42歲張達倫為上車做業主 限住日使$250 朋友婚宴早走「慳人情」

娛樂

廣告

由胡諾言、Patrick Sir(林溥來)及李旻芳主持的《我要做業主2》,首集請來張達倫及高海寧擔任嘉賓,分享二人上車的經歷。出名是暖男老公同爸爸的張達倫,為了儲首期,採取「儲得一蚊得一蚊」方法,自爆曾限制自己每日只用250元,朋友結婚到一到就走,可以畀少啲人情,咁都得?

撰文:東方新地 圖片:無綫影片截圖、張達倫IG

張達倫去年成功上車

張達倫(Max)是圈中有名顧家男,他在《我要做業主2》透露,為了讓家人有個安樂窩,曾慳到盡去儲首期,終於去年成功上車購入將軍澳一個三房單位。

張達倫去年才成功上車做業主。(圖片來源:無綫影片截圖)
張達倫去年才成功上車做業主。(圖片來源:無綫影片截圖)
張達倫在《我要做業主2》接受Patrick Sir訪問,道出自己上車之路!(圖片來源:無綫影片截圖)
張達倫在《我要做業主2》接受Patrick Sir訪問,道出自己上車之路!(圖片來源:無綫影片截圖)

張達倫為置業 諗計做少啲人情

張達倫說:「老實講,香港樓好貴,要儲首期係好大問題,以前點儲呢舊錢返嚟?由工作慢慢積累,或者買股票升之類外,有一段時間我恐怖到點呢?有朋友結婚,收到請柬又唔想唔去,又想戥朋友開心,我多數用個藉口去一去,跟住畀少啲人情,咁樣去儲錢。」

張達倫驚嘆香港樓市值升如坐火箭!(圖片來源:無綫影片截圖)
張達倫驚嘆香港樓市值升如坐火箭!(圖片來源:無綫影片截圖)
以前朋友結婚請飲,張達倫都唔會留得耐,因為早走唔食可以畀少啲人情。(圖片來源:無綫影片截圖)
以前朋友結婚請飲,張達倫都唔會留得耐,因為早走唔食可以畀少啲人情。(圖片來源:無綫影片截圖)

活躍幕前縮減開支 限自己日使250蚊

除了諗辦法縮減開支外,張達倫仲好清晰定下每月要儲幾多錢?他說:「做呢行嘅收入比較浮動,所以1蚊要都儲起;冇小朋友時會去計數,一日只可以用250蚊。點用呢?可能一餐食麵包,就算放咗工都留喺(公司)Canteen食飯,因為價錢偏平,同埋拍外景時會問有冇飯盒。」

張達倫話儲得一蚊得一蚊。(圖片來源:無綫影片截圖)
張達倫話儲得一蚊得一蚊。(圖片來源:無綫影片截圖)
就算放工,張達倫都留在飯堂食平飯!(圖片來源:無綫影片截圖)
就算放工,張達倫都留在飯堂食平飯!(圖片來源:無綫影片截圖)

「入咗場先」目標係樓換樓

雖然努力儲錢終上車,但張達倫的經歷說明了如何努力也跟不上樓價升幅,「我依家層樓本來只係租,住咗一年好舒服,點知層樓一年已升咗百幾萬,追極都追唔到……我同老婆講真係要去籌備呢件事,唔好再去諗,結果就買咗我租嘅單位,我最初嘅心態係樓價點會再升,搭火箭咩?喺香港買樓原來係一個學問,點都搵機會入咗場先,入場後升幅可能一年都搵唔到或者儲唔到,所以要用樓換樓呢個方式去諗,希望愈搵愈多,愈住愈大,小朋友開心啲,老婆又穩定啲。」

張達倫一家三口現住將軍澳新都城城一個三房單位。(圖片來源:張達倫IG)
張達倫一家三口現住將軍澳新都城城一個三房單位。(圖片來源:張達倫IG)
兒子的房間有滑梯!(圖片來源:張達倫IG)
兒子的房間有滑梯!(圖片來源:張達倫IG)
暖男爸爸張達倫在家抱住囝囝做家務,好溫馨!(圖片來源:張達倫IG)
暖男爸爸張達倫在家抱住囝囝做家務,好溫馨!(圖片來源:張達倫IG)

去片!張達倫分享置業省錢大法!

持胡諾言、Patrick Sir、李旻芳邀請高海寧、泳兒、趙希洛、鄺潔楹、黃庭鋒、陳庭欣等「星級」業主,分享精明入市秘技和財富增值心得。 節目再請來投資專家分析多區潛力盤;堪輿學家傳授搵樓風水大法,以及收樓、驗樓必讀錦囊。