微辣 六豪子

微辣新年開騷多個環節被轟Hea做 老闆出文道歉火上加油忠粉都唔Buy

娛樂

廣告

YouTube界大受歡迎的微辣在年初二、三舉辦了一連兩場的舞台劇《一年之計搞乜春》,吸引了不少網民到場支持。可是事後有不少買票入場的觀眾都表示非常不滿今次微辣成員們的表現,有忠粉更列出4大點狠批今次演出之餘,更揚言不會再​​畀錢睇騷!

忠粉列4大點狠批微辣新年騷Hea做

微辣在新年期間舉行了一連兩場的魔術舞台劇《一年之計搞乜春》,卻引來不少入場支持的觀眾們不滿。有忠粉在社交平台發文狠批今次新年騷同幼稚園畢業表演冇分別,列出4大問題逐點鬧,最後更揚言之後不會再​​畀錢入場睇騷添!

微辣 六豪子 微辣 微辣在新年期間舉行了一連兩場的魔術舞台劇《一年之計搞乜春》,卻引來不少入場支持的觀眾們不滿。
微辣在新年期間舉行了一連兩場的魔術舞台劇《一年之計搞乜春》,卻引來不少入場支持的觀眾們不滿。(圖片來源:IG@manner__official)

狠批1:整個表演毫無主旨重點 多個環節欠準備

該名網民一開始就狠批今次微辣新年騷毫無主題重點,整場表演同幼稚園畢業表演冇分別:「無一個主旨貫穿整個表演;僅此『一年之計搞乜春』真係唔知佢搞乜春。成個表演拼拼湊湊,感覺上有啲乜嘢小小才藝就擺上枱,似幼稚園畢業表演。」而且,多位成員的表現亦強差人意,令該名網民睇到眼火爆:「做乜無啦啦叫嘉盈彈琴?佢彈錯嗰下我哋以為佢搞gag,點知原來佢真係彈錯,我表妹都彈得得好過去。Yelow段獨腳戲又唔知喺度做乜,劇本又唔好效果又無。」

微辣 六豪子 微辣 六毫子喺新年騷突然衝出嚟講夢想,被網民狠批成個騷冇起承轉合。
六毫子喺新年騷突然衝出嚟講夢想,被網民狠批成個騷冇起承轉合。(圖片來源:IG@sixtycents)
微辣 六豪子 微辣 網民表示全場的Black Joe跳舞環節睇得過眼。
網民表示全場的Black Joe跳舞環節睇得過眼。(圖片來源:IG@blackjoe_5587)
微辣 六豪子 微辣 連有份當嘉賓的嘉盈都被批評彈琴彈得好兒戲。
連有份當嘉賓的嘉盈都被批評彈琴彈得好兒戲。(圖片來源:IG@kaaying219)

狠批2:大綱場刊都冇 Coupon冇誠意

該名網民批評大會連大綱場刊都沒有準備,會場內又收唔到Data,令自己和同行朋友都未能夠查閱新年騷的大綱。該網民亦批評大會所準備的Coupon毫無誠意:「派出嚟嘅coupon又冇誠意,350蚊憑30蚊嘅微辣大排檔現金券?我張票尾個discount都開得多過佢。」

微辣 六豪子 微辣 憑《一年之計搞乜春》票尾在二月底前去微辣大排檔沙田店,食滿$500可當作$150洗,的確比派出來的coupon更加划算。
憑《一年之計搞乜春》票尾在二月底前去微辣大排檔沙田店,食滿$500可當作$150使,的確比派出來的coupon更加划算。(圖片來源:Facebook@微辣大排檔)

狠批3:互動大細超 無視平飛觀眾

之後,網民亦批評以一個只有3,000名觀眾的演出來講,今次微辣新年騷的互動少得可憐。不但後排觀眾根本看不清楚舞台之外,有網民更批評微辣成員們只與買$680貴票的3層觀眾互動,無視5樓的觀眾:「5樓都有觀眾但完全無理會,所有觀眾互動全部只有3樓,派贊助商禮物又只派3樓。唔派贊助商禮物都係其次,又唔係貪啲禮物,但無同5樓觀眾互動點都講唔通,搞到5樓觀眾好似現場睇緊YouTube咁,大家都係有俾錢入場支持,雖然係無3樓甘多,但都係真金白銀入場支持。」

微辣 六豪子 微辣 今次新年騷被指互動大細超,一班微辣成員只顧住同三樓買了$680的觀眾互動,無視了5樓的觀眾。
今次新年騷被指互動大細超,一班微辣成員只顧住同三樓買了$680的觀眾互動,無視了5樓的觀眾。(圖片來源:Youtube@Viu1 HK )

狠批4:魔術效果停留喺10年前

網民最後就狠批今次新年騷的魔術效果停留在10年前,將3分鐘玩完的魔術拉長到15分鐘:「魔術效果停留喺10年前,我大學時期玩嘅魔術都好睇過去;冇火花冇白鴿冇任何肉眼可見嘅舞台效果,最頂唔順嘅係六毫子最後出嚟嘅泡泡魔術;嗰個真係算係魔術嚟?好唔好意思咁表達出嚟?」

微辣 六豪子 六毫子與加蔥都係魔術師出身。
六毫子與加蔥都係魔術師出身。(圖片來源:sixtycents@IG)
微辣 六豪子有份表演的魔術環節都被網民狠批,表示六豪子的表演根本不能被稱為「魔術」!
六豪子有份表演的魔術環節都被網民狠批,表示六豪子的表演根本不能被稱為「魔術」!(圖片來源:Youtube@Viu1 HK )

網民痛心指斥:衰過小薯茄同試當真

網友說出重點後,再強調自己並唔係hater:「 如果我咁講都當haters嘅話 ,fine 咁我只會真係當微辣變咗 ,我一路覺得要養住咁多班人 ,搵錢我覺得啱嘅,但都唔係咁嘅質素呀!人哋小薯茄同試當真做show有心好多, 真係睇得出嫁!」

微辣 六豪子 微辣
(圖片來源:網民留言截圖)
微辣 六豪子 微辣
(圖片來源:網民留言截圖)

微辣老闆六毫子千字文道歉回應

新年騷結束之後,負評如山倒,微辣老闆六毫子都馬上出來發千字文道歉。六毫子表示今次團隊亦感覺到有很多不足的地方,一班演員亦有漏夜探討問題,接下來必定會好好改善,希望下次能夠讓觀眾們看到微辣團隊的進步和誠意。

六毫子道歉全文:

首先,我想代表團隊感謝大家!
我哋第一場表演完咗,收到好多觀眾對表演作出好多
建設性嘅評價和意見,我哋衷心感謝每一位。

我哋做完第一場,團隊也感覺到很多不足的地方,演員們漏夜檢討左好多問題,今次show既監製、編劇及創意總監、導演對場地問題丶魔術問題、劇本問題、演出問題、編排問題、節奏問題、時間問題、氣氛問題、定位問題等等等等討論了很多。第二場演出之前,
做了很多修改,希望盡力補救,可以將最好嘅一面比到大家。

我承認呢個表演有很多改善空間,經驗和專業仍末達標,未必係一場好完美、好精彩嘅表演,但絕對係我
哋台前幕後用心一起努力付出嘅成果,結果不如預期,我哋必定會好好反思。
我哋未必可以一帆風順,但至少能夠同舟共濟。我總相信一個人可以行得好快,一班人先可以走得好遠。
有你哋嘅意見同鼓勵先可以令我哋走得更加遠。
接下來必定會好好修煉,希望下次有機會見到大家,你們看到的是我哋團隊的進步和誠意。
新年快樂,感謝你們的支持!

老細致歉未能平息怒火 忠粉依然唔收貨

雖然六毫子出動到千字文,但依然未能平息怒火,一班忠粉依然唔收貨繼續鬧,當中不乏真金白銀入場嘅觀眾。不少忠粉都認為微辣今次未做好準備就上台表演,是對觀眾們的不尊重;亦認為六毫子經常以「夢想」感情勒索粉絲,令粉絲們都開始覺得厭倦。

「如果未準備好,時間忙沒時間夾都格硬開show,對得住俾錢嘅觀眾?」

「我嘅夢想就係繼續搵水魚買580 睇mon,680睇分開5 part嘅表演,跟住聽你講未準備好」

「打篇千字文就想過骨?」
「不如下次憑票尾俾個5折啦。」

「我唔係忠實嘅辣粉,唔係課金嘅會員,大概睇咗5,6年微辣,今次係第一次真金白銀入場欣賞。我都係前兩日先入辣粉團,原因係睇完個show,我有一種”我睇咗啲咩”嘅感覺,真係覺得無下次,想同你地反映吓。我覺得唔係能力嘅問題,而係態度問題,我相信以微辣嘅能力,at least唔會搞到個show咁”煱”。成個show都好似dum波鐘咁,我一路睇show一路睇幾點,呢啲所有都係我真實反應。」

「咩都未達標就唔好學人收錢😂下次直接3個鐘fans見面會咪算囉,幾百蚊都一定有人去,又唔洗準備,啱哂你地💪」

微辣 六豪子 微辣
(圖片來源:網民留言截圖)
微辣 六豪子 微辣
(圖片來源:網民留言截圖)
微辣 六豪子 微辣
(圖片來源:網民留言截圖)
微辣 六豪子 微辣
(圖片來源:網民留言截圖)

ViuTV亦有直擊開騷場面,睇睇現場互動實況。

微辣Rachel首度拍劇擔正,可惜被一個人拖累?

ViuTV新劇《心靈師》女主角之一是「微辣」成員劉蘊晴(Rachel),劉蘊晴由澳門過大海來香港發展,戲份極重集集都見到她,被讚演技自然,意外地完勝另女角陳嘉倩,不過被一個人所拖累,表現幾好都冇用。即看:Rachel劉蘊晴演技贏陳嘉倩 首度拍劇擔正可惜被拖累

六豪子道歉全文為何令粉絲更不滿?

新年騷結束之後,負評如山倒,微辣老闆六毫子都馬上出來發千字文道歉:詳情請看…

圖片來源:Youtube@Viu1 HK、IG@blackjoe_5587、IG@kaaying219、Facebook@微辣大排檔、IG@sixtycents資料或影片來源:原文刊於東方新地