李婉華自爆曾參加神秘飯局 一班女生服侍「貴賓」︰可以選擇有下文

娛樂

廣告

53歲的李婉華於2003年結婚並移居加拿大,先後誕下一女兩子。她近年開設個人YouTube頻道,分享人生趣事及生活點滴。日前李婉華就在YouTube大爆當年曾在公司安排下出席飯局,直認飯局背後會「有下文」。

李婉華爆娛樂圈「潛規則」

李婉華(Anita)日前邀請網台主持雲海,在自家YouTube頻道「李婉華 Anita Lee」直播聊天,二人由靈異故事講到娛樂圈「潛規則」,李婉華更自爆曾在公司安排下去過一次飯局。李婉華指當時自己初初入行做藝員,公司指有一班外地貴賓到港,要求她出席飯局,片中李婉華一再強調「公司叫咁咪去囉」。點知去到原來有一大班她認識的女生一齊被安排出席,李婉華當時覺得好奇怪,因為女生們要「隔住坐」,反而要同不認識的貴賓一齊坐。

 李婉華 53歲的李婉華於2003年結婚並移居加拿大,先後誕下一女兩子。
53歲的李婉華於2003年結婚並移居加拿大,先後誕下一女兩子。(圖片來源:[email protected]
 李婉華 李婉華日前邀請網台主持雲海,在自家YouTube頻道「李婉華 Anita Lee」直播聊天。
李婉華日前邀請網台主持雲海,在自家YouTube頻道「李婉華 Anita Lee」直播聊天。(圖片來源:[email protected]李婉華 Anita Lee截圖)
 李婉華 節目上李婉華大爆娛樂圈「潛規則」。
節目上李婉華大爆娛樂圈「潛規則」。(圖片來源:[email protected]李婉華 Anita Lee截圖)

李婉華:可以選擇有下文

李婉華說︰「我記得食完餐飯,你可以選擇離開,定係選擇繼續有下文,去飲嘢啊。但係我就梗係食完就快啲走。」至於被問到會否有錢收,她就表示︰「有㗎,好少嘅但係,嗰時可能得一百幾十咁樣。我哋唔知係咩嚟㗎,總之係公司嘅order、係job、公司嘅嘢。當時食嘅時候覺得係一個禮貌,一個飯局咁,譬如我哋做演員,會唔會係啲外國片商,可能嚟到想見吓我哋,了解吓我哋嘅情況,但係我哋都唔知係乜,咁食完我就走咗啦。冇乜嘢,唔識佢哋嘅,同佢哋傾吓偈,好客氣。」但李婉華亦透露:「相信有部分嘅人係有留低嘅」,不過她已離開現場,不知道留低的女生往後發生咩事了。

 李婉華 李婉華自爆當年在公司安排下去過一次飯局。
李婉華自爆當年在公司安排下去過一次飯局。(圖片來源:[email protected]

電視劇情影射「女星飯局被搣大髀」

多年前亞視《美麗傳說2星願》曾經重演娛樂「飯局傳聞」,其中一幕故事講江欣燕、陳法蓉同陳煒呢3個剛入藝員訓練班嘅女仔,有日監製搵佢哋食飯,點知去到淨係得3個富豪在場,重對佢哋毛手毛腳,擺明影射富豪出錢邀請女星食飯嘅「富豪飯局」傳聞。

三位主角唔認扮人 分享「富豪飯局經驗」

雖然佢哋都唔認扮人,但係造型同角色簡直呼之欲出,煒哥:「其實個故仔係將好多唔同嘅娛樂新聞嚟個大雜燴,等觀眾睇起上嚟開心之餘,重有似曾相識嘅感覺。」眾人都拍咗咁耐戲,對於扮嘢真係冇難度,期間重成日爆肚,好似有幕講3個女仔見飯局唔對路而「走佬」,點知被個總理纏住,黃浩然出手幫佢哋解圍,江欣燕即爆肚:「咦!總理你個款係咪急屎呀?」即刻搞到全場爆笑。

另外,煒哥對於富豪飯局亦坦言有段類似經歷:

「我初初出道拍過個廣告,拍完後個老闆叫我夜晚落bar收票,點知去到有人問我價,好彩我醒目帶多幾個朋友去先至收到票。」

江欣燕:「好耐之前都聽人講過話如果去食飯,就會有幾千蚊收,但我又唔等錢開飯,覺得冇必要去。」

 劇集重演訓練班小花遇上富豪飯局一幕,是八十年代非常熱議的煲水花邊新聞。
劇集重演訓練班小花遇上富豪飯局一幕,是八十年代非常熱議的煲水花邊新聞。(圖片來源:東方新地)
 江欣燕即場爆肚:「咦!總理你個款係咪急屎呀?」即刻搞到全場爆笑。
江欣燕即場爆肚:「咦!總理你個款係咪急屎呀?」即刻搞到全場爆笑。(圖片來源:東方新地)
 江欣燕飾演大笑姑婆,將富豪飯局變成鬧劇。
江欣燕飾演大笑姑婆,將富豪飯局變成鬧劇。(圖片來源:東方新地)
(圖片來源:東方新地)
 呢幕戲幕講3個女仔見飯局唔對路而「走佬」,點知被個總理纏住,黃浩然影射劉德華)出手幫佢哋解圍,
呢幕戲幕講3個女仔見飯局唔對路而「走佬」,點知被個總理纏住,黃浩然(影射劉德華)出手幫佢哋解圍,(圖片來源:東方新地)

李婉華初出道舊相大晒冷!

其實當年李婉華一出道已驚為天人,是圈中天使魔鬼混合體的美魔女。她是無綫當年力捧的「銀河十星」之一,拍劇古今角色佳宜。

 無綫87年力捧「銀河十星」郭富城、崔嘉寶、林穎嫻、邱淑貞、邵仲衡、吳詠虹、李婉華、李中寧、胡越山、李耀敬,年尾官方刊物作介紹,瞓喺婉華隔籬嘅係87年《 銀河十星接力賽 》冠軍邵仲衡。
無綫87年力捧「銀河十星」郭富城、崔嘉寶、林穎嫻、邱淑貞、邵仲衡、吳詠虹、李婉華、李中寧、胡越山、李耀敬,年尾官方刊物作介紹,瞓喺婉華隔籬嘅係87年《 銀河十星接力賽 》冠軍邵仲衡。(圖片來源:新傳媒圖片庫)
 88年20歲嘅李婉華樣貌清純標青帶點混血味道,出道半年就有偶像雜誌刊登佢嘅大彩頁,相中衣著老成完全唔切合佢雙十年華,但就展現出成熟美。
88年20歲嘅李婉華樣貌清純標青帶點混血味道,出道半年就有偶像雜誌刊登佢嘅大彩頁,相中衣著老成完全唔切合佢雙十年華,但就展現出成熟美。(圖片來源:新傳媒圖片庫)
 21歲的李婉華89年拍劇《公私三文治》 時同吳鎮宇擦出愛火花,從此展開長達八年嘅愛情長跑,但識於微時嘅二人因性格剛烈而經常嗌交,摩擦頻生下分手收場。
21歲的李婉華89年拍劇《公私三文治》 時同吳鎮宇擦出愛火花,從此展開長達八年嘅愛情長跑,但識於微時嘅二人因性格剛烈而經常嗌交,摩擦頻生下分手收場。(圖片來源:新傳媒圖片庫)
 演藝學院畢業嘅李婉華90年首次演古裝同武打劇,喺《 蜀山奇俠 》演「紫青雙劍」中嘅青劍周青雲,同演紫劍嘅楊寶玲 共侍一夫關禮傑。
演藝學院畢業嘅李婉華90年首次演古裝同武打劇,喺《 蜀山奇俠 》演「紫青雙劍」中嘅青劍周青雲,同演紫劍嘅楊寶玲 共侍一夫關禮傑。(圖片來源:新傳媒圖片庫)
 呢張92年頭影嘅相李婉華金耳環金錶 行頭勁,最吸睛都係展現喺胸膛嘅粗金鏈 連吊墜,名副其實係金玉滿堂。
呢張92年頭影嘅相李婉華金耳環金錶行頭勁,最吸睛都係展現喺胸膛嘅粗金鏈連吊墜,名副其實係金玉滿堂。(圖片來源:新傳媒圖片庫)
 擁有驕人身材嘅李婉華,93年成為某娛樂 周刊嘅封面人物,相中誘惑眼神低胸裝大晒兩 吋半乳溝,係男人嘅魂魄都畀佢勾。
擁有驕人身材嘅李婉華,93年成為某娛樂 周刊嘅封面人物,相中誘惑眼神低胸裝大晒兩吋半乳溝,係男人嘅魂魄都畀佢勾。(圖片來源: 新傳媒圖片庫)
 李婉華喺夏韶聲穿針引線下推出處女大碟《藍》同埋喺英法拍攝嘅同名寫真集,可惜一推出,唱片公司居然執笠,搞到女神驚愕又失望,而佢喺英國拍寫真時代公司碌卡支付很多費用冇得 claim 番,惨豬豬。
李婉華喺夏韶聲穿針引線下推出處女大碟《藍》同埋喺英法拍攝嘅同名寫真集,可惜一推出,唱片公司居然執笠,搞到女神驚愕又失望。(圖片來源:新傳媒圖片庫)
 李婉華年過半百依然火辣 女神同鍾嘉欣同場無違和感
李婉華話當年佢喺英國拍寫真時,曾經代公司碌卡支付過很多費用,但都冇得claim番,惨豬豬。(圖片來源:新傳媒圖片庫)
 李婉華年過半百依然火辣 女神同鍾嘉欣同場無違和感
當年李婉華嘗試過唔少形象。(圖片來源:新傳媒圖片庫)
 李婉華替某電視周刊影靚相,34C豐滿上圍喺純白色露臍裝映照下寧舍激凸澎湃,睇 到宅男流晒鼻血咁滯。
李婉華94年替某電視周刊影靚相,34C豐滿上圍喺純白色露臍裝映照下寧舍激凸澎湃,睇到宅男流晒鼻血咁滯。(圖片來源:新傳媒圖片庫)
 96年李婉華的留海新髮型配佢一身銀藍色閃令令上衫同珠片褲,再加型格靴,簡直係 艷光放閃,狂野魅力盡現!
96年李婉華的留海新髮型配佢一身銀藍色閃令令上衫同珠片褲,再加型格靴,簡直係 艷光放閃,狂野魅力盡現!(圖片來源:新傳媒圖片庫)
 李婉華96年跳槽亞視,98年同何家勁合作《馬永貞之爭霸上海》同《 馬永貞之英雄血 》時撻著,但婉華恨有家庭,男方又經常返內地工作,長期分隔兩地令感情變淡,戀情維持三年最終分手。
李婉華96年跳槽亞視,98年同何家勁合作《馬永貞之爭霸上海》同《馬永貞之英雄血》時撻著,但婉華恨有家庭,男方又經常返內地工作,長期分隔兩地令感情變淡,戀情維持三年最終分手。(圖片來源:新傳媒圖片庫)

將來還有什麼演唱會值得留意?

有不少歌手宣布舉辦演唱會,例如:Space Music Festival張學友李克勤林宥嘉方皓玟西九音樂節五月天Twins鄭秀文鄭欣宜許冠傑;喜歡K-pop的你亦有福了,ApinkNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

2023年好戲多籮籮,Sundaykiss為你整合2023電影推薦及3-6月香港電影上映表,無論是港產片、Marvel、卡通片都應有盡有,更附上必睇劇情和彩蛋介紹!除此之外,更可以參觀博物館,例如太空館科學館香港藝術館M+香港文化博物館等,更為你整合行山路線野餐地點、絕對是假日消遣的必然之選!

關鍵詞
李婉華
撰文:東方新地圖片來源:[email protected][email protected]李婉華 Anita Lee截圖、新傳媒圖片庫資料或影片來源:[email protected]李婉華 Anita Lee

你又點睇?