女神配對計劃｜李芷晴獨守空帷喊驚變賣剩蔗！自爆情路坎坷屢遇渣男懷疑人生
李芷晴感觸爆喊 擔心嫁唔出
第八集的《女神配對計劃》Dating Camp中，Step在「心意配對遊戲」多次無人選中，獨守空房令她情緒崩潰，向阿Bob爆喊：「我會嫁唔出喇，係咪呀？」、「係咪我真係要檢討吓自己？…會唔會諗嘢有啲奇怪？」平時八卦妹形象的Step難得展現脆弱一面，坦言對感情的迷茫，觀眾睇到都心疼！
阿Bob暖心安撫 化解李芷晴危機
面對李芷晴的淚水，阿Bob一改嬉皮笑臉形象，認真安撫：「呢個唔係你問題，你唔需要咁介意。」他的暖心說話讓Step漸漸敞開心扉，透露自己情路坎坷：「一路都未搵到好了解自己或者好適合嘅人啦…我真係好擔心我會唔會孤獨終老。」Step努力忍淚的模樣令人鼻酸，閨密Honey更點出Step爆喊可能與欠缺某樣東西有關！
五位女神價值觀大公開
節目中，五位女神會解釋自己選擇答案的原因，讓觀眾更了解她們的價值觀及愛情觀。Step的真情流露令人動容，她的感情路能否迎來轉機？
李芷晴 Stephanie戀愛次數最多 暗戀五年慘被劈腿
李芷晴（Stephanie）是五位女神中戀愛次數最多的，共有6次戀愛經歷。她形容自己「黐身」、愛撒嬌，非常享受戀愛的感覺。然而，她最刻骨銘心的卻是一段令人心痛的初戀故事。從中一開始，Stephanie暗戀一名男生長達5年，直到中五才表白，卻慘遭劈腿收場。
《女神配對計劃》李芷晴拍過6次拖直言係「戀愛腦」
李芷晴在《女神配對計劃》中，透露自己總共拍過6次拖，目前單身了約半年時間，她直言自己是「戀愛腦」：「我覺得自己比較黐身啲、嗲啲，我好鍾意戀愛嘅感覺。」在最新一集的節目中，雖然周嘉全深情告白令李芷晴聽到眼濕濕，可惜最後都未能獲得對方撳燈，最後只能落寞退場。而事後進行訪問時，李芷晴亦稱太突然，需要時間消化，不過就直言：「可能畀多幾秒我，我就會撳咗，依家都有少少後悔。」
網民爆李芷晴被送水輝「食完hurt過」
這集播出後，有不少網民都狠批李芷晴眼角太高，連一個追求機會都唔畀周嘉全。有網民更爆料指：「（李芷晴）之前俾阮政峰、之後俾送水輝（許家傑）食完俾人hurt過，而家識得揀，是非多多。點解我會知？條女自己周圍同人講，佢最on9就係講咗俾佢以為佢啲姊妹聽，點知女人都係八卦傳返開去。對上嗰次同送水輝，明知人玩都願意再同人上最後一次床。最正就係輝哥話：『我要同你做愛先可以知自己係咪真心鍾意你』點知扑完之後話都係唔鍾意，都真係幾亂愛腦！」
網民指消息來源係李芷晴好姊妹
這位網民更指許家傑所屬的籃球隊隊員都係「食家」：「佢哋成班籃球隊食唔少啦！」不少網民紛紛對這番爆料表示驚訝，直指：「好爆」、「行內人」、「送水輝識食喎」、「嘩～送水輝原來係啲咁嘅人」、「即係好多手？啲仔都係貪佢身材，之後就bye bye」等，亦有網民質疑：「無圖無真相，講到似層層！」爆料的網民就反駁話：「大哥，請問有冇睇清楚？都講咗話係佢自己傻XX講俾啲姊妹聽。可以講埋嗰個係姓羅！」
睇翻李芷晴的交友圈子中，似乎只得同在《愛回家》中飾演接龍員工的羅雪妍係姓羅，二人自今年1月分享過一條變裝片，以及與鍾晴一齊拍過一條跳舞片後，就未曾再公開合照過。
李芷晴曾被爆同李家傑拍拖食飯睇戲
事實上李芷晴入行7年來緋聞不算多，只曾在2023年7月傳過同李家傑拍拖食飯再直落睇戲，更全程有講有笑，望落似一對小情人。不過其後兩人一齊出席《愛回家》宣傳活動，李芷晴就稱確實是一同去看電影，不過其實身邊有一大班朋友同場：「我印象中我哋無前後腳。」而在旁一同受訪的許家傑都表示當日是一大班人去看電影：
「我自己好鍾意一班人睇戲，我覺得打波、睇戲開心啲可以交流一下。呢個報導令我越嚟越少朋友，因為開始啲人一見到我就話唔好同你去食飯，基本上同你去食飯就俾人話。」
想不到李芷晴都表示遇上同類情況，她表示：「我呢兩日約朋友食飯，我朋友話唔想同你食飯，話會俾人影到。」而被問到有沒有朋友問緋聞真定假，她就表示身邊朋友無人相信，個個都話一睇就知是假的。
許家傑當面大讚李芷晴純品又好身材
許家傑與李芷晴不但是同劇演員，二人私下亦甚要好，相信雙方對彼此都有一定的了解，李芷晴被問到覺不覺得許家傑是一位好男友，對此李芷晴表示：「佢係一個好好嘅前輩。」許家傑聽到後感到有些不滿，他表示：「有啲好唔開心就係佢話我係前輩。」被續問想對方怎樣稱呼自己，他又話：「叫返哥哥。」又再被反問對李芷晴有什麼看法，他直言：「大家覺得佢好純，同埋身材好好。」二人的互動看起來有點打情罵俏的感覺，難怪外界對他們的關係抱有懷疑。
