楊千嬅為巡唱奉旨增肥引發網民激烈留言盡嘲另一天后確診後增磅反被讚

May 25 2023

楊千嬅早前在北京宣布將會展開50多站巡迴演唱會，內地首兩站將於廣州及廈門舉行，正為巡唱綵排練舞，楊千嬅拍片分享稱造型師怕她撐不起舞衣，下旨要她增肥，所以她「攞正牌」零食放題，大批網民睇完片反應好激烈，留言狂嘲楊千嬅又老又殘，反觀同樣為個唱努力的Sammi鄭秀文，竟因確診增磅，不過Sammi反被讚「脹咗仲靚咗」！

楊千嬅楊千嬅食住雞蛋仔拍片講點解要增肥。 — 楊千嬅食住雞蛋仔拍片講點解要增肥。（圖片來源：Facebook@正向文化娛樂）

楊千嬅28年第一次騷前收指令增肥

楊千嬅「MY TREE OF LIVE世界巡回演唱會」廣州站將於5月27日舉行，近月綵排得如火如荼的楊千嬅，竟然唔使修身，仲奉旨增肥，日前她在排舞室拍片，對住鏡頭講：「嗰日我去試衫，真係28年第一次，造型師同我講『楊小姐你不如肥番少少，我驚你撐唔落件衫…』咁我緊係增肥啦！」楊千嬅愈講愈興奮，仲身體力行示範如何增肥。

楊千嬅楊千嬅在綵排巡唱時手持雞蛋仔拍片。 — 楊千嬅在綵排巡唱時手持雞蛋仔拍片。（圖片來源：Facebook@正向文化娛樂）

楊千嬅楊千嬅表示造型師覺得佢瘦咗，驚佢撐唔起啲衫。 — 楊千嬅表示造型師覺得佢瘦咗，驚佢撐唔起啲衫。（圖片來源：Facebook@正向文化娛樂）

楊千嬅造型師下旨叫楊千嬅增肥。 — 造型師下旨叫楊千嬅增肥。（圖片來源：Facebook@正向文化娛樂）

楊千嬅聽到造型師叫佢增肥，楊千嬅個反應...自己都O晒嘴！ — 聽到造型師叫佢增肥，楊千嬅個反應…自己都O晒嘴！（圖片來源：Facebook@正向文化娛樂）

楊千嬅楊千嬅好粗魯咁話有得揀一定揀增肥！ — 楊千嬅好粗魯咁話有得揀一定揀增肥！（圖片來源：Facebook@正向文化娛樂）

排舞室零食放題

女歌手開個唱前要增肥真係聞所未聞，仲要係向來一啲都唔瘦的楊千嬅，楊千嬅坦言從未試過演唱會前可以食朱古力同薯條，只見她從膠袋拎出一包包零食，興奮地逐樣試，食相都幾猴擒。

楊千嬅楊千嬅拎出一大袋零食，睇吓佢雙腿幾咁健壯！ — 楊千嬅拎出一大袋零食，睇吓佢雙腿幾咁健壯！（圖片來源：Facebook@正向文化娛樂）

楊千嬅鯨吞高卡路里的夾心餅乾。 — 鯨吞高卡路里的夾心餅乾。（圖片來源：Facebook@正向文化娛樂）

楊千嬅興奮摷零食，仲話自己唔係偷食。 — 興奮摷零食，仲話自己唔係偷食。（圖片來源：Facebook@正向文化娛樂）

楊千嬅披頭散髮，完全唔顧形象。 — 披頭散髮，完全唔顧形象。（圖片來源：Facebook@正向文化娛樂）

網民不留情面狂嘲楊千嬅

對於楊千嬅公言嗌增肥，網民反應好大，在「多功能阿婆楊千嬋」FB專頁紛紛留言，大肆批評「對眼唔係凸係巢呀！！」、「又老又醜又假又粗魯」、「雙下巴仲增肥，造型師玩X佢咋」，更有人重提上次楊千嬅個唱要以黑布遮吉位，今次要「白布蓋面」，真係踩得好盡！

鄭秀文首次確診休養9日增6磅

另一樂壇天后Sammi鄭秀文亦將於7月14至30日舉行《You & Mi 鄭秀文世界巡迴演唱會香港站2023》，為應付13場個唱連月排練的她，日前自爆在5月13日確診被迫要留家休養，昨日Sammi拍片報喜表示第9日終於變一線，不過聲沙沙的她想休息多兩日先復工，她更開心表示增了5、6磅，意外發現自己皮膚更有彈性和支撐，其實大家都覺得Sammi一直都太瘦太鋼條，有少少肉地反而更好睇，不少網民亦留言大讚增磅後的Sammi面仔脹卜卜更索更有光彩。