒戲獲讚感動，Osanna接受官方訪問時，直認對這場戲印象最深刻：「呢場係全劇唯一一場戲可以畀我向宣萱呢個師傅表達一直以嚟嘅尊敬同埋感激。因為我哋都戴住口罩，所以眼神、聲線嘅演繹好重要，好多謝佳導（劇集總監製鍾澍佳）同宣萱姐姐喺現場嘅耐心指導！」談到與宣萱合作，Osanna表示完全感受到宣萱的專業，更笑言宣萱成日萬歲：「姐姐好Nice好有風範，會同我哋溝通傾偈。喺拍攝嘅三個月入面，完全感受到宣萱姐姐嘅專業。每次有姐姐嘅場口我都會忍唔住成日去睇Mon學習姐姐演戲嘅眼神、節奏等等。姐姐又成日萬歲，每一日嘅拍攝氣氛都好愉快。」

趙璧渝取代孫慧雪做美胸代言

孫慧雪2018年開始到2024年初都係用擔大旗做美胸代言，去年趙璧渝終於「坐正」獲選為首席代言人，拍攝風格仲學足另一代星級陳自瑤，於海灘石用心口頂岩石取景。

巨塔之后宣萱隨著孫慧雪離巢，趙璧渝終於「坐正」獲選為首席代言人，拍攝風格仲學足另一星級代言陳自瑤，於海灘石用心口頂岩石取景。（圖片來源：IG@osannachiupikyu） — 隨著孫慧雪離巢，趙璧渝終於「坐正」獲選為首席代言人，拍攝風格仲學足另一星級代言陳自瑤，於海灘石用心口頂岩石取景。（圖片來源：IG@osannachiupikyu）

巨塔之后宣萱去年11月初的代言人簽約活動上，產後復出兼新鮮離巢嘅阿雪成為傳媒焦點，趙身處現場只係陪襯。（圖片來源：YANKI.BUST） — 去年11月初的代言人簽約活動上，產後復出兼新鮮離巢嘅阿雪成為傳媒焦點，趙身處現場只係陪襯。（圖片來源：YANKI.BUST）

巨塔之后宣萱去年與妹妹趙穎琪一齊在陽朔拍廣告（圖片來源：IG@osannachiupikyu） — 去年與妹妹趙穎琪一齊在陽朔拍廣告（圖片來源：IG@osannachiupikyu）

趙璧渝無懼海邊冷風大開心口拍廣告

拍攝當天，雖然沒有寒冷警告，但天空無陽光且海灘風大，趙璧渝不斷流鼻水。她在社交網分享了幾張拍攝花絮，發文透露：「工作人員知道天氣狀況，同埋有機會濕身都有準備暖包、大毛巾，但我真係冇辦法貼暖包，因為啲衫實在冇空間，泳衣又好多個窿、跟住婚紗本身好窄，當日自己帶咗一件長羽絨，同埋一個暖壺。」

巨塔之后宣萱趙璧渝在社交網分享了幾張拍攝花絮（圖片來源：IG@osannachiupikyu） — 趙璧渝在社交網分享了幾張拍攝花絮（圖片來源：IG@osannachiupikyu）

巨塔之后宣萱趙璧渝接拍美胸廣告，展現了迷人的線條，非常「胸狠」（圖片來源：IG@osannachiupikyu） — 趙璧渝接拍美胸廣告，展現了迷人的線條，非常「胸狠」（圖片來源：IG@osannachiupikyu）

趙璧渝首次拍攝手術戲份靠狂煲紀錄片模仿手勢

Osanna曾在兩輯《白色強人》飾演急症室醫生，今次第三度挑戰醫生角色，Osanna直言依然有挑戰性：「今次係第一次參與拍攝做手術嘅場口，事前有睇過一啲醫療劇/紀錄片，睇吓真實嘅醫生做手術嘅過程，盡量學習同模仿步驟、手勢、講說話嘅語氣同埋眼神。」Osanna透露亦有聽任職護士的媽媽分享：「我媽咪係精神科護士，對病理學名同藥物名都會有了解；同埋媽咪平時都會同我分享佢作為醫護人員面對病患嗰陣嘅心態。」除了藝人，Osanna還是一位瑜伽導師，並經常在社交平台分享靚相大晒美好身段。