【超感動！】靚靚真情剖白 張智霖：沒甚麼是常在
撰文：Kammy｜圖片來源：Instagram、節目截圖、微博
靚靚罕有地向張智霖撒嬌
靚靚同Chilam至今已經相戀27年，一直都是圈中數一數二的恩愛夫妻。兩老婆近日參加內地綜藝節目《妻子的浪漫旅行2》，一直表現得強悍的靚靚，在節目中透露，這次是他首次沒有跟對方一同出發旅行，自己很不習慣。
靚靚更笑言，知道自己不在Chilam身邊，他定必很高興，「但是我想跟他說我很不習慣，所以你走不掉了。」靚靚說完後更露出一個燦爛的笑容，意圖想掩蓋自己的真實感受。
雖然靚靚很不習慣，但在其他嘉賓面前，他都沒有明顯表露自己對老公有多不捨，依然用笑容面對。不過，鏡頭一轉，靚靚回想當日自己一個人飛到北京時，她就開始哽咽：「我一個人坐飛機我很不習慣，去旅遊，我覺得應該是跟我老公的，或是一家三口這樣，我這一次真的是一個人出來。」
靚靚：我一定要跟著他
本來靚靚已經眼泛淚光，雙眼通紅，其後更忍不住眼淚，一邊抹一邊說：「我想跟他說，去完這一次以後，我不會再一個人去旅遊，我一定會跟着他，或是他一定要跟着我，他跑不掉這樣。」
張智霖：沒甚麼是常在 要珍惜現在
而在錄影廠的Chilam，聽到靚靚的肺腑之言後，令本來表現輕鬆的他都紅了眼眶。雖然Chilam其後笑言老婆只是在撒嬌，其後Chilam表示他跟靚靚的年紀逐漸增長，亦要開始擔心生死問題：「除了想抱着她之外，因為我們也不小了，可能始終有一天真的是要，必須就是一個人去旅行的。」
而此時，Chilam也紅了眼眶說：「沒有甚麼是常在的，我常常也會跟她說這些事情，所以珍惜現在，現在是最美好的一刻，永遠是最美好的。」兩夫妻雖然只在隔空對話，但依然十分感人。
【風雨同路】結婚18週年 張智霖袁詠儀雪地上拖手放閃
2月8日是張智霖和袁詠儀結婚18週年紀念日。為慶祝紀念日，二人早前已在年初一當天帶兒子魔童，一家三口到北海道滑雪度假。張智霖在紀念日當天，於社交網站貼出與靚靚雪地拖手的背面相，並留言：「今天是2月8號，也是我們的結婚周年，我們一起看兒子學滑雪，足已！」真是「打風都打唔甩」！
靚靚亦在Instagram貼相留言，「今年周年紀念的慶祝活動真是好特別，但雪景真美。」另外，他又留言指，在滑雪場遇到大陸演員鄧超及孫儷，而巧合的是，當天是鄧超和孫儷的結婚9周年，以及鄧超40歲正日生日，靚靚留言寫道︰「想不到在這裡會碰到另一對很喜歡的藝人夫婦，今天也是他們的結婚周年紀念，祝他們一家人永遠幸福，及祝鄧先生生日快樂！」
張智霖指靚靚是「最愛」
張智霖同靚靚一直都是鬼馬夫妻，二人到北海道後都不忘搞笑本色。他們先後上載雪糕的相片，張智霖就把雪糕放在靚靚面前，並以「最愛」來稱呼；靚靚其後亦做相同動作，把雪糕放在張智霖面前，但卻以「極品」來形容！不過，他們在形容杯雪糕或是對方只有他們才知道，但不少網民都指他們很恩愛，這種另類放閃法十分搞笑！
被傳夫妻機場嗌交 ：以後唔會離老公太遠
日前有報導指靚靚同老公張智霖喺機場前後腳，隔開「成2公尺遠」，疑似嗌交。甚至更有傳係靚靚大聲鬧完老公之後，大步走開。
向來甚少主動澄清嘅靚靚，18日就喺微博發文解畫，指呢個傳聞實在太離奇，佢擔心越描越黑，所以親自力證兩公婆感情冇問題。
「每對夫妻都會有相反意見的時候，但我年紀不小了，也懂得兼顧家人及別人感受，有事情回家慢慢處理，又怎能在街大聲吵架，製造聲音汚染了。（以後我會好好檢討走路的速度，不要離老公太遠）祝大家每天健康快樂！」
要知道靚靚 同Chilam 過去經常被直擊同進同出、出雙入對，且出門總是十指緊扣「拖手仔」，Sweet到爆。沒想到被媒體目擊夫妻間拉開距離，引爆婚變傳言。
Chilam抵死回應：「嗌交幾好呀！」
19日老公張智霖與袁詠儀和兒子慕童 一家三口出席佛教活動，雖然母子並未露面，不過Chilam單獨應付在場媒體，再度開腔為澄清傳言。
Chilam表示當日兩夫婦根本冇嗌交，只是步伐唔一樣，可能大家只是「見圖識字」。仲話經常有人問佢「究竟係靚靚追佢，還是佢追靚靚？」Chilam就笑指：「而家好明顯我追佢唔到，佢行得咁快。」
面對無中生有的不實報導，相信脾氣向來火爆嘅靚靚竟打破沈默親自回應，今次應該「好勞氣」。Chilam就表示，兩夫婦都入行多年「呢啲只不過眼雲煙」。
張智霖爆魔童言辭比爸媽更「犀利」
隨後，Chilam自曝平日係言辭十分犀利嘅人，比靚靚更甚。不過為咗家庭和諧，已經「收斂」咗好多。
不過，Chilam透露乖仔魔童言辭「仲銳利」過佢，似乎有少少耳濡目染。不過，Chilam就相信囝囝會逐漸明白「語言會傷害到人」，慢慢「磨平」學會同人相處。
魔童隨校上京遊學 袁詠儀心酸送機嘆：個仔大喇⋯
做媽媽嘅，由懷胎10月，一路將手抱BB湊到會行會走，話係照顧，其實亦係互相依賴，到有一個，發現「舊粉」終於長大成人，難免係會有啲失落感。靚靚袁詠儀日前就體會到呢種感覺喇！話說魔童上月（10月）要跟學校上北京遊學，需要離開屋企一段時間，點知最唔捨得嘅唔係Morton，靚靚去送機嘅時候，就表現出非常不捨。
魔童大個 獨立有條理
尤其是見到魔童，可以自己好有條理咁處理行李，攞證件辦手續，又感恩個仔已經獨立，識得照顧自己。
魔童都12歲，大個仔啦！自己入閘都好淡定。
個仔咁獨立，靚靚其實都可以放心啦！
睇到呢個畫面，有邊個阿媽會唔心酸丫！
袁詠儀：「媽媽也要學會放手。 Love u Morton」
袁詠儀教仔逼得太緊
早前，袁詠儀接受訪問時表示，自己做為父母並不合格，因為凡事要求嚴謹，希望兒子照她的方式去做，偏偏老公個性不拘小節，兩人常為管教方式爭吵。
魔童曾哭訴：「想換一個媽媽」
對於教育兒子，袁詠儀經常很主觀，佢認為自己的方法肯定是對的。結果幾年前，兒子突然對爸爸說「想換一個媽媽」，佢先發現出咗問題，不過卻依然固執咁認為問題出喺兒子身上。
因為當時兒子的行為出現了問題，比如：無法集中上課，上課會騷擾同學，學校認為他可能有「過動症」或「自閉症」的傾向，要求袁詠儀帶兒子去睇心理醫生。
睇完醫生，結果發現根本是自己有問題，因為靚靚太自我為中心，導致兒子被影響。佢後來試著用醫生建議的方法，同兒子修復關係，母子倆感情變得越來越好，相處似朋友一樣。最後，靚靚才明白作為父母不一定總是對的，有時候也要聆聽子女想法。
