東張西望｜林希靈突然離巢TVB！32歲「正義女神」：而家得閒，幕前工作歡迎搵我

撰文：東方新地丨圖片：《東張西望》節目截圖，連登丨資料：TVB《東張西望》截圖，連登、香港討論區、藝人IG｜部份內容：新假期周刊

林希靈宣布離巢TVB！

早前因為《東張西望》的「聾啞女」美華事件而一夜爆紅，更因為直斥女保安「你咁樣好冇人性喎！」林希靈更獲得「正義女神」之稱。但當大家以為她在TVB正值上位之際，她卻在2021年最後一日突然在IG宣布離開TVB：

多謝東張各位兄弟姊妹，我地就好似家人一樣每日並肩作戰，一齊出盡全力去做訪問，衝擊嘅日子，我一定會好好記住係心入面，呢段日子一定會係我人生入面其中一段最深刻嘅回憶。最唔捨得就係你地啦！

黎緊我會努力做好自己嘅食品品牌「口張開」。我地已經開始賣年糕啦，全人手製造絕無添加，大家支持下啦♥️♥️

另一方面，林希靈亦透露自己會專心經營自家食品品牌，仲透露而家得閒，可以隨時搵佢開工咁話！不過都有唔少網民建議林希靈過ViuTV，因為佢男友陳安立都喺嗰邊！

2019年加入《東張西望》嘅黃愷怡因為同年五月到香港中文大學採訪內地遊客而打響名堂，當時都有網民稱她為「正義女神」，豈料她在2021年除夕當晚卻突然宣布離巢TVB，與《東張》新晉「正義女神」林希靈同日離巢。

相關文章：東張西望｜黃愷怡與林希靈同日宣布離巢TVB：體驗到弱小社群一直被人忽略

重溫「聾啞女」美華事件：

早前《東張西望》報道聾過啞女士美華的悲慘故事成為社會熱話，節目上可見美華喪父之後其公屋單位被女保安佔據，經過節目組一番努力後，終於聯絡上女保安阿娟，佢表示自己是真金白銀買樓的，女主持林希靈成功約到阿娟返回該單位接受訪問，期間曾一度當面對質，阿娟聲大夾惡要美華執嘢走，當時林希靈爆Seed鬧爆女保安申張正義。事隔大約兩星期，故事竟然有戲劇性發展，網民議論紛紛！ 重溫之前美華和阿娟的故事：《東張西望》 正義女神林希靈

早前《東張西望》探討聾啞女士美華有家歸不得，被女保安吞佔家園的故事，經過一輪交涉，女主持林希靈終於成功約到涉嫌「佔屋」的女保安阿娟返到單位，林希靈原本非常客氣，阿娟亦招呼製作隊入屋做訪問，不過情況急轉直下，變成互相對質。林希靈見阿娟欺人太甚，為美華發聲討回公道，阿娟竟叫林希靈買間屋畀美華住。

正義女神KO女保安

最終阿娟被林希靈連番質問KO，終於狡辯唔到，閂門拒絕採訪。林希靈的臨場表現非常出色，面對阿娟突如其來惡人先告狀毫不畏懼，一眾網民都讚好，封她做「正義東張女神」。

去片：林希靈同娟姐當面對質

主持多次逼問：點解要攞人層樓！

節目組經過多次嘗試，終於成功與阿娟通電話，主持首先向她表示由於門鎖被換，美華因此未能入屋。阿娟聽後馬上有戒心，即問「你是哪位？」，聽到是《東張西望》後，就叫主持有事就搵警察，更表示不會回來開門。阿娟更指幫不到美華，只有她能幫自己，言談間非常閃縮。見到主持都替美華不憤，多次逼問阿娟點解要咁做，阿娟只是不斷重覆叫主持問美華，最後更cut線！