曾志偉子

曾志偉子曾國猷離婚 前妻張可蕙曾姣勾苗僑偉 爆粗鬧夫家 被逐出門

娛樂

廣告

曾志偉子曾國猷今日被驚爆已離婚!其新抱Renee(張可蕙)日前在社交網公開新戀情,才驚爆她和曾志偉孻仔曾國猷已離婚,其實早在2013年她就曾被志偉逐出家門。2012年12月曾志偉為維持娛樂圈和諧而涉嫌掌摑黃浩,最終被落案起訴,翌年6月須第4度返警署報到,其新抱Renee(張可蕙)卻被揭在網上爆粗狂數夫家,有傳嬲到震的志偉為免在應付官司期間添煩添亂,已將國猷和新抱逐離家。家嘈屋閉鬧劇搬到facebook上演,揭破志偉一家幸福外衣下家宅不寧,亦盡顯Renee的XO港女本色,既要嫁得好住大屋使工人要錢要歎又要老公型英帥。婚前喜愛夜蒲獵金龜的她,自與夫家不睦後即回復本性,在志偉大壽派對上公然姣勾老爺兄弟苗僑偉(三哥)索吻合照。看來大罵老公死肥柴嫌對方樣衰戇居的她,出口並非一時意氣!

文、圖:東方新地

曾志偉子曾國猷前妻張可蕙 專獵富二代

現年40歲的Renee出身大圍屋邨,婚前任職化妝品sales,喜愛夜蒲獵有錢仔,但次次迫婚不成便遭拋棄。2011年曾國猷在夜場邂逅Renee中伏,相識兩個月搞出人命,在2012年5月誕下女兒曾詩雨(Ashlyn),同年9月奉女成婚,婚後三口子不時晒幸福,豈料溫馨表面得個殼,Renee港女本色現形,網上狂數夫家,用詞相當冇品,除粗口橫飛,又攻擊老公外形,稱他「死肥柴」戇居、樣衰,奶奶則「更年期無理取鬧」。

曾國猷前妻張可蕙爆粗鬧夫家
2012年曾國猷迎娶爲他誕下女兒的Renee,在Holiday Inn擺酒兼設百日宴,曾志偉不但包場送酒席,更豪送百萬金器鑽飾畀新抱,一家喜氣洋洋。相中左至右分別為老大曾寶儀、老三曾國祥、孻仔曾國猷、新抱Renee、志偉已故的第二任妻子宋麗華及志偉。
曾國猷前妻張可蕙爆粗鬧夫家
在男家西貢銀線灣別墅斟茶時,曾志偉夫婦重手送贈幾十萬金飾,而婚禮上Renee所戴的百萬鑽飾均由男家贈送。
曾國猷前妻張可蕙爆粗鬧夫家
當年婚宴上宋麗華以鮮艷旗袍迎新抱,又不停逗孫女玩好開懷。
曾國猷前妻張可蕙爆粗鬧夫家
抱實孫女唔放嘅宋麗華,知道新抱崇拜張學友,特別叫學友與她拍照留念。
曾國猷前妻張可蕙爆粗鬧夫家
雖然Renee在facebook數爆曾國猷返到屋企咩都唔理,但fb內不時見他陪宋麗華湊女。

唔騷夫家 狂黐型男

事實上結婚半年Renee與夫家關係已勢成水火,2013年4月初曾志偉60大壽錄影,曾家齊心現身會展,表面無異樣,節目完畢後轉場到西環「尚品薈」繼續狂歡,由於屬私人派對,場內無記者,Renee回復「真我」,甚少騷曾氏一家,與奶奶更加面左左,反之對待志偉眾老死如譚詠麟、苗僑偉、方中信、謝天華等積極埋手,回復未嫁時蒲女本色,當中只有女人湯圓苗僑偉肯應酬她。有目擊者指,被三哥迷到暈陀陀的她,懶理三嫂在場,幾杯到肚不停撩對方猜枚劈酒合照。

曾國猷前妻張可蕙爆粗鬧夫家
在志偉大壽的after party,生得一對鳳眼的Renee將夫家置諸腦後,與三哥錫面合照。

有目擊者表示:「Renee成晚死纏三哥,係咁讚三哥靚仔有型,又話要錫三哥影合照,電到三哥陀陀擰,咁啱三嫂(戚美珍)行開咗同朋友傾偈,三哥又飲到high high哋就主動錫Renee,當錫啖個細姪女啫!」目擊者指由於現場人多兼烏燈黑火,睇到此幕的人並不多,奶奶宋麗華是其中一個。散場後宋麗華雖與國猷夫婦同乘一車歸家,但奶奶全程對新抱黑面相向。成功獲三哥賜吻的Renee事後不時向密友展示勝利合照。

曾國猷前妻張可蕙爆粗鬧夫家
After party上Renee懶理身份玩過火,掛住劈酒的國猷當時仍未知情,但全程被奶奶宋麗華目擊,死到臨頭的Renee離開時緊咬下唇一臉倔強。
曾國猷前妻張可蕙爆粗鬧夫家
奶奶宋麗華随國猷夫婦同車返家,沿途黑住面強忍怒火留待歸先審。
曾國猷前妻張可蕙爆粗鬧夫家
志偉擺大壽翌晚,曾家到長沙灣大中華食飯,Renee刻意用背脊「得」住奶奶,唔想溝通。
曾國猷前妻張可蕙爆粗鬧夫家
B女想撲過嫲嫲度,Renee死抱唔放人。
曾國猷前妻張可蕙爆粗鬧夫家
離開時落大雨,奶奶先遮新抱、孫女和曾國祥女友過馬路,然後再自己冒雨跑上Benz。
曾國猷前妻張可蕙爆粗鬧夫家
難得有機會抱吓孫女,宋麗華笑晒。

𢱑志偉千萬開舖

比兒子精明得多的曾志偉,當初已對Renee印象麻麻,但有餡大晒別無他法。知情者指︰「拍拖冇耐Renee已經搬咗入志偉銀線灣屋企,當時佢大緊肚,曾家好遷就佢,Renee為免婚事有差池,亦都聽聽話話,當時尚能夠融洽相處。」

曾國猷前妻張可蕙爆粗鬧夫家
人妻Renee即使與老爺奶奶同住,在家亦照穿低胸裝,俯身唧奶好開放。

直至2012年9月結婚,加上有女在手後,Renee已原形畢露。一心以為嫁入曾家印印腳做少奶奶的她,發現事實並非想像中一回事,開始諸多不滿,埋怨湊女辛苦、奶奶難頂,經常向國猷開火,曾國猷不勝其煩,常以工作為由早出晚歸,假日都冇影。Renee再惡亦未敢向老爺奶奶發難,一口怨氣便在facebook及親子王國上宣洩。

曾國猷前妻張可蕙爆粗鬧夫家
Renee在facebook除了狂數老公不是兼樣衰,更揚言係爲錢嫁入曾家。

Renee在facebook講到明嫁給曾國猷全因佢老竇係曾志偉、貪曾家有大屋有工人,又自爆早已花光志偉所給的一百萬,堪稱港女中的XO!據知Renee與國猷拍拖不久已辭去sales一職,做全職曾家婦,誕女後又心思思想搞化妝品生意,不斷慫恿國猷叫志偉打本千萬給她,引入護膚品牌開舖,最後僅𦧲到一百萬在網上代理減肥機及減肥膏,但由於經營不善冇錢賺,再慫恿國猷索錢不果,便日鬧夜鬧老公搵唔到錢。

曾國猷前妻張可蕙爆粗鬧夫家
志偉被問到被新抱爆家醜,有備而來解釋事件純粹誤會,全因新抱facebook被黑客入侵,不過卻指新抱同個仔已感到内疚。

兒、媳逐出家 孫女留大宅

據知志偉對家宅不和一事故作輕鬆,實則嬲到震。當時有知情人士表示:「志偉要應付官司已經夠頭痕,冇時間同個新抱同仔算賬,但依家睇見個新抱就眼火爆,已經叫咗佢兩個搬去第二度,由得佢哋打死罷就,但唔可以帶走孫女Ashlyn,怕佢哋嘈起上嚟嚇親B女。」

曾國猷前妻張可蕙爆粗鬧夫家
雖然志偉當年為新抱說盡好話,但兩人婚姻最終仍難逃破裂命運。