愛回家｜ 張景淳回歸成功搶收視 重溫十大高收視集數 大龍生先係霸主！

張景淳回歸帶動收視回穩

幾過5月2至8日的收視急跌洗禮，《愛回家之開心速遞》上周（5月9日至15日）終於都回穩，周一至周五升至平均21.2點，而周六/日亦回升至21/19.4點，叫做站穩陣腳。消失接近兩個月左右為的張景淳一直是觀眾追看的目標，終於在5月9日當日（第1590集）回歸，當晚網絡上更掀起了一陣「龔燁風」，看來是收視回升的關鍵之一。

隱憂：曹永廉又客串

不過劇集唔係無隱憂，因為星期三（5月18日）又有曹永廉客串！第1599集劇情， 永廉又諗計呃樹根：永廉為了躲懶，假意查看速熊的業務資料，託辭可為樹根整理數據，策劃未來的發展方向。另一方面，永廉代樹根出席運輸業聯會的聚會，遊說池富、麥斗車等人出資開發「Call車App」，欲從中取利。池富等持觀望態度，稱如果樹根肯率先開發App，並做出成績來，才會找永廉合作，永廉唯有先遊說樹根……樹根答應出重金開發App，簽約前卻突然提出額外要求……

《愛回家》最風光的2020年

其實《愛回家》一直都係TVB嘅收視皇牌，不過近兩年卻跟隨整體收視回落，大部分時間都徘徊於23-26點之間（星期六、日除外）。但原來2020年才是《愛回家》最風光的一年，有不止10集的收視成績達到30點以上，史上最高一集更達到33.1點！有鑑於近日不少網民都批評編劇「冇貨賣」，到底當時《愛回家》又係用咩題材去留住觀眾心嘅呢！

第十位（2020年3月26日）：第818集-女戰士的心結?!（31.5點）

每個男人都有不為人知的癖好?!Terry提議以舊卡通水手服女戰士作招徠，龔燁附和，大龍生着他們負責此事。若水奇怪龔燁為何主動支持Terry，及後終於發現龔燁的秘密……

第十位（2020年2月11日）：第783集-蓮輝大時代（31.5點）

大小姐挨到殘 ，送水輝去滾了?!｜瑞輝偶遇一名自稱葉天的怪漢，幫他後獲贈股票貼士，但瑞輝沒放在心上，詎料……瑞輝此後行蹤神秘，引起力蓮懷疑……

第九位（2020年10月13日）：第1027集-緣來不是你 （31.6點）

正嘅愛係默默陪伴：雷公調派Rebecca去保安部實習一個星期。本以為保安部同Rebecca已經和好，點知馬漢等人心中嘅怨恨未消，瘋狂操練Rebecca，仲要佢徒手開榴槤！令Rebecca痛不欲生！但同組嘅張龍卻對佢默默守護又細心照顧！唔通Rebecca嘅愛情運已經降臨？

第九位（2020年3月9日）：第810集-爸爸的寶貝（31.6點）

第九位（2020年3月3日）：第804集-Terry的守護神（31.6點）

敢威懷疑有人幫助Terry，力王竟指有天使暗中幫忙。敢威要查出是誰人幫力王，遂翻看Cafe的閉路電視片段，發現……

第八位（2020年8月11日）：第964集-隱藏在背後的「美」（31.7點）

第八位（2020年7月28日）：第951集-原來你不愛我（31.7點）

第八位（2020年2月27日）：第799集-熊家個個正夜鬼（31.7點）

第八位（2020年2月3日）：第775集-弊傢伙．玩大咗（31.7點）

第七位（2020年4月6日）：第838集-婚紗背後（31.8點）

第六位（2020年2月19日）：第958集-甘心替代你（31.9點）

第六位（2020年2月10日）：第782集-爸爸與媽惡新抱（31.9點）

第五位（2020年2月17日）：第789集-吉屋爭奪戰（32.3點）

第五位（2020年3月12日）：第785集 – 安仔與凌凌情感的禁區（32.3點）

凌凌兼職時不慎打破燈具，需要賠償五千元，碰巧電影學會遺失差不多數額的經費。城安阻止書蟲等人報警，提議張貼告示，限偷錢者三日內歸還經費，原來他懷疑凌凌偷錢應急。

第四位（2020年4月14日）：第846集-劣人驅逐良人（32.5點）

網上傳聞引發搶購瘋潮，陳生等街坊找樹根一同搶購米糧及日用品，譚道德稱他們行為低劣，不屑同流合污…

第三位（2020年3月2日）：第803集-移民風暴（32.7點）

第二位（2020年7月31日）：第954集-我的麻煩鄰居（33點）

真皇帝龍敢威登場！ 龍敢威紆尊降貴，入住普通住宅大廈，因為風水而唔願遷出，佢更當正自己係皇帝，仲亂咁投訴，周圍發律師信比左鄰右里，連熊家都遭殃，果然有錢就係任性！

第一位（2020年7月29日）：第952集-暗箭難防（33.1點）

墮落的大龍生！今次大龍生(羅樂林)出事喇！無啦啦成個接龍集團主席被罷免，股權亦都唔係最大份嗰個，諗住叫班員工同佢一齊走，點知冇人跟佢走，就連自己個女大小姐(林淑敏)都唔肯跟佢走，認真墮落，嬲死佢喇!

原來大龍生先係收視保證！