李芷晴淚崩剖白「愛情陰影」！網民反應兩極狠批：日日喊好煩！

《女神配對計劃》李芷晴淚灑當場

在節目尾聲，當談及與前度Jacob的感情經歷時，李芷晴無法抑制情緒，當場泣不成聲，坦言這段過去已成為她目前對愛情最大的陰影。她的脆弱一面不僅讓在場其他女神為之動容，就連嘉賓羅毓儀（Yuki）也被感染，跟著一同落淚，場面令人揪心。

Bob林盛斌溫柔開解Stephanie

面對李芷晴的淚水，作為節目主持之一的Bob林盛斌（Bob爺）展現出溫柔一面，非常有耐性地開解她，希望她能夠想通，不要因為一次的受傷而完全封閉自己。Bob的言論被不少網民大讚充滿智慧，他嘗試引導Stephanie反思自己的擇偶觀念，並鼓勵她要對未來抱持希望。

昔日戀愛腦成陰影 李芷晴坦言恐懼

李芷晴在節目中坦承，過往的經歷讓她不敢輕易開始新一段關係，深怕再次受到傷害。曾經被視為「戀愛腦」的她，在經歷情傷後，整個人變得相對冷靜與成熟，會更深入地反思自己真正追求的是甚麼，所以到最後都未有接受Jacob。

網民反應兩極 狠批太軟弱煩膠

節目播出後，網民的反應呈現兩極化。一部分觀眾對李芷晴表示同情和支持，認為她的謹慎是成熟的表現，留言力撐：「支持你，李芷晴👍🏻」、「由恋愛腦經歷咗呢幾個月嘅一切之後，變得相對冷靜、成熟，會反思自己想追求啲乜嘢，唔再過於輕易就接受、去開始一段關係，我認為係一件好事！」然而，另一派網民則狠批她過於軟弱，認為她不停哭泣的表現令人煩厭：「實在太軟弱成日喊好煩㗎其實咁樣」、「如果我係男仔我都唔會鍾意呢啲 拍拖係要講感覺舒服開心 日日對住你喊苦喊忽我真係頂唔順」。

李芷晴終極辯解 IG發長文講感受

面對種種批評，芷晴日前在社交平台發長文，總結參加節目嘅感受，直言呢個節目就似上咗一堂戀愛課堂，令佢更了解自己，同時感恩遇上咁多「天使」！李芷晴選擇無選任何人，呢個決定絕對唔易！佢話自己係個「好怕做決定嘅人」，因為要做決定就代表負責任，成日猶豫冇信心，甚至逃避或交俾別人。拒絕人好緊張、好掙扎，李芷晴找咗好多人傾訴，包括監製Manho、Bob爸爸、writer Esther、同埋閨蜜Honey、Karlie、波波，多謝佢哋意見同支持，先至勇敢做決定。特別對Jacob，李芷晴話「你係一個非常之優秀嘅男仔，呢段時間我真係睇到你為我嘅付出同進步，相信所有人都有目共睹，非常感謝你，亦都好多謝你嘅理解」。但李芷晴強調，呢個決定同男仔條件無關，「愛情唔係一份清單，唔係邊個符合嘅條件更多就選擇邊個，而係遇見一個特定嘅靈魂，然後發現成個世界因此而變得唔同」。當佢準備好，依然期待愛情到來！

文末，李芷晴寄語大家：「若果大家喺感情路上、甚至乎係人生上遇到任何問題覺得好掙扎嘅時候，希望大家可以望清楚自己內心嘅想法，相信自己，勇於去做心入面嘅抉擇，咁就係當下最好嘅答案。」最後感恩節目令佢成長，「感恩有大家🤍」！