愛．回家之三代同糖｜樊亦敏戴后冠驚豔登場！突爆當年選港姐最大挑戰

Oct 26 2026

樊亦敏今晚於TVB節目《愛．回家之三代同糖》以「龔喜」一角華麗登場，劇組為她安排坐「直升機」兼行紅地氈，更戴上后冠配襯純白晚裝，氣場十足！當強大氣流吹起其超長水袖與裙襬，仙氣畫面震撼眼球。樊亦敏坦言此情此景勾起選港姐回憶，但風光背後原來暗藏一大挑戰！

樊亦敏坐直升機華麗登場歐瑞偉變護花使者

在今晚播出的「龔喜駕到」單元中，樊亦敏飾演的新業主「龔喜」排場十足，不但乘坐「直升機」駕到，更踏上紅地氈，盡顯女王氣派。她戴上后冠，身穿高貴的純白晚裝，在強風下水袖與裙襬隨風飄揚，仙氣與氣場兼備。同場的歐瑞偉則化身完美男伴，全程溫柔護航，更小心翼翼地捧着后冠盒，紳士風度爆棚，二人登場的畫面極具戲劇張力。

樊亦敏親解后冠之謎「屋企公仔頭后冠都攞埋」

為了這場重頭戲，樊亦敏與劇組都花盡心思。她接受訪問時大讚劇組安排：「好靚，好多謝劇組畀我一個好靚嘅形象。」她透露單是挑選后冠已是一大工程，原來劇組準備了十頂后冠讓她挑選，連監製也親自下來幫忙。樊亦敏更笑言：「我屋企大隻嗰啲公仔頭上面都有戴后冠，所以我都攞咗嗰啲后冠返嚟睇吓啱唔啱用，最後揀咗呢頂圓形嘅皇冠。」為求完美，她更出動私伙手袋、鞋及飾物，希望營造高貴而輕鬆的感覺。

樊亦敏重拾選港姐感覺自信爆棚「真係瘦咗」

事隔多年再次戴上后冠，讓樊亦敏不禁回想起當年參選港姐的時光，她更自信地表示有重拾少女味的感覺：「加上我真係瘦咗，好似回到港姐有啲啲少女味，起碼成個人有少少仙氣嘅感覺。」不過她坦言拍攝過程亦有挑戰，最大難度是需穿著高跟鞋在凹凸不平的地面上行走，同時要保持儀態，讓她憶起當年的訓練：「自從港姐之後，我都好耐時間都唔需要咁 elegant 行路，盡量挺胸收腹，好似頭頂住啲嘢咁樣行，同埋啲腳尖要落地，交叉腳直線行，好似 model 咁，諗番港姐嗰陣時老師教我哋嘅嘢。」

網民洗版式激讚「三太仙氣返哂嚟」

樊亦敏的華麗登場預告一出，立即引來網民熱烈討論，紛紛大讚其造型驚豔。不少網民留言表示：「三太（樊亦敏綽號）個look好高貴！仙氣返哂嚟！」、「估唔到揀個皇冠都咁大陣仗，劇組好有心！」、「樊亦敏真係keep得好好，完全唔似選完港姐咁多年！」、「連自己公仔個后冠都拎返公司，太可愛了吧！」、「好期待佢同KC條線，肯定好好笑！」