蝦頭

愛美麗狂想曲|45歲蝦頭楊詩敏離巢 前經理人男友邵子風拖婚終分手

娛樂

廣告

45歲蝦頭楊詩敏宣佈離巢無綫,結束八年賓主關係,最新播映的《愛美麗狂想曲》成為其告別作。蝦頭於新劇飾演戀愛狂女強人蔡思琪,任職公關公司高層,一人之下萬人之上。劇中角色感情生活更多姿多彩,經與男人發生一夜情,而現實感情生活卻未有著落,曾與前經理人男友邵子風拍拖,但因前男友不斷拖婚,亦多次被踢爆口花花撩女仔,令二人最終分手收場。

撰文:東方新地│圖片:楊詩敏IG、新傳媒圖片、TVB

蝦頭楊詩敏宣佈離巢 愛美麗狂想曲成告別作

蝦頭有份參與新劇《愛美麗狂想曲》開播,同時亦傳出蝦頭離巢的消息,正式結束與無綫八年賓主關係。向來搞笑形象深得觀眾心,每次拍劇大膽演出都備受關注,蝦頭離巢相信不少觀眾會感可惜!但蝦頭指自己與剛上任無綫副總經理的曾志偉關係良好,不排除未來與TVB再有合作機會。

蝦頭新劇《愛美麗狂想曲》開播。(圖片來源:TVB)
蝦頭新劇《愛美麗狂想曲》開播。(圖片來源:TVB)
蝦頭角色背景為一名戀愛狂女強人。(圖片來源:TVB)
蝦頭角色背景為一名戀愛狂女強人。(圖片來源:TVB)

蝦頭楊詩敏分手後 甘願「扮女友」出席親友聚會

蝦頭同經理人邵子風自2015年起拍拖, 人前人後一直相當恩愛。但2018年4月初邵子風突然在網上宣布「分」訊,稱兩人其實早在2017年6月已經分手,強調分手不涉及第三者;另外邵子風又感激蝦頭,指對方喺分手至今10個月以來,依然「假裝」女友如常出席親友聚會。

邵子風又非常感激蝦頭,指對方給予受抑鬱症困擾的自己無限支持,邵子風更揚言如果人生中唔係遇上蝦頭,可能已經自殺了!網民亦表示蝦頭甘願「扮女友」幫男友,絕對需要極大勇氣。

愛美麗狂想曲|45歲楊詩敏離巢無綫 蝦頭搞笑形象深入觀眾心

邵子風「分」訊全文如下:

愛美麗狂想曲|45歲楊詩敏離巢無綫 蝦頭搞笑形象深入觀眾心

邵子風 嘟嘴索吻

雖然生得矮又其貌不揚,但恃住吹得幾嘴,邵子風即使有正印女友蝦頭,仍經常口花花撩女仔。就在他宣布分手前,本刊斷正佢同貌似蝦頭的肉肉女視像,當日傍晚時分,邵子風一個人揸車出動,去九龍城街市買火鍋材料,見他買餸期間亦忙於睇手機,還以為他同女友蝦頭聯絡,誰知急急腳返上車廂的邵子風,開埋視像媾女對話,睇真啲,原來視像對象,並唔係女友蝦頭,是皮膚白滑的年輕肉肉女,見佢陶醉到不停嘟晒嘴向女方索吻,互相挑逗了差不多十分鐘。同一時間,蝦頭當時跟翟威廉丶周志文等又彈又唱,直播「Happy Live」當中。

邵子風
邵子風單拖駕車到九龍城買火鍋配料,不過,買買吓嘢突然返上車廂,同一貌似女友蝦頭的肉肉女視像,傾傾吓邵子風仲冧爆嘟嘴向女方索吻,挑逗女方。
邵子風
邵子風在車廂開視像媾女,同女方隔住個mon都可以肉緊啜爆,果然係冧女高手。
邵子風
邵子風啜爆挑逗肉肉女,女方更被冧到一度閉上眼,同邵子風一齊嘟嘴,二人關係好不尋常。

蝦頭被問到邵子風啜女一事,睇相仍扮鎮定幫男友苦撐:「佢講嘢嘟嘴啫!我有時講嘢都嘟嘴啦!」但其實佢當時已同邵子風分手多時,只是她仍一直幫前度男友扮女朋友,真是傻女! 邵子風

服侍周到

現年45歲的蝦頭,15年被爆撻著經理人邵子風,二人極速在西貢同居,當時就有指蝦頭撬好姊妹,同是邵子風旗下的龍小菌牆腳,不過,即使邵子風曾同龍小菌拖手行街被斷正,當時邵仍否認同過小菌拍拖,只承認對方是好朋友同工作夥伴,蝦頭為撐男友閃爆認愛,又指同龍小菌是好朋友,最終龍小菌輸家離場。

邵子風
邵子風喺街市買餸仲掛住傳短訊冧女,似乎當時已經同肉肉女短訊緊。之後索性上車開視像談情。
邵子風
視像啜爆之後,邵子風即急急腳趕去買火鍋配料,連去幾個檔買齊配料,即駕車趕下場。

躁鬱症拖婚

可惜,明知女友當時已屆42歲高齡的邵子風仍未肯定落嚟畀名份蝦頭,之前佢被問到幾時娶女友過門,更以有躁鬱症做藉口,話「唔知自己擺得幾耐」一味拖婚,最終二人分手收場。

蝦頭 邵子風
蝦頭在葵涌大會堂為舞台劇綵排,至傍晚6時多,同大班演員到附近茶餐廳醫肚。
蝦頭 邵子風
蝦頭長期劇接劇,早前趕拍新劇《包青天再起風雲》,另一邊又要為舞台劇綵排, 難怪忙到連男友邵子風背住自己做乜都唔知。

其實在斷正啜女前,邵子風已多次被拍到單拖約女,同前度龍小菌亦經常以工作為由唔避忌單獨約會,每次邵子風都氹得女方好開心。據知情者透露:「我哋都知阿Dean同小菌一齊過,不過嗰時小菌事業啱啱起步,佢哋拍得好低調,後尾蝦頭簽咗畀Dean,兩個仲情侶檔演出好快就撻著咗,嗰時小菌知道但好似畀人灌迷湯一樣。阿Dean好識冧女,亦從來冇放棄過個森林,畀佢睇中嘅女仔都係唔好彩啦!」

蝦頭 邵子風
蝦頭同邵子風經常情侶檔做舞台劇,為氹男友,蝦頭前年就刻意節食兼做運動減肥,成功在三個月內減走35磅肉,由肥妹變索女,用心良苦!

蝦頭極罕三點式阿Bob喪望

搞笑形象深入民心的蝦頭,其實亦有性感一面!2018年蝦頭拍攝無綫節目《大玩特玩》時,向來密實嘅佢罕有地以紅色三點式上陣,谷爆事業線,成功搶鏡之餘,仲將又後生又好身材嘅陳嘉恒、劉佩玥、歐陽巧、瑩黃美棋、朱智賢等女嘉賓比下去……在大合照上,蝦頭居然拉開潛水衣拉鍊,露出紅色三點式,深藏不露咪呢啲囉!物以罕為貴,蝦頭咁樣露兩手,網民高度關注,個個對眼變咗把尺,話目測至少有「D」……

蝦頭平時相當密實,以紅色比堅尼上陣,大家至知佢好有事業心,阿Bob對眼望咗去邊?(圖片來源:蝦頭 Instagram)
蝦頭平時相當密實,以紅色比堅尼上陣,大家至知佢好有事業心,阿Bob對眼望咗去邊?(圖片來源:蝦頭 Instagram)

晒完胸再晒腿

晒完胸,蝦頭再益街坊,同林秀怡紮孖辮晒長腿,蝦頭笑話:「孖辮長腿係適合我㗎,我同秀怡會組隊好蝦秀,進軍韓國市場,係咪有得做先?」點解睇落蝦頭好似高咗幾吋?

蝦頭真係瘦咗好多,名副其實有前有後!(圖片來源:蝦頭 Instagram)
蝦頭真係瘦咗好多,名副其實有前有後!(圖片來源:蝦頭 Instagram)
節目每集都有索女大玩水上遊戲。(圖片來源:Bob Instagram)
節目每集都有索女大玩水上遊戲。(圖片來源:Bob Instagram)

延伸閱讀: