楊千嬅 陳奕迅

48歲楊千嬅紀錄片自認唱得衰 陳奕迅重提初相識「被吸引」

娛樂

廣告

現年48歲、入行已27年的楊千嬅,推出延遲了兩年的紀錄片《I · II · III MY STORY》﹐片中邀請到陳奕迅、Paco黃柏高、郭啟華、吳彥祖、丁子高等人現身訴說他們與千嬅相識至今的點滴。陳奕迅重提與楊千嬅嗌交多過食飯,節目中更大爆金句⋯⋯

楊千嬅 陳奕迅 楊千嬅近日推出《I · II · III MY STORY》紀錄片。
95年21歲入行,楊千嬅近日推出毎人紀錄片,全長近1.5小時。(圖片來源:《I · II · III MY STORY》截圖)
楊千嬅 陳奕迅 楊千嬅與媽媽感情好好,憶述入行時也有登場受訪。
楊千嬅與媽媽感情好好,憶述入行時也有登場受訪。(圖片來源:《I · II · III MY STORY》截圖)

陳奕迅重提被楊千嬅吸引

紀錄片在兩年前製作,延後推出,其實是為了紀念楊千嬅1995年出道,陳奕迅與楊千嬅認識多年私交甚篤又傳過緋聞,紀錄片中他分享二人相識經過﹐因95年第十四屆新秀歌唱大賽結緣。他形容千嬅性格倔強,有「大笑姑婆」之稱卻不太愛笑,他說;「呢個就係當時吸引到我嘅地方。」

楊千嬅 陳奕迅 楊千嬅 Eason提到經常與千嬅經常意見不合:「我講東佢講西,我就真係有嬲!同我拗?我係冠軍喎!」
Eason提到經常與千嬅經常意見不合:「我講東佢講西,我就真係有嬲!同我拗?我係冠軍喎!」(圖片來源:《I · II · III MY STORY》截圖)
楊千嬅 陳奕迅 楊千嬅 Eason與千嬅相識多年的交甚篤。
Eason與千嬅相識多年的交甚篤。(圖片來源:《I · II · III MY STORY》截圖)

「我講東佢講西,我就真係有嬲!」

陳奕迅又形容千嬅夠「男人」:「咁多年佢都冇變過,都係『喂!陳奕迅!』,其實我覺得有少少粗魯㗎!」Eason又提到與千嬅經常意見不合:「我講東佢講西,我就真係有嬲!你會識得多過我?我假假地都皇家音樂學院,有文憑,我係八級聲樂喎,同我拗?我係冠軍喎!」

楊千嬅 陳奕迅 Eason講到七情上面
Eason講到七情上面(圖片來源:《I · II · III MY STORY》截圖)

自認好勝唱得衰 叱咤冇獎即刻捉同事開會

楊千嬅曾8次奪得「叱咤我最喜愛女歌手」,是樂壇上的紀錄保持者。她在紀錄片中自認好勝:「做artist唔好勝,做嚟做乜?1月1日(叱咤頒獎禮)冇獎嘅話我第二日即刻捉(唱片公司)同事開會㗎!」她又自認唱得衰,但要知道自己點解輸:「有段時間我係唱得衰嘅,我必須承認。我要知道自己點解輸,我先可以繼續進步。」

楊千嬅 陳奕迅 楊千嬅認自己好勝:「做artist唔好勝做嚟做乜?」
楊千嬅認自己好勝:「做artist唔好勝做嚟做乜?」(圖片來源:《I · II · III MY STORY》截圖)

網民反應兩極 有人表示等到頸都長

楊千嬅紀錄片一出,網民持不同意見,fans們留言:「我也期待已久」、「開心!終於可以睇到!!!」、「終於有啦! 等到頸都長」、「無懼閒言閒語,永遠都會支持你」。但亦有不少網民反感,直言:「過主啦」、「無興趣!」、「香港歌迷真的不重要嗎?點解芒果TV比YouTube早播?真的令香港樂迷失望」。

多張楊千嬅入行前舊照曝光

精選網友回應:

好感動的紀錄片,她和Eason的歌幾乎和我的回憶融為一體,真的是所有青春回憶。希望千嬅能走出困局吧,其實大家應該回歸一下理智,不要為反而推倒曬人哋過去咁多年既付出吧

部片拍得幾好。我唔追星,但楊千嬅啲歌我由細聽到大,感謝佢帶嚟咁多令人共情嘅好歌。佢從來唔係sell唱功嘅歌手,但無礙佢以優秀嘅歌詞詮釋能力成功演繹一部部作品,為歌曲注入自己嘅靈魂。明白佢因為大環境嘅問題喺香港處境艱難,希望佢可以盡快走出低谷,再次創造有個人特色嘅好音樂(btw,個人覺得丁生公關能力不足,呢方面都係交翻比外面嘅團隊做好啲

係fans一定會睇到喊,一路以來一齊走過咁多年,知你付出好多一直好努力,但如果唔係呢條片都唔會知你係承受咁多咁多 一方面好嬲你老公公司公關好差,將你過去咁多既努力去建立既事幫你拆台,但望住你結婚時好幸福既樣,唯有諗你幸福就好了。希望你係音樂上係依然有好多想嘗試既地方,所以簽左新公司,祝你一切更上一層樓

官方介紹:堅持夢想 分享紀錄回憶

期待兩年 今天與你一起細看千嬅人生的每個重要時刻

一部屬於楊千嬅的個人紀錄片,攝製歷時一年多,緊隨《MY BEAUTIFUL LIVE 世界巡迴演唱會》每一站所走訪的足跡,紀錄她剛入行,到成為人妻人母,這些年的心路歷程,並於2020年完成拍攝。

拍攝時適逢千嬅入行25周年,此為她特製的一本影像紀念冊,紀錄了她的重要時刻,與朋友和歌迷一同分享自己的音樂與回憶。回望過去,仍然保持對演藝工作和音樂的熱誠,珍惜現在所擁有的一切。 紀錄片以楊千嬅踏入社會工作,分三個階段為紀錄片骨幹,1.千嬅初出芧爐的勇闖世界、2.踏入人生另一個階段,婚姻幸褔過二人世界、3.擁有愛情結晶品,成為人母,變成三人世界,希望與大家一同見證楊千嬅的成長歷程!

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

撰文:東方新地圖片來源:《I · II · III MY STORY》截圖

你又點睇?