愛．回家｜大小姐爆喊自嘲愛上渣男！獲宿敵熊尚善心痛一抱震驚網民

昨晚劇情高潮！大小姐崩潰剖白「我真係放唔低」

劇情講述大小姐因父親大龍生（羅樂林飾）重男輕女而心碎，一直以來的努力付諸流水。面對宿敵熊尚善，她終於卸下所有防備，將多年的委屈一次過爆發，痛哭直言：「我所有嘅青春都放晒喺接龍」、「點解佢最愛嘅人唔係我」。她更將自己對父親的愚孝比喻為無法自拔的愛情，含淚自嘲：「佢係渣男我都知」、「每一次佢有事，我都忍唔住要撲向佢身邊幫佢」、「我知道我係犯賤」、「我真係放唔低呀！」

熊尚善金句點醒：「佢只係拖住你做一世嘅工具人」

看到大小姐如此軟弱，身為「宿敵」的熊尚善非但沒有落井下石，反而心痛地安慰對方，更一語道破真相：「渣男就係渣男，佢只係畀個名份你，然後拖住你，做佢一世嘅工具人。」大小姐聞言後不忿地哭喊：「我唔要做工具人」，並聲淚俱下地請求熊尚善幫她想辦法令「賤男回心轉意」。見此情景，熊尚善忍不住嘆氣，溫柔地叫她「喊啦」，隨後更主動將她攬入懷中，這記「相知相識的心痛一抱」讓「雙大CP」的關係昇華，感動無數網民。

網民睇到心痛！激讚雙大CP辭職一幕「型到核爆」

這場宿敵變盟友的戲碼，在網上引起極大迴響，觀眾紛紛表示心痛大小姐的遭遇，同時亦激讚兩人聯手辭職反擊的一幕。網民留言力撐：「大小姐同大家姐一齊辭職好型」、「今晚集愛回家好好睇，雙大型到核爆」、「大小姐將所有青春都畀晒接龍，大龍生你真係好衰，我相信力蓮集團唔使幾日已經會勁過接龍好多，大小姐你一定得」、「大小姐熊尚善可唔可以組對 CP？」、「尤其是係個 ending，兩個一齊遞辭職信走人，雙大行出嚟嗰幕勁型勁霸氣，有少少想講龍敢威你都有今日」。