愛回家｜龔水東京蜜月、香港穿崩cosplay變日本網民讚「愈膠愈過癮」！
廣告
《愛回家之開心速遞》快將邁向1,500集，作為收視保證，頻頻「暴走」的劇情果然唔會令觀眾失望。繼早前一連三集上演「龔水」和「蓮輝」的婚禮之後，日前播出兩對新人赴日度蜜月的劇情，疫情之下難唔到「日本取景」的任務，低端cosplay極多穿崩，不過誠意搭夠！
文：東方新地｜《愛回家之開心速遞》截圖、「陽光廣告」截圖、YouTube留言截圖
度蜜月變換妻之旅
襲燁（張景淳 飾）與熊若水（呂慧儀 飾）以及宋瑞輝（許家傑 飾）與龍力蓮（林淑敏 飾）日前結完婚，當然唔少得度蜜月之旅！兩對CP都決定去日本度蜜月，而且出發嘅機票都係同一日添！豈料俏秘書阿May（趙希洛 飾）既然將兩對CP中女方的機票調轉咗，將大小姐送咗去會合龔燁，繼而將若水送咗去畀送水輝！劇情初頭都係講兩對CP如何在日本交換返個老婆嘅過程，豈料天時、地利、人和之下，龔燁晚上竟然與大小姐共浴兼同床，而送水輝同若水更加床上四目交投差啲咀嘴，畫面曖昧！
香港變日本 膠味濃Key up網民讚一絕
當然啦，曖昧其實都只係畫面啫，實際個劇情就係換妻之後勢成水火，最後搞返啱就互數不是兼與正印甜蜜地繼續遊日本！而呢兩集另一個亮點，就係劇組如何將香港拍成日本。在呂慧儀和林淑敏抵達日本，一個關西、一個青森，分別就取景於火炭港鐵站以及九龍塘巴士總站，加埋啲扮日本嘅Key up，膠味極濃！其後又周不時有窗外嘅富士山、明明係一月但突如其來又會有嘅櫻花，雖然一睇就知係假兼有大量穿崩位，但網民就大讚愈膠愈有味道，最抵死係佢哋為咗拍日本便利店，特登走去疑似係「驚安」或「759｣取景拍攝，相當認真㗎！
重溫過往《愛回家之開心速遞》編劇「走火入魔」紀錄：
