新城勁爆頒獎禮2022 騎呢位

新城勁爆頒獎禮2022爆笑盤點|觀眾入場獲派米? 新人唱到走曬音

娛樂

廣告

《新城勁爆頒獎禮2022》今日(12月29日)於香港會議展覽中心舉行,頒發本年度的首張樂壇成績表。今年新城勁爆頒獎典禮繼續充滿騎呢位,不但送米俾入場觀眾之外,一班新人仲要唱到走曬音,嚇壞一班觀眾!

新城勁爆騎呢位 1)觀眾入場獲派1公斤米

在新城勁爆頒獎典禮開始前,一班主持逐一讀出贊助單位名單,台下的觀眾亦在入場前獲得一袋禮品包,禮品包入面包括:1公斤香米、贈券及Wasabi一支,份量十足!

新城勁爆頒獎禮2022 騎呢位 新城勁爆頒獎禮
(圖片來源:東方新地)

網民「你派必理痛好過!」

不少有份入場的觀眾都忍唔住反問新城:「頒獎禮派米究竟係咩玩法?」亦有網友表示「不如派必理痛仲好!」

新城勁爆頒獎禮2022 騎呢位 雖然騎呢但係賺到打卡,果然係奇招突出!
雖然騎呢但係賺到打卡,果然係奇招突出!(圖片來源:東方新地)
新城勁爆頒獎禮2022 騎呢位 觀眾最後唔多領情,遺下多包大米,工作人員要用籠車將「留下來的米」載走。
觀眾最後唔多領情,遺下多包大米,工作人員要用籠車將「留下來的米」載走。(圖片來源:東方新地)

新城勁爆騎呢位2)「有聲無畫」搞到一頭霧水

今年新年勁爆頒獎典禮不設電視台同日轉播,一班觀眾假如想看直播,就必須付$398購買新城會籍,才能獲得網上直播的門票,如果唔係就只可以收聽FM99.7新城電台。可是此新穎的安排,在頒獎典禮首輪環節就出事,一班樂壇新人輪流唱出其他歌手的派台歌的時候,因為收聽電台的聽眾「有聲無畫」,所以都唔知道邊個打邊個。就連直播都毫無字幕介紹出場人物,搞到一班觀眾都睇到一頭霧水!

新城勁爆頒獎禮2022 騎呢位 新城勁爆頒獎禮 8缺3的COLLAR都有份表演。
8缺3的COLLAR都有份表演。(圖片來源:《新城勁爆頒獎禮2022》截圖)

新城勁爆騎呢位3)一班新人唱到走曬音

一班新人打頭陣唱出多首前輩們的派台歌,唔知係唔係因為太緊張,大部分新人歌手都唱到走曬因,惹起網民熱議。不少網民更表示DEZ余宗遙唱Jer柳應廷的《狂人日記》幾乎全首走音,嚇親一班觀眾同聽眾!

新城勁爆頒獎禮2022 騎呢位 新城勁爆頒獎禮 DEZ余宗遙唱Jer柳應廷的《狂人日記》幾乎全首走音
DEZ余宗遙唱Jer柳應廷的《狂人日記》幾乎全首走音(圖片來源:東方新地)
新城勁爆頒獎禮2022 騎呢位 新城勁爆頒獎禮 CY 陳宗澤算係唱得比較穩嘅一位新人
CY 陳宗澤算係唱得比較穩嘅一位新人(圖片來源:《新城勁爆頒獎禮2022》截圖)

新城勁爆騎呢位4)今年Slogan「新葉」變「失業」?

另一個騎呢位就不得不提今年新城頒獎典禮中時不時提到的「樂壇新葉」(今年口號為「音樂新葉 」,又係食「頁」與「葉」的同音字手法)!今年新城頒獎台上用「樂壇新葉」一詞嚟形容一班初出道的新人,但係因為收音問題,令不少觀眾都聽成「樂壇失業」!

新城勁爆頒獎禮2022 騎呢位 「音樂新葉」變成「音樂失業」?
「音樂新葉」變成「音樂失業」?(圖片來源:東方新地)
新城勁爆頒獎禮2022 騎呢位 新城勁爆頒獎禮 今年新城用嚟形容一班新人嘅「樂壇新葉」,未知是否因為收音問題,觀眾都聽錯為「樂壇失業」
今年新城用嚟形容一班新人嘅「樂壇新葉」,未知是否因為收音問題,觀眾都聽錯為「樂壇失業」(圖片來源:《新城勁爆頒獎禮2022》截圖)

新城勁爆騎呢位5)黎展峯同 「NY游學修」撞衫?!

不少網民都覺得今年新人之一的黎展峯身上的外套非常熟悉,經過網民一番討論,發現原來黎展峯身上嘅外套,同游學修去年試當真短片《Black Mirror 》入面扮演平行時空偶像「NY游學修」嗰套衫!

新城勁爆頒獎禮2022 騎呢位 新城勁爆頒獎禮
(圖片來源:東方新地)
新城勁爆頒獎禮2022 騎呢位 新城勁爆頒獎禮 《係咁先啦唔係咩呀》為二創惡搞歌
《係咁先啦唔係咩呀》為二創惡搞歌(圖片來源:網上圖片)

圖片來源:《新城勁爆頒獎禮2022》截圖》、東方新地資料或影片來源:原文刊於東方新地