Liz李文潔24歲曾戀「食粉絲」奀星男歌手 網民舉證搵出男主角真身﹗

娛樂

廣告

口罩小姐李文潔Liz擔任《戀講嘢》嘉賓,在節目中透露曾同奀星歌手拍拖的不愉快經歷,奀星不但伸手向她要錢,更令粉絲大肚兼收埋個仔,由於Liz在節目中提到渣男不少資料,網民即搵出男主角真身!

戀講嘢|Liz李文潔爆歌手前度開過演唱會

《戀講嘢》19日播出的第35集,節目請來口罩小姐李文潔(Liz)擔任嘉賓。Liz曾在6年前透過朋友認識前度A君。A君是一名歌手,以前擁有很多粉絲,更舉行過演唱會。Liz欣賞他的才華,於是二人相識不久後便發展成戀人關係,當時廿歲出頭的Liz,而男方當時約27歲。

 李文潔 李文潔Liz在《戀講嘢》中透露遇上世紀渣男的經歷﹗
李文潔Liz在《戀講嘢》中透露遇上渣男歌手,指對方曾紅過一時,有不少粉絲,開過音樂會﹗(圖片來源:ViuTV)

攤大手要錢 欠債40萬要求Liz幫忙還債

二人交往後,A君每日只是白吃白喝,沒有努力爭取工作機會,相反Liz有很多模特兒工作,賺錢比男友多。A君見女友賺錢多,便伸手問女友要錢還債,更希望女友可以賺錢包養他。Liz透露A君當時與公司還有約在身,雖然沒有工作但有底薪,而他在有限收入下仍去消遺﹗Liz提到A君及後遇上公司倒閉,並欠債約四十萬,Liz指男方失意,不斷鼓勵他重新振作﹗

 戀講嘢 李文潔 193郭嘉駿聽到李文潔Liz爆前度開口求包養,感到十分驚訝﹗
193郭嘉駿聽到李文潔Liz爆前度開口求包養,感到十分驚訝﹗(圖片來源:ViuTV)
 戀講嘢 李文潔 郭奕芯和譚凱倫聽到李文潔Liz的遭遇, 聽到目瞪口呆﹗
郭奕芯和譚凱倫聽到李文潔Liz的遭遇, 聽到目瞪口呆﹗(圖片來源:ViuTV)

奀星歌手「食粉絲」搞出人命被指是張致恒

二人相戀一個多月後,A君突然告訴Liz自己有一個兒子。兒子的母親是A君的粉絲,他們曾是戀人關係,但女方懷孕後兒子交由女方照顧,而A君每個月靠父母給的零用錢交兒子贍養費。事後外界都在猜測誰是奀星,不少網民都表示第一時間就諗起張致恒,Liz已公開回應唔識張致恒,仲話渣男已轉行。三位主持對A君「食粉絲」一事感到吃驚,193表示「食粉絲」為娛樂圈大忌,聲稱自己從未和粉絲交換過聯絡方法,因為藝人和粉絲之間應當保持距離。

 戀講嘢 Liz 李文潔 李文潔話自己都唔相信會遇到渣男﹗
李文潔爆前度不但「食粉絲」,更聽聞對方食盡身邊工作人員,如化妝師﹗(圖片來源:ViuTV)

爆被家暴 男方返內地定居戀情告終

主持們都驚訝為何Liz能忍受渣男的種種行為,Liz指當時年紀少,認為對方事業失意,她可以陪對方一起捱,當時也不停鼓勵對方:「我叫佢做多啲運動,操勁啲就算唔靚仔,都有人會鍾意,不過佢都係懶懶閒﹗」Liz透露後期有不少爭吵,男方更會動手:「佢試過撞我個頭埋牆﹗之後都會郁手郁腳,但之後又不停道歉﹗」最後A君突然告知要返內地定居,半年戀情才告終﹗

男主角真身疑曝光

事後不少網民都在猜測誰是奀星,不少網民都表示第一時間就諗起張致恒。Liz已公開回應唔識張致恒,仲話渣男已轉行。期後網民再經過Liz提供的資料,根據年齡、公司已倒閉、曾舉行音樂會、其貌不揚、冇身型、到內地定居等資訊﹗在討論區引起熱話,網民舉證指男主角好大機會是2009年《亞洲星光大道》亞軍亢帥克﹗現年34歲的亢帥克當年有「亞視之子」之稱,近年長居內地﹗

 戀講嘢 Liz在節目中指前度曾貼二人合照在社交網而遭粉絲鬧爆﹗有網民在亢帥克IG的16年舊照中發現他與Liz合照﹗時間正是Liz口中的六年前﹗
Liz在節目中指前度曾貼二人合照在社交網而遭粉絲鬧爆﹗有網民在亢帥克IG的16年舊照中發現他與Liz合照﹗時間正是Liz口中的六年前﹗(圖片來源:FB@ViuTV)
 戀講嘢 2009年亞洲電視舉辦《亞洲星光大道》,參加第一屆的陳蕾中)奪得第四位,亢帥克左)得亞軍,而冠軍則由羅力威奪得,亢帥克僅以0.1落敗羅力威。
2009年亞洲電視舉辦第一屆《亞洲星光大道》,陳蕾(中)奪得第四位,亢帥克(左)得亞軍,而冠軍則由羅力威奪得,亢帥克僅以0.1落敗羅力威。(圖片來源:IG@sharcokong)
 戀講嘢 當年參賽片段﹗
當年參賽片段﹗(圖片來源:ATV)
 戀講嘢 當年屈居亞軍,陳蕾則梗頸四﹗
當年屈居亞軍,陳蕾則梗頸四﹗(圖片來源:ATV)
 戀講嘢 曾經同許志安同屬太陽娛樂文化旗下﹗
曾經同許志安同屬太陽娛樂文化旗下﹗(圖片來源:IG@sharcokong)

Liz 節目後開youtube 再爆料

節目後Liz相約好友,再分享「渣男特質」,仲邀請了性感好友一同爆料:

Liz李文潔=ViuTV專用比堅尼索女

今年初熱播的《ERROR自肥企画》帶來不少新臉孔,包括Dee哥的「自肥環節」《鹹濕荒島俏博士》女主角,之前神神秘秘只係影後尾枕,原來呢位身穿超性感黃色三點式的嬉水女郎,曾經參加過口罩小姐,就係Dee哥Team嘅「肥妹」李文潔(Liz)⋯⋯《ERROR自肥企画》主題曲MV由第一集開始就已經佈下伏線,鮮黃色比堅尼孖辮妹只見性感背面和心口,當時已經廣受談論,觀眾紛紛揣測係邊一位性感女Model:

 戀講嘢 Liz 李文潔 原來係Dee哥的「自肥環節」荒島求生女主角!
原來係Dee哥的「自肥環節」荒島求生女主角!
 戀講嘢 Liz 李文潔 《鹹濕荒島俏博士》目前只流出製作花絮,影片將於下周播出。
《鹹濕荒島俏博士》目前只流出製作花絮,影片將於下周播出。
 戀講嘢 李文潔 Liz 與 Dee哥在 「口罩小姐」時已有合作。
Liz 與 Dee哥在 「口罩小姐」時已有合作。
 戀講嘢 李文潔 Liz今年28歲。
Liz今年28歲。

Liz係上月《最後一屆口罩小姐選舉》的入圍佳麗,以「肥妹」之名被選入「Dee哥Team」 五強,到12強被淘汰,真名李文潔(Liz),今年 28歲, 身高170 cm。

 戀講嘢 李文潔 導演Mike在石灘邊追住Liz拍得好開心⋯⋯
導演Mike在石灘邊追住Liz拍得好開心⋯⋯
 戀講嘢 李文潔 今次Liz將會飾演荒島求生的「小助手」,但在花絮中就頗為寸嘴。
今次Liz將會飾演荒島求生的「小助手」,但在花絮中就頗為寸嘴。
 戀講嘢 Liz 李文潔 Dee哥好期待與索女「荒島留宿」 ,但求生技倆就得啖笑。
Dee哥好期待與索女「荒島留宿」 ,但求生技倆就得啖笑。
 戀講嘢 李文潔 有精明眼觀眾好快就估到荒島求生女主角係Liz
有精明眼觀眾好快就估到荒島求生女主角係Liz。(圖片來源:limankit IG )

(多圖)李文潔Liz美照大合集:

 戀講嘢 Liz 李文潔 《鹹濕荒島俏博士》將於下周上映!
《鹹濕荒島俏博士》將於下周上映!

李文潔(Liz)曾經係口罩小姐12強:

Liz的參選感想:「真係好開心有識得一班咁好嘅隊員,由一開頭大家覺得我地果隊好似甩皮甩骨錦,到第一次辯論比賽我哋係隊長@deegor_hkwa既英明領導下同組員既努力下終於威返一次比大家睇😁」

 戀講嘢 ERROR自肥企画|《鹹濕荒島俏博士》Liz李文潔性感比堅尼登場!

 戀講嘢 092 肥妹|真名:李文潔(Liz)年齡 28|身高(cm) 170 |體重(kg) 50|三圍(寸) 32 24.5 33.5
092 肥妹|真名:李文潔(Liz)年齡 28|身高(cm) 170 |體重(kg) 50|三圍(寸) 32 24.5 33.5
 戀講嘢 Liz 李文潔 口罩小姐選舉 20強正式誕生
Dee哥嘅囡囡個個都高質!
 戀講嘢 李文潔 初參賽時的Liz
初參賽時的Liz

撰文:東方新地圖片來源:ViuTV、IG@limankit_lizli

你又點睇?