《愛回家》湯盈盈為單立文大解放！｜黑絲Look色誘40秒 網民睇到嘩嘩聲
湯盈盈昨晚形象大解放 柔道黑絲Look輪番上陣
在昨晚的劇情中，湯盈盈的造型成為全集焦點。她先是為了鼓勵單立文做運動，親身換上全套柔道服，在柔道班上大展身手，不論是「掃腿」還是「摔撻」等動作都做得有板有眼，霸氣十足的模樣獲讚充滿「女中豪傑」的味道。然而，更震撼的畫面接踵而來，當單立文對運動意興闌珊時，湯盈盈竟使出絕招，在VR虛擬遊戲中化身性感Office Lady，以一身「黑絲行政Look」配上誘人扭腰動作，嬌嗲地說出：「你唔好過嚟，我嗌架~」，短短40秒內火力全開，企圖色誘對方，破格演出讓觀眾看得熱血沸騰。
單立文戲中自暴自棄 激到湯盈盈出絕招
湯盈盈之所以有如此突破性的演出，全因劇中單立文飾演的「二叔」熊樹仁自暴自棄，不但飲食毫不節制，餐餐豬油撈飯配可樂，更拒絕做任何運動，令健康響起警號。湯盈盈飾演的女友David看在眼內，心急如焚，才設局合謀熊家人逼他運動。豈料計謀被識穿後，二叔竟變本加厲，甚至在求婚後的「婚前協議書」中，加入「放棄急救意願」的魔鬼條款，徹底傷透了David的心。眼見愛人頹廢至此，David心灰意冷，才引發後續一連串戲劇性轉折，最終二叔在險些失去David後才醒覺，兩人重歸於好。
單立文戲外超自律 昔日夜貓變晨鳥操弗自己
劇中「熊樹仁」的頹廢懶散形象深入民心，與現實中的單立文形成極大反差。現實中的豹哥非常注重健康，自制能力極高。他曾在訪問中透露，自己原本是凌晨三、四點才睡的「夜貓」，但自從加入《開心速遞》劇組後，為了適應每日恆常的拍攝時間，徹底改變生活作息，養成了早睡早起的好習慣，成為了「早起的鳥兒」。此外，豹哥亦會積極健身，努力操弗自己以維持健康體魄，與劇中那位放縱飲食、不顧健康的「熊樹仁」相比，簡直是天壤之別。
網民睇到熱血沸騰 激讚湯盈盈：準備大解放了
昨晚一集播出後，網民反應極為熱烈，討論區被火速洗版。大部分留言都一面倒激讚湯盈盈的精彩演出，認為她完全演活了角色的兩面性：「睇唔出 David 姐係啲咁嘅人」、「David 準備大解放了」、「柔道Look好有型，好有女中豪傑Feel！」。與此同時，亦有不少入戲的觀眾狠批單立文的角色太不長進，紛紛留言炮轟：「二叔太頹廢了」、「你這樣對得住 David 嗎」、「一點都不像根叔，一點都不健康」，可見兩位演員的演繹相當成功，完全牽動了觀眾的情緒。
縱橫歌、影、視三線發展的豹哥單立文(Pal)，接受本刊訪問，由拍處境劇《愛·回家之開心速遞》，講到演三級片做西門慶，並由搖滾說到歌手轉型，又大談行業的興盛與衰退。
豹哥：想個社會開心啲
先講18年《搖滾大俠奏》演唱會，問豹哥之前幾耐無出過騷？佢話：「香港嘅話，對上一次係2015年底《Twins LOL 演唱會》。籌備呢個騷無得緊張，因為時間好緊迫，我日日拍緊處境劇，唔能夠抖。都無刻意練歌，係揸車嗰陣唱吓Carpool Karaoke (車上卡拉OK) 就有。」喺屋企有無彈結他、Jam吓？豹哥話：「一啲都無。但之後有練番多啲，catch up番個standard！」
我係一個滾大俠⋯⋯ 仲有班豬朋狗友陪我一齊滾 👳🏾♂️👌🏾…👨🎤🤟🏼…🤖🖖🏽#其實夾band真係冇罪嘅 #人不selfie枉少年 #其實去滾真係冇事嘅 #hkband
Pal Sinn（@palsinn）分享的貼文 於 張貼
講到由宣布開騷到依家，反應都好好，豹哥笑言：「我知道有人惡搞，將海報改成『搖滾大嬸判』、『搖滾大細怒』。搞得你，即係你有noise囉，我都OK嘅、冇乜所謂！」
好！你地同我地講下，想要聽D乜嘢歌？👼⚡️🎵🎸🎼🥁🎹🎧🎤 #其實夾band真係冇罪嘅 #人不boogie枉少年 #其實彈bass真係冇罪嘅 #hkband #搖滾大俠奏
Pal Sinn（@palsinn）分享的貼文 於 張貼
拍處境劇考紀律
拍處境劇《愛·回家之開心速遞》係咪令豹哥名利雙收？豹哥話：「睇你用咩眼光睇，呢個係好regular、好堅持嘅工作。每日七點起身，夜晚七、八點收廠，日日都係咁，三百六十五日唔可以休息，睇你個人嘅紀律係keep到幾犀利。初初未拍過，抱住戰戰兢兢心態去探索，但拍落，少少瀨嘢嘞，因為我係一個夜晚人，我凌晨三、四點瞓，最高峰期我係晏晝瞓覺、夜晚十二點起身，要三百六十度扭轉(作息)，都幾慘吓。終於試到，而且已經習慣咗。」
《開心速遞》係咪令豹哥更加入屋？個個都爆騷，係咪賺到盤滿砵滿？豹哥表示：「我覺得賺到嘅唔係爆騷或者盤滿砵滿，係一班演員日久生情，由好陌生、大家冇乜默契，變咗真係好似一家人咁，呢下幾攞命、幾珍貴。之前未試過，之前拍嘅戲或者劇都係三、兩個月，感情無咁深厚，依家一班人日日見面，叫阿哥、大妹、細妹，叫到真嘅一樣，好似家人咁關心佢哋，放假問出唔出嚟食飯、病痛噓寒問暖，自己屋企人有時都好似無咁親。」
