諸葛紫岐

東京奧運|諸葛紫岐晒全套裝備 培養7歲大仔學劍擊 目標成為張家朗2.0

娛樂

廣告

香港劍擊選手張家朗日前於東京奧運花劍個人賽上中摘下奧運金牌,旋即掀起運動狂熱。城中名媛諸葛紫岐(Marie)日前在社交網上貼出7歲大仔Arthur (薛華韜)學劍擊的相片,似乎想培養新一代港隊劍擊手。雖然他只得7歲,但身上著的全套劍擊裝備看起來相當專業,背後仲印埋「SUEK A.」及「HKG」字樣,靚媽亦引用英文詩句為Arthur定下勝利目標。

文:東方新地|圖:張家朗IG、諸葛紫岐IG及新傳媒圖片庫

(圖片來源:張家朗Instagram)
張家朗日前在東京奧運為香港奪得首面金牌後,以自身經歷鼓勵年青人:「大家要堅持,唔好放棄!」(圖片來源:張家朗IG)

諸葛紫岐罕有露囝囝全樣

現年37歲的諸葛紫岐(Marie)是一名中日混血兒,曾居住在溫哥華,其後在香港當模特兒,參演過幾部香港電視廣告,並拍攝過電影《每當變幻時》、《保持愛你》及《最強囍事》。2012年諸葛紫岐與香港卡拉OK店Neway的「二少」薛嘉麟結婚,並先後誕下現年7歲的大仔Arthur(薛華韜)和2歲的細仔Anderson(薛華舜)。

以往諸葛紫岐和老公囝囝一家四口出遊大享天倫樂時,都會特別用圖案遮住大仔Arthur的半張臉。(圖片來源:諸葛紫岐IG)
以往諸葛紫岐和老公囝囝一家四口出遊大享天倫樂時,都會特別用圖案遮住大仔Arthur的半張臉。(圖片來源:諸葛紫岐IG)

平日諸葛紫岐不時在社交網上大晒他們一家四口的天倫樂,但都會用圖案遮住大仔Arthur的半張臉,不讓他的樣子曝光,但日前在「香港劍神」張家朗摘下奧運個人男子花劍金牌後,諸葛紫岐隨即晒出大仔Arthur著住劍擊服的照片贈興,相中英姿煥發的Arthur更罕有地露出全樣。

以左手握著劍的Arthur,臉上露出了開心的笑容,可見十分喜歡學習劍擊。(圖片來源:諸葛紫岐IG)
以左手握著劍的Arthur,臉上露出了開心的笑容,可見十分喜歡學習劍擊。(圖片來源:諸葛紫岐IG)

在諸葛紫岐所貼出的兩張相片中,可見Arthur身上的劍擊裝備相當齊全,包括有面罩、手套、重劍和護甲等,背後更印有「SUEK A.」及「HKG」字樣,在配文中諸葛紫岐又引用了詩句:「勝利是不會向我走來的,我必須自己走向勝利。」似乎想為港隊培養新一代劍擊手。

「SUEK A.」中的「SUEK」是「薛」的英文拼音。(圖片來源:諸葛紫岐IG)
「SUEK A.」中的「SUEK」是「薛」的英文拼音。(圖片來源:諸葛紫岐IG)

張家朗自10歲時已開始學劍擊,他今次為港爭光奪得金牌,亦掀起一股家長急急為小朋友報讀劍擊課程的風潮,據知小朋友由4歲起已可報讀幼兒劍擊興趣班,7歲或以上則可以報讀專業的花劍、重劍及佩劍班。

延伸閱讀:

直擊諸葛紫岐冧掂有米老公 Neway二少薛嘉麟甘願做阿四

結婚九年、生完兩個,諸葛紫岐如何能夠保持雍容華貴從容不迫嘅闊太風範?除咗需要一身富貴名牌行頭,仲唔少得一個負責埋單兼且任勞任怨嘅老公Neway二少薛嘉麟。本刊曾經直擊諸葛紫岐同薛嘉麟兩公婆帶埋大仔Arthur一齊行母嬰用品店幫細佬添置用品,一家三口人睇咗好耐亦都買咗唔少,諸葛紫岐竟然仲可以兩手揈揈聽住電話、孭住名牌手袋仔保持台型嘅?

生完兩個身形依然fit到漏嘅諸葛紫岐,曾被本刊直擊孖住老公同大仔去到銅鑼灣添置嬰兒用品。(圖片來源:新傳媒圖片庫)
生完兩個身形依然fit到漏嘅諸葛紫岐,曾被本刊直擊孖住老公同大仔去到銅鑼灣添置嬰兒用品。(圖片來源:新傳媒圖片庫)
闊太都會幫襯平民牌子。(圖片來源:新傳媒圖片庫)
闊太都會幫襯平民牌子。(圖片來源:新傳媒圖片庫)
買完大大袋保持輕輕鬆鬆兩手揈揈,全靠拎住戰利品又抱住仔嘅幕後功臣薛嘉麟。(圖片來源:新傳媒圖片庫)
買完大大袋保持輕輕鬆鬆兩手揈揈,全靠拎住戰利品又抱住仔嘅幕後功臣薛嘉麟。(圖片來源:新傳媒圖片庫)

薛嘉麟擔得又抬得

之唔係喺佢身後,有一個一手抱住大仔、一手仲可以拎住大大袋戰利品嘅老公囉!出錢出力仲任勞任怨,細心體貼到咁去邊度搵?呢啲咪正宗嫁得好!

買完嘢經天橋去商場另一邊,今次 Arthur好乖自己行,唔使爸爸抱。(圖片來源:新傳媒圖片庫)
買完嘢經天橋去商場另一邊,今次 Arthur好乖自己行,唔使爸爸抱。(圖片來源:新傳媒圖片庫)
行經餅店,囝囝想食蛋糕,兩公婆好有耐性,交畀 Arthur 自己揀。(圖片來源:新傳媒圖片庫)
行經餅店,囝囝想食蛋糕,兩公婆好有耐性,交畀 Arthur 自己揀。(圖片來源:新傳媒圖片庫)
買完蛋糕, Arthur 好滿足地拖住媽媽。(圖片來源:新傳媒圖片庫)
買完蛋糕, Arthur 好滿足地拖住媽媽。(圖片來源:新傳媒圖片庫)
 出到商場,司機一早等候,Arthur 興奮跑上車,諸葛紫岐緊張跟貼囝囝,又再將全程出錢出力嘅 Neway 二少拋在腦後。(圖片來源:新傳媒圖片庫)
出到商場,司機一早等候,Arthur 興奮跑上車,諸葛紫岐緊張跟貼囝囝,又再將全程出錢出力嘅 Neway 二少暫時拋諸腦後。(圖片來源:新傳媒圖片庫)