廉政狙擊 羅霖

廉政狙擊|57歲羅霖白滑誘賄蔡康年被讚「能幹」3子之母棄做闊太獨力養家

娛樂

廣告

《廉政追擊》雲集一眾老戲骨,劇中飾演奸角「卓太」的羅霖現年57歲,在第17集被「老公」黃智賢(Ben)派去酒店誘惑蔡康年,側身夾胸的鏡頭,盡展白滑上半身,完全突顯羅霖的身材優勢,果然寶刀未老⋯⋯

廉政狙擊 羅霖 57歲羅霖寶刀未老有「美魔女」稱號。
57歲羅霖寶刀未老有「美魔女」稱號。(圖片來源:IG@candylolam)
廉政狙擊 羅霖 羅霖
(圖片來源:IG@candylolam)

57歲羅霖激搏上陣誘惑蔡康年 側身夾奶極澎湃

黃智賢同羅霖早喺1995年《真情》合作過飾演一對夫妻,今次再續前緣第一擊,黃智賢即派其「老婆」出擊誘惑蔡康年。故事情節交代羅霖為咗令老公投地計劃順利,夜晚需要同蔡康年「陪瞓」,一上房已經着晒戰衣「讓半球」,途中仲跳舞挑逗蔡康年。但冇幾耐鏡頭已經交代兩人完事,57歲的羅霖打側瞓嘅姿勢,完全將豐滿嘅上圍夾出,視覺效果非常澎湃!睇嚟羅霖就算踏入熟女之齡,依然寶刀未老好鬼睇得!

廉政狙擊 羅霖 羅霖 戰衣先「讓半球」。
戰衣先「讓半球」。(圖片來源:《廉政追擊》截圖)
廉政狙擊 羅霖 羅霖
(圖片來源:《廉政追擊》截圖)
廉政狙擊 羅霖 羅霖 似乎完事了。
似乎完事了。(圖片來源:《廉政追擊》截圖)
廉政狙擊 羅霖 羅霖
(圖片來源:《廉政追擊》截圖)
廉政狙擊 羅霖 羅霖
(圖片來源:《廉政追擊》截圖)
廉政狙擊 羅霖 羅霖 完全將豐滿嘅上圍夾出,非常澎湃!
完全將豐滿嘅上圍夾出,非常澎湃!(圖片來源:《廉政追擊》截圖)

對白設計極度撩人 網民大指內容嘔心重口味

57歲的羅霖早就封盤嫁人,成為三子之母,但依然被無綫安排出的誘惑蔡康年,又有夾奶鏡頭、撩人對白,有網民就表示頂唔順!早在劇情交代羅霖出擊誘惑前,黃智賢曾經有句對白:「最能幹的還是你媽咪(羅霖)!」網民直指「能幹」令人想入非非,似乎有其他隱喻意思,係想交代羅霖另一方面好「幹」得。不過就算美魔女出山,似乎網民都唔多收貨話「嘔心」、「重口味」、「毁三觀」!

廉政狙擊 羅霖 對白似乎有其他隱喻意思。
對白似乎有其他隱喻意思。(圖片來源:《廉政追擊》截圖)
廉政狙擊 羅霖 「事後」黃賢智還親自去酒店接老婆,更奉上解酒薑茶。
「事後」黃賢智還親自去酒店接老婆,更奉上解酒薑茶。(圖片來源:《廉政追擊》截圖)

「阿海」與「雙雙」28年後螢幕再聚羅琳嫁富商後辭演翹起無綫

羅霖1995年轉投無綫電視,即獲安排接拍經典處境劇《真情》,當時仲同黃智賢飾演情侶,觀眾對呢pair情侶好鬼受落,連帶兩人當時的人氣急升!惟1996年羅霖宣佈「封盤」嫁富商劉坤明後,就淡出娛樂圈做少奶奶!無綫當時非常難做,只好劇集中安排羅琳的嫁到外國升學,一對CP忽然消失,觀眾大嘆遺憾!之後羅霖喺2013年宣布同富商劉坤明離婚,曾經公開表示後悔當年最紅時,為咗愛情淡出娛樂圈。

廉政狙擊 羅霖 羅霖1995同黃智賢飾演情侶,觀眾對呢pair情侶好鬼受落!
羅霖1995同黃智賢飾演情侶,觀眾對呢pair情侶好鬼受落!(圖片來源:Youtube@TVB 娛樂新聞台)
廉政狙擊 羅霖 羅霖
(圖片來源:Youtube@TVB 娛樂新聞台)
廉政狙擊 羅霖 羅霖
(圖片來源:Youtube@TVB 娛樂新聞台)

27歲入行 選亞姐被同房爆料決心奪冠

羅霖在1991年在時裝設計師張學潤介紹下,她參選亞姐入行,幸運奪冠,亦因此展開了銀色旅途。她自爆當年因為要穿泳衣在街上做宣傳覺得很不習慣,因此晚上回酒店房時和母親哭訴想退出,但母親鼓勵她開始了就要繼續。後來這件哭訴事件被同房參賽者出賣爆料給傳媒,第二天新聞出街,令她覺得更加要堅持下去,最終奪得冠軍。

為事業放棄婚姻自爆追求者眾

羅霖曾因《 真情 》大熱而帶旺人氣,但當時的她卻選擇了結婚而放棄事業:「 我當時都有同屋企人商量,爸爸媽媽覺得我年紀唔細,如果再唔結婚就好難嫁出去;同時我都問過家燕姐、司棋姐嘅意見,佢哋都認為我要結婚,因為緣份係好難碰上嘅。」可惜當年羅霖婚後雖答應男家要求淡出娛樂圈,但性格倔強的她仍堅持出席慈善活動及接拍廣告,因而令婚姻生活產生很大矛盾,最終離婚收場,她透露自婚姻挫敗後,經歷了半年的低潮期,每日以淚洗面,最終為了3名兒子而重新振作,復出工作搵錢養家,她說: 「啱啱復出推出第一本寫真時我50歲,必定有好多難聽嘅說話,例如:『咁老仲出寫真集』『邊有人睇㗎』,但我都要硬撐住,因為我覺得人總有高高低低,最重要係跌低咗要企番起身,千祈唔好因為別人講嘅嘢而失去自信。」

重新拍拖有條件 囝囝鼓勵談戀愛

如今無論在事業、家庭已獨當一面的羅霖,透露現時身邊不乏追求者:「囝囝好鼓勵我去談戀愛,但我現時忙到連瞓覺時間都冇,點樣去拍拖呢?雖然依家我係有追求者,佢哋嘅經濟條件唔錯,但佢哋只想同我一起住,唔想跟我三個兒子住,所以我想等囝囝都畢晒業,先再去搵男朋友。」大仔26歲、二仔24歲、細仔今年尾就18歲,追求者似乎㚵於等到機會!

廉政狙擊 羅霖 羅霖

羅霖拒做闊太 離婚後由零開始獨力照顧3兒子

離婚10年,羅霖要靠自己從頭開始,首先要面對的是經濟上的困難:「尤其係頭幾個月,我真係咩都無、由零開始,只可以同細仔搬番我媽咪度住,當時我同細仔瞓一張床,細仔都問我點解要住咁細嘅房、瞓埋一張床,我話:『你畀啲時間媽咪,我會努力做嘢,搬出去租屋住。』嗰刻我下定決心,到佢瞓著我就喊。」

前夫拒供細仔學費 坦然面對經濟壓力

羅霖直言經濟隱憂仍未解除:「三個仔學費、生活費各樣支出都好大,尤其係去國外留學,每年加埋食宿三十幾萬,去美國更加貴,每年接近五十萬。當初分開,協議我負責生活費,佢(前夫)負責學費,但過咗都無一年,佢話淨係負責兩個大仔三分一學費,對我嚟講壓力好大,依家三個仔都同我住,佢哋都生性,有時做吓暑期工,我最希望佢哋可以經濟獨立,因為講真我年紀唔細,都唔知可以喺呢行做幾耐,有時壓力大,我都會喊住咁祈禱。」

廉政狙擊 羅霖 54歲羅霖離婚後復出搵錢養家 兒子鼓勵媽媽拍拖自爆追求者多
羅霖與結婚17年的前夫劉坤離婚,承認無收過贍養費。(圖片來源:東方新地)

大仔畢業前轉Major 寧願自己辛苦捱通宵

除了經濟上,少不了單親媽媽母兼父職教育三名兒子的壓力:「依家啲小朋友好有主見,但亦經唔起挫折,遇到困難可能會放棄,要不斷支持、包容、鼓勵,好多嘅愛同耐性,加埋我要做嘢,有時都幾心力交瘁,但作為媽咪,永遠都係支持、唔放棄佢哋,譬如大仔喺外國讀完三年,本來仲有一年畢業,但佢話要轉major(主修科目),要由頭嚟過,當時我覺得:『你咪嘥咗我啲錢?七位數字喎!我真係做幾份工捱通宵,做到喊㗎喎!』我沉澱,問自己:『你想個仔健康快樂,定繼續讀佢唔開心嘅嘢?』咁我寧願揀我自己辛苦啲,但我同大仔講:『你唔好成日轉,因為我仲有兩個細佬要供!』」

前夫劉坤銘從未支付贍養費

奇怪羅霖當年嫁入豪門,離婚後卻時刻為錢頭痛,羅霖爆前夫劉坤銘從未支付贍養費:

「一向都無,無錯,法律上係要畀,但當(對方)可以證實到銀行啲錢係少過我,當然之前做咗好多功夫啦⋯⋯唔緊要,只要個天畀我有工作,我每日祈禱就係有嘢做,我唔怕辛苦,無嘢做我就擔心嘞!」

廉政狙擊 羅霖 羅霖
細仔Jonathan。

離婚後半年最徬徨

每個女人都不希望走上離婚這一步,羅霖都一樣,1996年婚後與商人劉坤銘誕下三子,專心照顧家庭,十多年之後,Candy發現與丈夫未必能走到白頭,「其實離婚都醞釀咗幾年,因為咩事唔想講,但三個仔一直睇到,知道父母間發生咩事。」兩年前他們決定分開,首半年是Candy最難捱的日子,「我40幾歲先離婚,個人好冇自信心,前路茫茫,30幾歲都話重新嚟過,40幾歲真係好徬徨,嗰排成日匿埋喊。」

身為公眾人物,要面對輿論壓力,返回家中,在兒子面前亦要扮鎮定,別讓他們看見她徬徨的樣子,「我負責同小朋友解釋成件事,強調我哋作為大人,一定會為你哋着想,係難接受,但佢哋都明白。冇小朋友離婚好易處理,但有小朋友就複雜好多,無人會想離婚,即使分開都希望做到朋友,但我哋關係同之前一樣,未做得番朋友,希望時間沖淡後會有改善。」

廉政狙擊 羅霖 羅霖
曾在新加坡居住的Candy,最近聯同父母和三子重遊舊地,到環球影城遊玩。

復出拍戲細仔最支持

在半年的低潮期,親友關心和宗教信仰,帶領她走出低谷,「我每晚都祈禱,為咗三個仔,我一定要快啲企番起身,慢慢我都諗通咗,每個人喺不同階段都會遇到困難,為學業、為事業、為家庭,人一定要有希望,任何階段都唔應該放棄。」她勉勵同路人,有心事一定要告訴親友,切勿鑽牛角尖,走上困局,「當時我得到好多親友支持、開解我,我先可以走下去,開心又一日,唔開心又一日,凡事都有兩面,睇吓你點揀,有心事一定要同親友商量,多個人多個意見,講出嚟會舒服好多。」

徬徨過後,Candy覺得女人要自強,必須有個錢傍身,決定復出幕前搵銀,接拍性感戲也在所不計,事前花了不少心機向三子解釋,18歲大仔Nathan已成人,懂得分辨;16歲二仔Jordan正值反叛期,比較介懷;反而細仔最開通,想入場支持媽媽演出,可惜未夠秤。

廉政狙擊 羅霖 羅霖
拍攝當日子晉帶同最心愛的模型及Lego,Candy笑說為了陪囝囝玩,對模型都有深入研究。

細仔想做英雄保護媽媽

年僅八歲的孻仔子晉,性格乖巧樂天,對媽媽亦頗黐身,他起初不習慣與爸爸哥哥分開生活,常要求同住,Candy為免影響他的成長,逢周五至周日帶他與哥哥食飯、打機,一講起打機子晉興奮起來:「我同大哥玩Wii,同二哥玩PS4同Xbox,我哋仲一齊儲閃卡!」Candy笑指三兄弟常相約睇戲,由大哥帶隊,子晉最喜歡睇英雄人物,超人、蝙蝠俠和《變形金剛》中的柯柏文,都是他的至愛,希望將來自己都英雄化身,「我好鍾意救人,仲可以保護媽咪!」Candy聞言感到很心甜,「佢好嗲,
好識氹我開心。」

廉政狙擊 羅霖 羅霖
細仔想做英雄保護媽媽。

子晉就讀基督教國際學校Grade 3(相等小三程度),同校的二哥讀Grade 10(相等中四程度), 入讀該校除了相同宗教背景,亦喜歡其快樂學習、着重品德及運動的宗旨,子晉有參與多項運動,包括網球、籃球、游泳等等,非常好動。Candy坦言,做了單親媽媽後,集中照顧子晉一人,工作量增加之餘,放工還要跟進他的功課,「一返到去未食飯就即刻睇功課先,等佢瞓咗我先食飯,所以個人就攰啲。」

廉政狙擊 羅霖 羅霖
羅霖與三個兒子的合照。

大仔初拍拖二仔最反叛

三個兒子的性格各有不同,Nathan已長大成人, 近兩年不斷為前途摸索, 留港升大學, 還是外國留學?讀心理學, 抑或大眾傳媒?經常舉棋不定,最近他決定到英國升讀蘭卡斯特大學(Lancaster University ), 修讀Media andCultural Studies,母子要分隔兩地,Candy最擔心他學壞吸毒,因大麻在外國普遍,惟有叫他謹慎交友。

不過,講起Nathan拍拖,Candy就幾放心,「我一直唔俾佢拍拖,直到17、18歲先俾,所以佢同女朋友都係識咗冇耐,我見過個女仔,性格開朗純情,我鍾意呢類女仔。拍拖冇所謂,唔影響學業就得,最重要唔好一腳踏幾船。」至於16歲的二仔Jordan仍處於反叛期,Candy指最重要有耐性包容他,「青少年約10歲至12歲就出現反叛期,大仔比較文靜理智,反叛期只係一年,但二仔長達四年,好多嘢佢以為自己啱晒,好易諗埋一邊同發嬲,做父母千祈唔好頂撞佢,必須忍耐同多溝通。」

廉政狙擊 羅霖 羅霖
大仔初拍拖 二仔最反叛

「美魔女」沒化妝阿仔唔慣

Candy重拾自信積極保養,贏得「美魔女」的稱號, 近日在一個修身廣告中, 盡顯美好身段,Candy笑言子晉初初對此稱號充滿疑惑,解釋了一番,「我話呢個稱號係好事嚟㗎,大家讚媽媽keep得好,佢知道後都好開心。」每次出外工作,Candy都悉心打扮,連訪問她也一絲不苟,執到最正以尊重對方,連三個仔都睇慣她的隆重打扮,輕鬆casual look反而看不慣,她笑說:「有次我同佢哋去超市買嘢,着件tee、輕便褲就出去,冇乜化妝, 佢哋覺得奇怪問我『你咁就出街喇?』係
呀,去超級市場簡簡單單就得啦,原來佢哋睇唔慣我咁樣出街,哈哈。」

撰文:東方新地圖片來源:《廉政追擊》截圖、IG@candylolam、Youtube@TVB 娛樂新聞台資料或影片來源:原文刊於東方新地