34歲梁諾妍誕囡100日腹肌回歸！自拍健身室照被質疑偷步做Gym？

Mar 25 2022

梁諾妍（Inez）囡囡Amber去年12月出世。囡囡眨眼誕生100日，樣子可愛極似爸爸洪永城！梁諾妍忙湊女之餘仲積極做運動，日前她在社交網上載一張身在健身室的自拍照，睇到佢已經修身成功，腹肌回歸，不過就有網民對呢張相有質疑。

梁諾妍梁諾妍與洪永城於去年7月正式拉埋天窗，同年底12月女兒Amber順利出世，梁諾妍忙於湊女外，不時在社交網分享一家三口的生活。 — 梁諾妍與洪永城於去年7月正式拉埋天窗，同年底12月女兒Amber順利出世，梁諾妍忙於湊女外，不時在社交網分享一家三口的生活。（圖片來源：IG@inez_leong）

梁諾妍產後的梁諾妍曾被洪永城偷影睡相，她笑言自己塊面漲卜卜，阿女亦有雙下巴。 — 產後的梁諾妍曾被洪永城偷影睡相，她笑言自己塊面漲卜卜，阿女亦有雙下巴。（圖片來源：IG@inez_leong）

梁諾妍產後心急修身

梁諾妍（Inez）這位新手媽媽真係忙到極點，除了要餵人奶外，仲好積極做運動，絕無偷懶。日前梁諾妍在健身室自拍，只見她身穿貼身運動服，似是剛剛做完運動，腹肌隱隱若現，她留言：「動力就係努力收腹，見到少少少少線返緊嚟，大家都要加油呀！！！！！」

梁諾妍梁諾妍在社交網上載最新合照，背景是在健身室內，可見她的小腹肌肉已歸位。 — 梁諾妍在社交網上載最新合照，背景是在健身室內，可見她的小腹肌肉已歸位。（圖片來源：IG@inez_leong）

梁諾妍梁諾妍公開自己的修身成績，直言仲有8磅未甩。 — 梁諾妍公開自己的修身成績，直言仲有8磅未甩。（圖片來源：IG@inez_leong）

梁諾妍被質疑偷步健身

由於香港受到第五波疫情影響，健身室自1月初起已停業至今，最快要到4月21日才能重開，梁諾妍突然身處健身室自拍，隨即惹起網民質疑她偷步違規。有人在梁諾妍的社交網留言：「健身室都未開返，點解你可以去嘅？」好快就有人回應網民的質疑：「人咃係老闆，想練咪練囉！」

梁諾妍有網民提出疑問。 — 有網民提出疑問。（圖片來源：IG@inez_leong）

梁諾妍即有網民搶住答。 — 即有網民搶住答。（圖片來源：IG@inez_leong）

梁諾妍是健身室老闆

疑團終於被解開，梁諾妍其實是健身室的老闆，而且她又唔係開門做生意，自己閉門做運動應該唔屬違規，再加上梁諾妍是自拍，相信當時只得她在健身室內，亦無抵觸限聚令。

梁諾妍身為健身室老闆娘，梁諾妍去年陀住個巨肚都返工打點。 — 身為健身室老闆娘，梁諾妍去年陀住個巨肚都返工打點。（圖片來源：IG@inez_leong）

梁諾妍健身室內設備齊全，梁諾妍也是有牌健身教練。 — 健身室內設備齊全，梁諾妍也是有牌健身教練。（圖片來源：IG@inez_leong）

梁諾妍恢復練跑

梁諾妍產後3個月就極速修身，全靠她努力鍛鍊身體，早前她上載抱B同工人姐姐一齊做運動的影片到社交網，直言開刀的傷口已經好返8899 ，仲做多咗跳動同核心肌群動作，不過她表示會量力而為。身為長跑好手的梁諾妍，日前更恢復練跑，難怪修身效果如此理想。

梁諾妍梁諾妍不時帶埋愛犬Molly去跑步。 — 梁諾妍不時帶埋愛犬Molly去跑步。（圖片來源：IG@inez_leong）

梁諾妍梁諾妍透露現在一星期有6日都會去做運動。 — 梁諾妍透露現在一星期有6日都會去做運動。（圖片來源：IG@inez_leong）

梁諾妍梁諾妍抱住囡囡與家中外傭一齊做運動。 — 梁諾妍抱住囡囡與家中外傭一齊做運動。（圖片來源：IG@inez_leong）

梁諾妍一家三口首張合照！ — 一家三口首張合照！（圖片來源：IG@guruhung）

「嘩，好似爸爸呀！」

洪永城去年12月23日於IG宣布囡囡Amber已經在荃灣港安醫院出世，重6.2磅，仲代囡囡發聲：

想同大家打個招呼，我在荃灣港安出世，我一出世，姐姐同叔叔就話「嘩，好似爸爸呀！」跟住我望望爸爸媽媽，我有唔開心，因為我想似媽媽多少少，媽媽好靚。
我知道媽媽痛了十四小時，催生了兩次，都開唔到宮頸，但係佢堅持到最後一刻，我聽到佢每2分鐘就痛一次，我仲聽到爸爸話隻手就斷，媽媽好偉大。
多謝張智醫生哥哥、Ruby 姐姐同呢度所有的護士姐姐，你哋好有愛，好照顧我，我會快高長大、孝順同好乖，會照顧媽媽，帶歡樂俾大家….哈哈，至於爸爸，我好肚餓，可唔可以快去搵奶粉錢呀。

梁諾妍同洪永城餅印樣！ — 同洪永城餅印樣！（圖片來源：IG@guruhung）

太太Inez分享誕女過程：宮頸都唔肯開

而Inez亦有在IG透露，原來囡囡在12月19日已經出世，佢都讚阿女似老公洪永城，仲分享咗佢辛苦嘅生產過程：

由於催生藥幫助唔到我開宮頸
痛咗十幾個鐘迫到羊水都穿埋
宮頸都唔肯開
醫生話避免寶寶危險要開刀
最後母女平安寶寶很健康
寶寶出生後就即刻喊
連我都跟住大喊咗出嚟
見到洪寶寶平安地出生
什麼痛楚都唔緊要了
一切都很值得♥️

謝謝上天給我們一位小天使
期待我們一家相處的日子♥️

梁諾妍合埋口仲似洪永城！ — 合埋口仲似洪永城！（圖片來源：IG@inez_leong）

洪永城老婆為產女停跑

其實洪永城老婆梁諾妍(Inez)自懷孕後一直keep住做運動，跑步、行山、游水同瑜伽等全部做齊，雖然被外界指犯禁，但Inez一於少理，繼續做個冇時停的準媽媽。在Inez陀B約8個月時，由於個肚愈來愈大，後孕期出現的不適症狀亦隨之而來，Inez終於在社交網宣布因為恥骨痛要停跑待產。

梁諾妍 Inez在社交網表示因恥骨受壓，是時間讓對腳休息。 — Inez在社交網表示因恥骨受壓，是時間讓對腳休息，所以她稱之為「休腳」。（圖片來源：IG@inez_leong）

梁諾妍 Inez因為恥骨受壓唔可以再跑步，有網民與她在社交網交流，坦言恥骨受壓嗰種痛真係好難忘，Inez亦身同感受，仲話感到恥骨分離。 — Inez因為恥骨受壓唔可以再跑步，有網民與她在社交網交流，坦言恥骨受壓嗰種痛真係好難忘，Inez亦身同感受，仲話感到恥骨分離。（圖片來源：IG@inez_leong）

洪永城為圓老婆心願跑全馬

Inez肯停下來，其實都係迫不得已，能夠令老公洪永城愛上跑步，甚至參加馬拉松，一直是Inez的心願。早前Inez陪住洪永城參加Boston Virtual Marathon，本來諗住夫妻同心一齊衝線，點知個肚太重，再加上恥骨受壓感痛楚，只能跑吓行吓，最後未能完成賽事。不過Inez一樣咁開心，因為老公洪永城終於成就解鎖，完成人生首個馬拉松。

梁諾妍洪永城這日跑畢全馬，Inez遺憾未能與老公一起跑足全程。 — 洪永城這日跑畢全馬，Inez遺憾未能與老公一起跑足全程。（圖片來源：IG@inez_leong）

梁諾妍 Inez為老公完成馬拉松感到開心。 — Inez為老公完成馬拉松感到開心。（圖片來源：IG@inez_leong）

以輕量運動代替跑步

唔跑唔舒服的Inez，以行山、散步代替，近日她就不時帶住愛犬Molly外出，放狗一樣可以係舒展身體的方法。

梁諾妍 Inez不時在家中做瑜伽，舒緩孕期內的身體不適。 — Inez不時在家中做瑜伽，舒緩孕期內的身體不適。（圖片來源：IG@inez_leong）

梁諾妍 Inez果然專業，她除了親自示範，仲會解答網民的疑難。 — Inez果然專業，她除了親自示範，仲會解答網民的疑難。（圖片來源：IG@inez_leong）

梁諾妍日前Inez帶愛犬Molly去沙灘游水。 — 日前Inez帶愛犬Molly去沙灘游水。（圖片來源：IG@inez_leong）

梁諾妍 Inez仲話會同Molly一齊去散步，keep住有活動。 — Inez話會同Molly一齊去散步，keep住有活動。（圖片來源：IG@inez_leong）

洪永城直認湊B好淆

洪永城與梁諾妍結婚同時宣佈有喜，囡囡都出埋世，睇返早前洪永城在社交網上載他和老婆的抱B照，原來兩人正在為朋友照顧一對初生孖B，洪永城直言：「明白嘅，都要實習吓，不過一嚟就打孖上，未免太難啩。三米跳板都未識（指跳水），一嚟就十米高台。」又Hashtag「生孖唔係double係triple嘅工作」、「契仔冇辦法」、「但係邊個先係」。

梁諾妍準媽媽Inez抱B的手勢獲網友大讚技巧純熟。 — 當時仲係準媽媽Inez抱B的手勢獲網友大讚技巧純熟。（圖片來源：洪永城IG）

梁諾妍相反Tony抱B時就皺晒眉，仲搞到BB喊晒口咁！ — 相反洪永城抱B時就皺晒眉，仲搞到BB喊晒口咁！（圖片來源：洪永城IG）

其中一張相見洪永城抱住BB時狂皺眉，被網友取笑他個樣好「淆底」，洪永城回答：「我個心一樣好淆。」之後好友亦有留言叫洪永城下星期再過去幫手湊B，他即斷言拒絕說：「短時間內你唔會再見到我。」有網友笑言洪永城可能都會「打孖上」，他回應：「千祈唔好！」此外有好友提議洪永城要「舉多d鐵」練臂力，不過他就回以「有味」笑料，笑言：「我知道嚟緊冇得舉㗎喇」！

梁諾妍 Tony指自己個心同個樣一樣好淆。 — Tony指自己個心同個樣一樣好淆。（圖片來源：網友留言截圖）

梁諾妍 Tony指短時間內都唔想再去實習湊B。 — 洪永城指短時間內都唔想再去實習湊B。（圖片來源：網友留言截圖）

梁諾妍對於「打孖上」Tony非常抗拒！ — 對於「打孖上」洪永城非常抗拒！（圖片來源：網友留言截圖）

梁諾妍人哋講緊舉鐵，Tony就話嚟緊冇得舉⋯ — 人哋講緊舉鐵，洪永城就話嚟緊冇得舉⋯（圖片來源：網友留言截圖）

被指再犯大肚婆禁忌

此外有不少網友溫馨提示洪永城，指孕婦有一個傳統禁忌，就是不能抱其他BB，因為怕腹中BB會小器，對此洪永城只回了三個「O嘴」的emoji。其實早前Inez亦因大住肚跑8K，而被自稱做醫護的網民鬧爆這樣太危險，更有不少網民直指她「攞個肚嚟博」、「咁樣好易小產」、「跑少九個月會死咩？」等等。

梁諾妍 Inez早前因大住肚長跑8K，而被自稱做醫護的網民鬧爆太危險。 — Inez早前因大住肚長跑8K，而被自稱做醫護的網民鬧爆太危險。（圖片來源：IG@inez_leong）

為此Inez特別發千字文解釋自己當了準媽媽後，為了寶寶能夠在肚子裏健康發育成長，已戒生冷食物、戒凍飲、戒咖啡因、戒酒，以及吃藻油DHA葉酸等等，她又認為有做開運動的準媽媽，本身已經有足夠肌肉去support自己身體，她又強力建議準備懷孕的媽媽一定要做多啲運動。她這番言論也獲得不少網民支持，認同只有準媽媽才最清楚自己的身體狀態。