朱千雪元旦報喜後挺孕肚現身 自爆犯最大陀B禁忌 解釋唔公開BB性別原因

朱千雪為1原因唔公開BB性別

朱千雪接受傳媒訪問時被問到BB的性別，不過她非常口密，未有透漏BB的性別，她解釋指：「遲啲就會講啦，因為爸爸媽媽仲係加拿大，所以我等埋佢哋返嚟先一次過話畀大家知。」朱千雪表示雖然懷孕初期稍有不適，但現階段都尚算精神，並且會等媽媽從加拿大回港後開始添置BB用品，媽媽亦會留下來陪月。

大讚老公超貼心 享受女皇級待遇

朱千雪表示，懷孕期間感覺非常幸福，親朋戚友都對自己好好，連去旅行都不讓自己親自拎行李。她更特別大讚老公貼心：「佢不嬲都好好嘅，但行得多嘅話就會就我。又或者佢會問我想食咩，都會話『你想食咩我即刻去買畀你啦！』都幾好，都幾幸福，哈哈。」當被問到老公有否幫她按摩舒緩懷孕不適時，就笑指兩公婆都不太懂這方面的知識，所以在懷孕初期都特別小心，所以不敢叫老公幫手按摩。

朱千雪陀B五個月 犯孕婦1大禁忌超驚青

身為新手孕婦的朱千雪坦言自己「咩都唔識」，在懷孕初期更曾經犯下孕婦其中1個大禁忌，她超驚青表示：「最驚啲人話呢啲做得，呢啲唔做得，問完先知道原來已經做咗幾個月，成日都會自己嚇自己。譬如嗰日有人叫我唔好用鉸剪，但我就話『吓，但我日日都有嘢unboxing喎，每日喺屋企就係到剪啲package喎』」。不過朱千雪就表示老公會從旁安慰自己，指「冇嘢唔好其實就係好事」，還叫自己不要過於擔心。

已感受到身材變化堅持繼續做2份工

雖然朱千雪已經懷孕五個月，但依然臉子尖尖，五官精緻，依然非常上鏡。不過她指因為上班要穿西裝，所以已經開始感受到身材上的變化：「宜家啲西裝會開始由扣到鈕，變到扣唔到鈕；啲褲又由本身要扣皮帶到宜家唔洗，所以每個禮拜都會感受到（變化）。」雖然如此，但朱千雪就沒有刻意磅重，她表示「無論幾重都好，最緊要係BB健康」。此外，朱千雪指會堅持返律師樓和到大學教書，會到接近臨盆前才會放產假，認真夠曬敬業！

一齊睇足本訪問：

朱千雪大爆懷孕初期犯孕婦1大禁忌！