林作

林作晒毛腿應戰鍾培生 求曾志偉買直播 惹舊愛麥明詩不滿出po斥責

娛樂

廣告

富三代鍾培生日前向林作發出100萬隻揪宣言,引發同林作一輪口水戰,昨日(2月21日)林作終於鬆口表示接受挑戰,並公開請求曾志偉買下兩人「臨終之戰」的直播權,但兩人的口水戰卻引來林作舊愛麥明詩不滿,發文斥責⋯⋯

文:東方新地|圖:林作、鍾培生IG圖片及麥明詩FB圖片

林作:Let’s go. No pussy.

擁有百億身家的富三代鍾培生早前因被林作留言嘲諷:「抄我100萬?」而向林作宣戰說:「你咁想紅我幫你,我哋打一場,你贏咗我幫你找100萬,你輸咗我都畀30萬出場費你。」引發出兩人一輪網上口水戰,網民都質疑林作一直只作口頭回應,是想縮沙拒戰。

林作晒毛腿應戰鍾培生 求曾志偉買直播 惹舊愛麥明詩不滿出po斥責
林作日前留言嘲諷鍾培生:「抄我100萬?」辣㷫鍾培生,引發了這場「林鍾之戰」。

昨日(2月21日)林作終於發出應戰宣言,表示:「各位,本人正式宣佈:我接受挑戰。詳細資料需要和鐘生夾下,請大家稍候。Let’s go. No pussy.我從未龜縮過。我係林作。打殘鍾培生計劃,由今日開始。」而pussy除了解作貓咪外,亦有侮辱性地解作女性陰道的意思。

林作晒毛腿應戰鍾培生 求曾志偉買直播 惹舊愛麥明詩不滿出po斥責
林作播出電影《葉問》片段,話:「你哋咁想睇我打,我就同你打。」
林作晒毛腿應戰鍾培生 求曾志偉買直播 惹舊愛麥明詩不滿出po斥責
林作著上唐裝想扮葉問,但露出一條毛腿指會接受擂台戰,網民都求佢收番起條大髀。

鍾培生:從來唔打女人

而鍾培生就回應:「我從來唔打女人,你將會係第一個,我會打到你記得我個鍾字點寫。Sign the fu*king contract, No bullshit let’s go.」鍾培生咁講係因為林作在發文中稱呼佢做「鐘生」。

林作晒毛腿應戰鍾培生 求曾志偉買直播 惹舊愛麥明詩不滿出po斥責
鍾培生回應林作應戰宣言,叫佢快啲簽「對戰合約」,唔好再講廢話。

但兩人的言論卻引來林作舊愛麥明詩不滿,在社交網發文表示:「你地兩個打還打, stop making sexist remarks. Vaginas are no weaker than penises. Your mothers had more courage and strength than both of you when they gave birth and raised you. Stop equating weakness and cowardice to women.」意思係:「你哋兩個打還打,停止使用性別歧視字眼。陰道不比陰莖弱。你哋母親生育和養大你哋,比你哋更有勇氣和力量。停止將女性等同軟弱和怯懦。」

林作晒毛腿應戰鍾培生 求曾志偉買直播 惹舊愛麥明詩不滿出po斥責
麥明詩的發文獲得2萬多網民讚好。

最新進度:去到簽約階段

不過林作未有回應舊愛的言論,只是又發文向曾志偉提出建議,希望他能買下這場「臨終之戰」直播權,又非常有自信地表示:「我能夠一舉將收視推上當年高峰。因為本人代表的,就是現今時下的娛樂。唯一問題,係唔知你OK唔OK台上搞出人命。畢竟,目前業餘足球圈瘋傳,話林作,其實係個好勁嘅運動員,重錘出擊,後果自負。」

林作晒毛腿應戰鍾培生 求曾志偉買直播 惹舊愛麥明詩不滿出po斥責
林作自命為一個「好勁嘅運動員」,會喺台上「搞出人命」。

而這場「林鍾之戰」今日(2月22日)最新進度相信已去到簽約階段,鍾培生在IG Story中影住將辦公桌,叫林作「收嘢」,林作就用同一張相回應:「印出嚟睇緊」,相信是指二人的對戰合約,之後林作竟拍片撕爛合約,說:「咩鬼律師寫嘅爛鬼拳擊賽事舉辦合約?0分重作!」

林作晒毛腿應戰鍾培生 求曾志偉買直播 惹舊愛麥明詩不滿出po斥責
這場「林鍾之戰」相信已去到簽約階段。
林作晒毛腿應戰鍾培生 求曾志偉買直播 惹舊愛麥明詩不滿出po斥責
林作撕爛合約,叫鍾培生搵律師重作。
林作晒毛腿應戰鍾培生 求曾志偉買直播 惹舊愛麥明詩不滿出po斥責
鍾培生回應話除咗生死狀同出場費唔改得,其他都可以配合林作改。

「林鍾之戰」起因

兩人這場「林鍾之戰」起源在鍾培生近日接受傳媒訪問時提到自己做KOL每年都會豪派100萬去回饋訂閱會員,而林作早前曾以半價出售心愛的名牌西裝,表示要籌夠100萬以為其保險團隊招募100個人才,金額與鍾培生訪問中所說相同,因此林作在這篇報道下留言嘲諷:「抄我100萬?」鍾培生隨即向林作宣戰說:「你咁想紅我幫你,我地打一場,你贏左我幫你找100萬,你輸左我都比30萬出場費你。」

林作晒毛腿應戰鍾培生 求曾志偉買直播 惹舊愛麥明詩不滿出po斥責
現年30歲的鍾培生是香港電子競技有限公司創辦人兼行政總裁,有「香港電競之父」的稱號。
林作晒毛腿應戰鍾培生 求曾志偉買直播 惹舊愛麥明詩不滿出po斥責
林作寸鍾培生抄佢「100萬」條橋,引來鍾培生向他發隻揪宣言。

林作初時曾上載自己兩張打拳照,揚言:「驚都未驚過。我打開。」又在網上發起眾籌70萬,話要「同佢死過!」但並未有寫上收款方法,而鍾培生就回應:「你唔使呃香港人錢,你話要有一球就打,無問題港幣一百萬我贏輸都畀你,我依家book場搵製作同寫合約,你唔使講咁多廢話你簽約唔好縮沙就OK。No bullshit let’s go!」

林作晒毛腿應戰鍾培生 求曾志偉買直播 惹舊愛麥明詩不滿出po斥責
林作回應未驚過,鍾培生立即用「No bullshit let’s go」邀戰。
林作晒毛腿應戰鍾培生 求曾志偉買直播 惹舊愛麥明詩不滿出po斥責
鍾培生開盤100萬要求林作跟他上擂台對打,林作初時表示「驚都未驚過」。
林作晒毛腿應戰鍾培生 求曾志偉買直播 惹舊愛麥明詩不滿出po斥責
更上載自己的打拳相,話要「同佢死過」!
林作晒毛腿應戰鍾培生 求曾志偉買直播 惹舊愛麥明詩不滿出po斥責
鍾培生承諾港幣一百萬無論贏輸都會畀林作。

之後林作上載與母親飲茶及派利是照,表示「無暇顧及鍾先生的邀約」,又說:「目前本人態度開放,但老媽子表示不認識鍾先生,擔憂未夠知名度(並非惡意,僅僅陳述事實),需要少少時間起底並衡量。我們不懷疑對方家底比自己厚,但有錢不代表一切。」似乎採「拖」字訣。

林作晒毛腿應戰鍾培生 求曾志偉買直播 惹舊愛麥明詩不滿出po斥責
林作攞阿媽上枱,指老媽子擔憂鍾先生未夠知名度,需要少少時間起底並衡量,被鍾培生指責冇誠信。

到了今日(2月19日)凌晨林作又改口對鍾培生說:「鍾培生先生,我諗過架喇,以下係我嘅答覆:我畀200萬港紙畀你,你畀我打一鑊。」又上載生髮廣告片,話自己正在調理身體,為作戰作準備,並在片中戴上一條毛巾頭帶時,說:「呢條頭巾會係我到時上擂台PK鍾培生時所著嘅!」瘋狂抽水!

林作晒毛腿應戰鍾培生 求曾志偉買直播 惹舊愛麥明詩不滿出po斥責
林作拍片並留言:「我俾200萬你,你俾我打一鑊,最好睇。」
林作晒毛腿應戰鍾培生 求曾志偉買直播 惹舊愛麥明詩不滿出po斥責
鍾培生就繼續邀戰,仲話可以第一個回合唔還手!
林作晒毛腿應戰鍾培生 求曾志偉買直播 惹舊愛麥明詩不滿出po斥責
林作又拍生髮廣告狂抽鍾培生水,話會戴住呢條頭巾同佢PK!

鍾培生:唔該唔好再抽我水

而鍾培生就晒出一張手拿一大叠一千蚊紙的相片,再度向林作宣戰說:「林作呢度100萬,你簽左就係你嘅。我本身唔識你,你零誠信令我睇唔起你。唔該你唔好再抽我水,我唔想同你拉上任何關係。擂台面前人人平等,你要借我上位擂台見。我相信打得成,會係近年來香港人最開心嘅事。No bullshit let’s go!」

林作晒毛腿應戰鍾培生 求曾志偉買直播 惹舊愛麥明詩不滿出po斥責
鍾培生指他手下的一千蚊紙夾埋有一百萬。
林作晒毛腿應戰鍾培生 求曾志偉買直播 惹舊愛麥明詩不滿出po斥責
鍾培生話除咗上擂台外唔想同林作拉上任何關係。
林作晒毛腿應戰鍾培生 求曾志偉買直播 惹舊愛麥明詩不滿出po斥責
鍾培生話打得成嘅話相信會係近年來香港人最開心嘅事。