梁芷珮北極潮什麼｜與老公千呎海景屋租金曝光！曾住劏房靠旅遊節目彈起

梁芷珮《北極潮什麼》簽生死狀 焗完桑拿著泳衣跳落北冰洋

梁芷珮《潮什麼》系列相當受歡迎，過往遠赴不少歐洲國家，梁芷珮再次拍攝《潮什麼》系列旅遊節目，是次播出的《北極潮什麼》將暢遊澳洲。在北冰洋海中心行「下水禮」，即使她早前已於《南極潮什麼》在極地探險船中跳過一次，但今次「玩命」升級，跳之前要簽生死狀。

梁芷珮今次同樣事先焗定桑拿「熱身」，隨後穿著泳衣於海中心跳船，雖然 Christy 事後極速返回水面，但也忍不住高喊「好凍」。事後分享：「成個人好拮咁樣，但係係好正嘅經驗！」 ，返回船艙後即飲烈酒 Vodka 保暖：「飲完成個人滾返晒呀！」

梁芷珮《南極潮什麼》之笑住同鯨魚屍體合照惹網民炮轟

梁芷珮《南極潮什麼》之旅，與老公一起遠赴南極拍攝新旅遊節目。出遊見慣奇趣百事的梁芷珮，在南極遇上一條已經擱淺2個多月的鯨魚屍體。梁芷珮馬上與鯨魚屍體合照之餘，其老公又走近鯨魚，超仔細地拍下鯨魚屍體的每一部分，並且在社交網站上發文寫道：「係鯨魚…嘅屍體呀！擱淺左2個月左右，真係第一次咁樣睇到鯨魚咋。」

網友喪補：點解要咁開心仲笑得出

該發文一出，網民紛紛留言炮轟​​梁芷珮殘忍，留言：「其實點解要咁開心仲笑得出」、「點會笑得出，呢樣嘢即刻可以unfollow你」、「笑咩呢？」等。

急刪圖發文道歉 部分網民力撐

面對排山倒海的負評，梁芷珮第二日馬上刪掉相關照片，並留言道歉：「都係想比（畀）大家睇吓我見到嘅嘢，如果笑容上引起大家關注，我都係deleted返自己張相好了。」雖然有網民批評，但亦有網民力撐梁芷珮，認為是部分網民反應太大：「點解反應咁大，自然界既生死乃是自然現象，是生態的一部份，亦為其他生物帶來食物得以維生，主持都無咩必要用傷感既情緒處理吖」、「鬧嘅人下次食和牛，食海鮮記住要喊呀！真係唔知乜 concept」、「好震撼呀！多謝Christy俾我哋眼睛去旅行，笑同唔笑，唔覺得有咩問題」等。

南極潮什麼｜梁芷珮招牌笑容累事！鯨屍體合照招炮轟 盤點3大爭議事件

梁芷珮喜歡周圍搬 前年5月由青衣搬到西九

節目所見梁芷珮的星級家居間隔四正，客飯都十分闊落，大窗更可外望無敵的維港海景。梁芷珮自言坐唔定鍾意四圍搬，因此由700多呎的青衣單位搬到現在970呎的西九龍三房單位，在早前《樓價有得估》中，Do姐聞言都不禁說：「真係愈住愈大間！」

單位每月租金低於預期 被批成日曬命

有網民大讚梁芷珮的「六星級家居」好正，但亦有網民指出她這個單位只是月租並不希奇，節目中的競猜環節開出「4萬」及「4萬5」 兩個價位給嘉賓猜測，原來這個闊落的海景單位月租只係4萬，不過就有網民留言批評Christy：「成日曬命」、「客飯廳冇design」、「好普通一間屋」、「咁多躉船落貨都算海景？！」等等⋯⋯

曾被廣告商「劃清界線」梁芷珮發千字文反擊網友：「劏房都住過」

2021年梁芷珮應廣告商邀請進行直播，但卻惹來不少「反TVB」網民留言攻擊，而廣告商竟與梁芷珮「劃清界線」，梁芷珮又發了千字文回應網友！話說廣告商於2021年5月25日請了TVB藝人梁芷珮開直播，卻惹來不少「反TVB」網民留言攻擊。該廣告商已經找過梁芷珮直播宣傳一次，今次是第二次。不過該廣告商於前年已將梁芷珮「劃清界線」，將所有相關貼文及影片刪除。

加拿大回流 住過劏房

面對被攻擊，梁芷珮發了千字文回應，她一開始提到感激一班支持她的粉絲：「首先我好想喺到多謝喜歡我，follow我嘅粉絲，一個普通嘅師奶仔可以儲到十幾萬粉絲，我已經好滿足，好開心，能夠有今日嘅成績，我真係好感恩，我係一個好勤力嘅人，因為我嘅人生唔係為我自己一個人而活，而係為咗屋企三個小朋友，我唔係來自一個有錢嘅家庭，20歳嫁咗人，老公當年亦都係一個普通嘅20歲𡃁仔，當年啱啱加拿大返嚟，我哋冇靠屋企人，未搵到工又冇地方住，劏房都住過。」

梁芷珮：希望各位高抬貴手

最後她提到希望各位高抬貴手：「好感恩呢幾年可以幫公司拍旅遊節目，多人認識咗，多咗好多KOL嘅工作，收入穩定咗，就可以比到更穩定嘅生活三位小朋友，我哋每日都好努力咁工作…希望各位高抬貴手，唔好因為我來自邊到，喺邊間公司做嘢而抹煞我嘅工作機會，我只係一個努力工作，賺錢養大仔女嘅媽媽，世界上每一個父母都係咁，你哋如果唔鍾意一樣嘢，其實真係可以唔睇或者直接block咗我，然後follow返你地喜歡嘅嘢，我個人好簡單，有嘢就做，有工就開，大家開心，簡簡單單就得㗎喇。」

梁芷珮廣告接不停手 三名子女就讀國際學校

梁芷珮形象討好，就算沒有旅遊節目出街，不過廣告仍是接不停手。有指單是廣告收入已經過百萬港元，相當犀利。另外，他加上三名子女就讀國際學校，經濟壓力下，自然努力工作吸錢。

梁芷珮22年前出道早過周秀娜

其實現時梁芷珮早於22年前已經出道做旅遊雜誌𡃁模，早過周秀娜入行，不過兩年後就結婚，誕下三個小朋友長年以嚟一直專心相夫教子。直至近年才轉型繼續做旅行KOL，憑《潮什麼》系列人氣急升，被封「人妻女神」。

睇返當年佢嘅模特兒相片：