林作被炒媽媽力撐 重溫父子不和、歷年犯眾憎「惡意抽水」7件事

林母回應兒子被炒：呢啲係天意

今次林作的言論受到全城喪鬧，林作媽媽接受傳媒訪問時表示兒子向來都言行出位，有此下場「係天意」，唔擔心兒子生計受影響，佢表示林作學歷高，而且工作敬業，做哪一行都有成就，又說：「其實我個仔係唔使做，屋企又有樓畀佢收租」，更揚言「夠佢做一世二世祖」，實行力撐兒子。

父母離異造成性格出位？ 自認父親係人生污點

林作家境富裕，中學就讀英國名牌公校，大學於牛津主修數學，後轉攻法律，2015年成功獲香港大律師公會認證為大律師。 據了解，其父親為潮州籍的廠商，林作自我形容家境令他豐衣足食，林作與母同住的半山麥當勞道寓所，實用面積約1,700呎，屬低密度住宅，他曾透露自己在單親家庭長大，甚少提及過爸爸。

原來林作自16、17歲後就未有再跟爸爸聯絡， 因為在他出世前，父親已另外有一頭住家，更有個從未見面的同父異母妹妹，林作曾對傳媒表示，一直將爸爸作為自己嘅反面教材，「我細個嗰時候好刻意，我阿爸係點，我就唔係點。」他就訪問中提過自己與父親關係欠佳，對方更在與林作母親離婚後，拋下狠話「睇死你（林作）呢世冇成就」，令林作自覺父親是其人生污點。

林作歷年乞人憎玩命事件簿 第7位 ：抽死人水

林作自從從事保險業之後，就多次抽死人水。今次荷里活廣場事件就抽水賣波鞋；《黑豹》男主角Chadwick Boseman因結腸癌併發症逝世，就叫人搵自己買保險；就連錢國偉監製病逝時，都抽水留言道：「希望佢有買危疾」。多次抽私人誰當然畀網民鬧爆，話佢冷血加心理變態，即犯眾怒！

第6位：100萬挑機陳凱琳姊弟驗DNA

自從陳凱琳公開細佬Derek的樣貌之後，由於Derek被指完全唔似爸爸而一直都被質疑是否「親生」。林作當然唔放過呢個機會，當時公開表示出一百萬希望Derek與父親驗DNA，及後有金主林媽媽加持加埋至$1,000萬酬勞，但Derek亦不為所動，更宣布離開香港，嚇到林作收回挑戰。不過當事件隨住Derek 宣布離開香港後逐漸掉淡，林作又突然表示已收到Derek的DNA資料，可以慳返1000萬。

第5位：轟港姐「9成係豬趴」

林作去年公開批評港姐質素，於本人IG發文指：「9成（港姐）係豬扒，一喺電視城落車你就知。最出名嗰個叫東涌羅浩楷。」事隔兩日就收到無綫律師信，稱林作的網上言論「偏頗不實、欠缺公允，屬於誹謗言論」。

第4位：幫女友裕美搓胸

為咗宣傳豐胸霜，林作出手幫半裸裕美搽豐胸霜，網民怒轟佢行為猥瑣咸濕、教壞細路！最後，林作辯稱其實係一場戲，係隔空冇掂到裕美。

第3位：玩假結婚博出位

2020年大除夕林作驚爆同女友裕美在家註冊結婚，二人着晒禮服影合照，但最後他就回應指，原來只是同保險團隊「玩吓嘢」，結婚一事並非真實。

第2位：明踩舊愛麥明詩

林作曾出post指：「裕美真心靚過麥明詩好多，身材也更優勝。素顏顏值也絕對一流。絕非平平無奇，可謂波濤洶湧。」明踩舊愛麥明詩，呢番言論隨即被網民狂插零風度，醒目的麥明詩神回：「唔想中圈套！」

第1位：亂作話阿媽「跳舞群組」

疫情期間，林作亂作話阿媽係「跳舞群組」成員，好醒目咁返內地「風流快活」，令人以為阿媽有「特權」冇做家居隔離，後來林作知道玩大咗，先代母澄清︰「講笑咋，媽媽從未跳舞，扮下嘢抽下水。」