張繼聰 專訪

張繼聰專訪|開騷唔預謝安琪 入行17年再踏演唱會台板 新歌訴心聲!

娛樂

廣告

張繼聰入行17年,雖然一度因合約問題被無綫封殺,但近年演戲事業備受肯定,有份參演《飯戲攻心》票房邁向6,000萬,與鏡仔合演 ViuTV電視劇《季前賽》本月底播放,就連無綫也剛重播《誇世代》令人對其演出有更深印象,大家幾乎忘記了,當初張繼聰是以歌手身份出道,事隔7年無開過騷,早前宣布10月將中舉行《Welcome To Route 37》演唱會,他直言:「我真係放開咗歌開唱事業。」到底甚麼原因驅使他再踏演唱會台板?他會否一開始就直接選擇做演員?以上問題請聽他娓娓道來。

張繼聰 專訪 張繼聰 張繼聰演唱會將於10月15日麥花臣場館舉行個唱。
張繼聰演唱會將於10月15日麥花臣場館舉行個唱。(圖片來源:Timeable)

新歌《一個人的武林》由小克填詞,張繼聰自己作曲,記載入行以來的心路歷程,經歷苦澀、戰勝軟弱。

42歲張繼聰事隔7年再開騷:患難見真情

42歲張繼聰將於10月假麥花臣場館舉行《Welcome To Route 37》演唱會,事隔7年再踏台板故然開心,不過現時疫情反覆,會否擔心突然政策一轉又要延期?張繼聰卻非常樂觀:「絕對唔擔心,因為之前延過一次,我個人好隨遇而安。亦都係患難見真情,主辦方對我不離不棄!」話雖如此,他亦希望最艱難的時間已過,不想再有人被疫情影響生活。

張繼聰 專訪 張繼聰
最近忙於為《飯戲攻心》謝票的張繼聰,密密下周六(10月15日)舉行《Welcome To Route 37》演唱會,再踏演唱會台板。(圖片來源:東方新地圖片)
張繼聰 專訪 張繼聰 張繼聰對疫情好有信心!
張繼聰對演唱會好有信心!(圖片來源:東方新地圖片)

昔日「唱作四小強」之一棄game? 「我真係放開咗歌唱事業」

張繼聰、張敬軒、王菀之、方大同在《2006年度叱吒頒獎典禮》上被封為「唱作四小強」,張繼聰作為成員之一,自2005年出道活躍樂壇多年,曾拿下不少獎項。2014轉型做演員,可能部份觀眾已忘記他歌手物份,阿聰坦言:「你哋冇錯覺,我真係放開咗歌開唱事業。」7年前開完演唱會後就轉型做演員,他認為人生不同階段可以有不同的發展。到兩年前因為疫情開始,多時間逗留在家,添置了新電腦學用新軟件寫歌才重拾音樂。

張繼聰 專訪 張繼聰 張繼聰曾有樂壇四小強之稱。
張繼聰曾有樂壇四小強之稱。(圖片來源:《烏龜》MV截圖)

講明老婆謝安琪唔會上台:「你直接買佢演唱會飛咪得囉」

現時開演唱會觀眾都關心誰是嘉賓,老婆謝安琪會唔會有份上台,不過阿聰就講明今次冇嘉賓,佢話:「唔好咁啦,我咁多年都唔開騷,難得開騷你仲想睇第二個?」阿聰仲反問觀眾:「你想睇邊個?你講吖!你直接買佢演唱會飛咪得囉!」不過佢都有話,屋企人以及圈中好友一定會到台下支持。

張繼聰 專訪 謝安琪 網民就搞笑指Kay家中正好有一個好好的健身教練,笑言Kay冇好好「善用」老公張繼聰。
Kay近日經常和老公張繼聰一齊練跑。(圖片來源:IG@kaytse)

唔怕「佬味重」嚇走少女聽眾?

張繼聰已經42歲,不時分享操肌相,又玩古著又玩電單車,佬味咁重,怕唔怕嚇走少女聽眾?阿聰笑言:「當學下嘢囉,如果少女都夠膽入嚟,梗係要多謝你啦!」他覺得音樂上能夠完完整整呈現自己的品味,有別於做演員,最後他跟大家說:「嚟吖!如果係少女追開少男嘅,慢慢你就會知道,有年紀有味道更加正,入嚟啦!」

張繼聰 專訪 張繼聰 仲話唔怕失少女巿場添!
仲話唔怕失少女巿場添!(圖片來源:東方新地圖片)

圖片來源:東方新地圖片、《烏龜》MV截圖、IG@kaytse資料或影片來源:原文刊於東方新地