回家｜森美重訪葵盛西邨感觸落淚 「籮柚夾雞尾包」大法嚇親街坊

葵盛西邨街童森美 成條邨都係「自己屋企」

本月初剛踏入49歲的森美於童年於葵盛西邨長大，父親任職消防員，曾就讀聖方濟愛德小學以及名校聖士提反書院、喇沙書院和新亞書院等學校，會考以25分（1A5B）畢業進入中大。二集嘉賓森美在葵盛西邨長大，笑稱成條邨都係「自己屋企」 的森美，去到屋邨每一處均能撞到老友。

「籮柚夾雞尾包」提升好味秘訣

對昔日時光暢所欲言的森美除了大談頑皮史外， 更搞笑地分享了獨特的「籮柚夾雞尾包」食法，搞笑的他大街大巷拿著新鮮出爐的雞尾包 起勢坐扁，並大談提升好味秘訣，令現場街坊笑至合不攏嘴。

「以前喺東村食意大利粉已經覺得快樂，依家你要去意大利先覺得快樂」、「最好味唔係雪條，而係呢度嘅人情味」

獲贈「金絲貓」 森美回憶湧上心頭感觸落淚

製作組每集均會向嘉賓獻上「回憶小心思」，第一集的喜賓謝君豪及森美分別獲贈「武林秘笈」及「金絲貓」，森美更拿著小時候恨到流晒口水的「金絲貓」，與現居葵盛西邨的小朋友「熱鬥」一 番，不少小朋友雖嚇至高聲尖叫，但又躍躍欲試。為了回饋昔日成長地，森美在重踏昔日玩樂之地時，提到自己在𨋢口位置踢波踩單車的經歷，忽然回憶畫面湧上心頭，本來一臉喜悅的他瞬間感觸落淚：

森美向今時今日的屋邨小朋友介紹「金絲貓」的玩法，新一代都感到非常新奇！

森美受訪自爆抑鬱症未斷尾 輕鬆回應老屎忽指控

除了公屋節目，森美早前還上 「熊館」接受PHProductionHK熊仔頭訪問，對於所有敏感話題包括網上有不少負面指責及被抑鬱症多年，森美都一一回應。訪問中森美無意間踢爆熊仔頭因為情緒爆煲，這集「熊館」會是尾二一集，熊仔頭將會大休息，森美以過來人身份反客為主，更自爆原來未斷尾……

森美分享抑鬱症經歷 坦然面對睇症未斷尾

森林第一次見熊仔頭真身，竟以麻甩佬來形容他，在對話中更發現熊仔頭情緒有問題，指他極有可能會有抑鬱症，而熊仔頭開門見山對森美說這一集是「熊館」尾二一集，因為他將會大休息，森美不敢相信自己估中熊仔頭真的爆廠，並以過來人身份分享他患抑鬱症的經歷，仲反客為主訪問返熊仔頭。森美說：「容易抑鬱嘅人係最記得自己做錯嘅嘢，會忘記晒自己好嘅事！……你要睇醫生喇！我有食藥……唔斷尾㗎！我覺得醫生講得幾好，你由冇事變有事用咗5、6年，咁你變番好要5、6年就緊㗎啦！」

森美由受訪者變主持

森美重提自己當時的感受：「抑鬱嘅時候無論你做咩都覺得唔快樂，實際上係你開心，做咩都開心……如果嗰件事大家都覺得好差，而你都感覺到嗰樣嘢係好嘅時候，你就係最好運嘅時候。」最後森美語重心長同熊仔頭講：「我希望你做番自己，唔好放棄自己嘅創作，你欠咗呢個社會，你欠咗你嘅followers，佢哋嘅精神食糧喺你度。」森美的一番說話感動了不少網民，有不少人在討論區表示支持熊仔頭，祝佢早日康復。

熊仔頭大膽提問 森美大方回答

熊仔頭在片中表示森美曾提過，要尊重所有受訪者，不過熊仔頭就大膽問及網上有不少網民批評森美「老屎忽、寸寸貢、認叻、講啲嘢content farm」，而森美亦大方回應：「係呀！係呀！佢哋講嘅嘢全部都啱，我成日都講啲content farm嘅嘢……而呢個係我嘅節目要做嘅嘢，我真係要搵唔同嘅content去同人講，不過我都要為自己攞番個公道，content farm同我有分別嘅，打個譬如我會將印度神童講嘅嘢mark低個日子，我就喺佢話發生嗰日講，大家睇吓係唔係……我會做資料搜集，做多啲嘢，我唔係content farm。」

森美舉中指講人生道理

對於與小儀合作多年，經常被指做上把欺負小儀，森美解釋只是為了節目效果，不過他也曾因太過份而令小儀當場爆喊，事後要反省及檢討。森美更用5隻手指來說明人生道理，往往人只會最喜歡看最短的大拇指被舉起，但他最喜歡最長的中指就不能隨便畀人睇，說時森美舉起的中指被打格，並說現在想做回自己：「劉德華都會有人唔鍾意、張學友都畀人話唱歌唔好聽……你冇可能取悅晒所有人，做返自己可能有人會鍾意你呢？」