思家大戰｜李思捷一句激嬲黎芷珊 鄧梓峰周秀娜談「孖生仔女好處」即爆笑彈
今集 Chit Chat 環節火花十足，娜姐透露在新劇《疊影狙擊》挑戰一人分飾兩角，黃浩然則自爆是大反派：「同娜姐對手戲比較多，表面上好似利用佢，但中段會慢慢鍾意咗佢，所以拍攝時要揣摩一吓。」郭政鴻透露和關禮傑在劇中飾演兄弟，兩人會有不少衝突場口，更劇透謂：「我哋呢套劇有好多反派！」
周秀娜罕有現身 TVB 登場爆笑彈鄧梓峰驚訝孖仔收埋秘密
問答環節氣氛同樣熾熱，問到「有一個相同性別孖生兄弟姊妹嘅好處」時，娜姐回答：「可以頂替對方。」思捷聞言說：「你喺劇入面係咪咁？」娜姐笑言：「唔係，但我哋 Share 男朋友用！」鄧梓峰回答則更驚爆：
「追同一個女仔，邊個得閒邊個去！我都有一對孖仔，呢樣佢哋冇話畀我聽，我估啫！」
周秀娜大女索爆同媽媽似足姊妹花
李思捷重現一句經典對白 「周秀娜，你今次仲唔死！」
思捷在電影《勁抽福祿壽》中曾演出一個名場面，就是分別以四大天王、汪明荃和鄭少秋的聲線演繹：「周秀娜，你今次仲唔死！」今集思捷將重現這句經典對白，大嗌：「周秀娜你今次仲唔贏！？」到底娜姐最後係咪真係贏咗，密切留意本周日播出的《思家大戰》。
李思捷笑黎芷珊：「我細細個就睇你」
另邊廂，一班台慶主持個個都牙尖嘴利，思捷呻爆用了三季時間才請到鄧梓峰上節目，鄧梓峰聞言笑謂：
「兩個原因，第一我要諗着咩衫上嚟，呢個諗咗年幾；第二我要睇好多集先，要知道點玩先夠膽上嚟，即係好似我讀書咁，我要留幾年班先夠膽考會考！」
芷珊姐姐則開心表示做台慶主持有得着靚衫，思捷聞言即口多多說：「你真人同上鏡都咁靚，我細細個就睇你」，芷珊姐姐聞言即扮嬲指着思捷說：「你係咪要講細細個呀？」場面搞笑。
鄧梓峰與孖仔感情要好 貼地遊赤柱 「3個巴斯光年」出巡
鄧梓峰和老婆結婚多年，育有四個子女，皆為美國波士頓大學就讀。他們早年曾帶放假返港的孖仔貼地遊赤柱。不經不覺，一對孖仔已經長得高過爸爸，不過家族特色依然keep住，就是五官輪廓同爸爸一樣和巴斯光年撞樣，父子合體似足三個巴斯光年出巡，非常搶眼。
他們一家生活平實，曾經被影到帶著一對孖仔去商場購買價值79元的保暖衫褲，鄧梓峰更曾透露自己一架MX6揸足27年才sayGoodbye。向來教仔有方的他教得一對孖仔孝順聽話，雖然已經成年，出街仍好聽爸爸教導，行去邊全程讓爸爸發號施令，見他行到邊影到邊，幫手揸機不在話下，兩個仔更陪爸爸chok擺甫士影埋一份，氹得阿爸非常開心，父慈子孝婚姻美滿，堪稱人生贏家。
