愛回家|50歲樊亦敏神還原18歲「陽光廣告」與Chantel撞樣! 激光劉丹夠瘋狂!

娛樂

廣告

無綫處境喜劇《愛回家之開心速遞》一向是TVB的收視保證,劇情亦從來冇令觀眾失望。自從早前張明偉以及梁茵先後離開TVB之後,的確係悶咗一排,不過最近兩集嘅樊奕敏及劉丹豁出去為TVB打破僵局,當中「幻彩詠根叔」的一幕更被網民喻為「本年度最精彩」的一集。

文:東方新地|《愛回家之開心速遞》截圖、「陽光廣告」截圖、YouTube留言截圖

樊亦敏神還原32年前「陽光廣告」與Chantel撞樣

愛回家|劇情大暴走 樊亦敏神還原32年前「陽光廣告」 激光中的劉丹夠晒黐線
今時今日與32年前的樊亦敏。(圖片來源:影片截圖)
(圖片來源:YouTube留言截圖)
(圖片來源:YouTube留言截圖)

32年前,當年僅18歲的樊亦敏是一名模特兒,因為拍攝陽光檸檬茶廣告而大受關注,及後她她參選《1991年香港小姐選舉》,雖然三甲不入,但她後來則以「最上鏡小姐」之名加入娛樂圈。在《愛回家之開心速遞》第1440集中,樊亦敏飾演的三太白天娥為教導英進(招浩明飾)和蜀明(繆家慶飾)追求冠君(謝嘉怡飾),決定親自上陣被二人追求驗貨。結果英進和三太「神還原」樊亦敏1989年的陽光檸檬茶廣告經典,截的士、唱片鋪及電話亭都抄到足。而且有觀眾指樊亦敏Chantel上身,扮後生拍得住當年仙氣!

請留意2’51″至5’05″(當中仲包括《喜劇之王》中周星馳、張栢芝的經典情節):

&t=222s

重溫:陽光檸檬茶(樊亦敏)1989

似唔似就大家話喇。(圖片來源:IG@chantelyiu)
似唔似就大家話喇。(圖片來源:IG@chantelyiu)

激光中的樹根

根叔係威嘅!(圖片來源:《愛回家之開心速遞》截圖)
根叔係威嘅!(圖片來源:《愛回家之開心速遞》截圖)
仲有投影!(圖片來源:《愛回家之開心速遞》截圖)
仲有投影!(圖片來源:《愛回家之開心速遞》截圖)
認真架勢!(圖片來源:《愛回家之開心速遞》截圖)
認真架勢!(圖片來源:《愛回家之開心速遞》截圖)

而再早一集(1439),劇中龔燁(張景淳飾)與若水(呂慧儀飾)將於12月27日結婚,即將成為新岳丈大人的樹根(劉丹飾)打算將舊西裝翻新,並找來鄰居「食屎陳師奶」(孫慧蓮飾)改造戰衣!結果陳師奶創意暴走,將樹根的戰衣加裝多個激光發射器,膊頭兩盞射燈更投影出「百年好合」及「鸞鳳和鳴」字眼,睇到所有人眼都凸埋!不少網民都大讚呢集創意十足是「年度最佳」,更讚道具組製作用心。

(圖片來源:YouTube留言截圖)
(圖片來源:YouTube留言截圖)
(圖片來源:YouTube留言截圖)
(圖片來源:YouTube留言截圖)
連好耐冇睇過TVB嘅健吾都話被震撼到。(圖片來源:Facebook截圖)
連好耐冇睇過TVB嘅健吾都話被震撼到。(圖片來源:Facebook截圖)

樊亦敏做陽光妹同伊健打情罵俏

71年出世、樊亦敏年幼時父母離異,母親改嫁日籍繼父一直視之為己出,仲送埋佢去日本升學學日文,必要時係可以用日文鬧人㗎!其實飛去日本升學前,樊亦敏已經因為機緣巧合,被睇中拍過吉百利、香橙、快餐店等電視廣告,仲有一代人集體回憶陽光檸檬茶廣告。好多人以為89年版本係樊亦敏第一次做陽光妹,實情87年最經典嘅鄭伊健版本已經有佢份,同伊健打情罵俏、激嬲女主角嗰個靚絕女同學咪就係佢本人囉!

49歲樊亦敏笑指自己係純天然,從冇整容,連一針都冇打過,所以唔會膠臉。
50歲樊亦敏笑指自己係純天然,從冇整容,連一針都冇打過,所以唔會膠臉。
《愛.回家之開心速遞》「三姨太」呢期搖身一變成為《殺手》社團阿嫂,一呼百應有台型之餘仲係武林高手嚟㗎,面上一道長疤痕,造型相當突出。
《愛.回家之開心速遞》「三姨太」去年搖身一變成為《殺手》社團阿嫂,一呼百應有台型之餘仲係武林高手嚟㗎,面上一道長疤痕,造型相當突出。
2012年回流無綫後雖然主打做配角,不過樊亦敏套套演出都入型入格,近年最出色演出絕對係《愛.回家之開心速遞》嘅三太。
2012年回流無綫後雖然主打做配角,不過樊亦敏套套演出都入型入格,近年最出色演出絕對係《愛.回家之開心速遞》嘅三太。
14歲時被母親朋友介紹拍咗第一個朱古力電視廣告,八十年代最經典嘅陽光檸檬茶廣告亦有佢份,睇吓佢當時個樣幾清純。
14歲時被母親朋友介紹拍咗第一個朱古力電視廣告,八十年代最經典嘅陽光檸檬茶廣告亦有佢份,睇吓佢當時個樣幾清純。
樊亦敏喺第一代檸檬茶廣告已出現,當時同鄭伊健打鬧激嬲女主角的一幕。
樊亦敏喺第一代檸檬茶廣告已出現,當時同鄭伊健打鬧激嬲女主角的一幕。

參選港姐獲最上鏡小姐

91年參選港姐、入選五強仲做埋最上鏡小姐,樊亦敏雖然三甲不入,不過因為顏值高、氣質佳一入行即被力捧,第一套劇集《 他來自天堂 》已經被安排擔任第三女主角。96年與無綫約滿北上發展,即成電視劇《 太極宗師 》女主角,仲因此一度同男主角吳京傳出緋聞!無論內地定香港,樊亦敏去到邊都企得住陣腳,點解事業衝刺時期不時幾個月唔見人無以為繼?原來係免疫系統一度失調,又被甩髮、哮喘、水腫困擾不停出入醫院,不過樂觀積極嘅樊亦敏就話,人人際遇唔同,做人唔好自怨自艾,無論去到咩境地,都要保持清醒喎!

今日巴渣潑辣形象深入民心,其實20歲時嘅樊亦敏係港姐出身,當年顏值高氣質佳,用今日說話嚟講,即係宅男女神嚟㗎!
今日巴渣潑辣形象深入民心,其實20歲時嘅樊亦敏係港姐出身,當年顏值高氣質佳,用今日說話嚟講,即係宅男女神嚟㗎!
91年日本留學回港由媽媽報名參選港姐,樊亦敏首輪已經獲得最上鏡小姐獎項,亦入選五強係頂頭大熱,可惜最後大熱倒灶三甲不入。
91年日本留學回港由媽媽報名參選港姐,樊亦敏首輪已經獲得最上鏡小姐獎項,亦入選五強係頂頭大熱,可惜最後大熱倒灶三甲不入。

拔刀相助劉家輝

今年50歲、依然單身,樊亦敏除咗同「 戰狼 」吳京傳過緋聞、捲入過神童輝羅兆輝艷照風波,亦同如今已經出家嘅何寶生拍過拖㖭! 2011年武打巨星劉家輝因為中風入院,隨後與家人出現爭拗,兼被女助手騙財夾帶私逃,多得樊亦敏挺身而出,出錢出力打埋人情牌搵律師幫劉師傅打官司,雖然一度被外間猜疑二人關係密切,但原來佢哋絕對稱不上熟絡,樊亦敏純屬俠義心腸拔刀相助,認真難得!

唔止做戲專業、保養得宜,樊亦敏最為人津津樂道就係佢夠仗義又熱心,2011年劉家輝師傅被家人不顧、被助手騙財,就係樊亦敏出手幫助打官司、追欠款同安排安老院照顧。
唔止做戲專業、保養得宜,樊亦敏最為人津津樂道就係佢夠仗義又熱心,2011年劉家輝師傅被家人不顧、被助手騙財,就係樊亦敏出手幫助打官司、追欠款同安排安老院照顧。
全盛時期嘅樊亦敏曾經捲入羅兆輝艷照風波,亦同今時今日百億票房巨星吳京有過一段情,而唯一公開嘅男友何寶生分手後醉心佛法其後更出家為僧。
全盛時期嘅樊亦敏曾經捲入羅兆輝艷照風波,亦同今時今日百億票房巨星吳京有過一段情,而唯一公開嘅男友何寶生分手後醉心佛法其後更出家為僧。