楊卓娜自爆黑雨漏帶護照上唔到機 轉身晒純白水着照揭首次嘗試呢樣嘢！
廣告
日前先自爆因黑雨搞到一連串黑仔事件嘅楊卓娜，昨日（7日）運程似乎180度大逆轉！佢喺社交平台突然上載多張水着靚相，相中佢身穿純白一件頭泳衣，喺泳池中大歎超豪華「漂浮早餐」，美好身材一覽無遺，心情大靚嘅佢似乎已將早前漏帶護照上唔到機嘅煩惱拋諸腦後，究竟呢次旅行點樣由「黑仔」變「歎世界」？
虛擬情人｜47歲楊卓娜親身上陣落力學鋼管舞 2大角色「撞到應」挑戰精神狀態
豪歎$60漂浮早餐 楊卓娜純白水着照勁吸睛
今次楊卓娜似乎係要將之前嘅唔好彩一次過補返數，佢喺網上分享今次係人生首次體驗「漂浮早餐」，難掩興奮心情！佢發文表示：「咁大個女，都係第一次食咁浮誇嘅Floating Breakfast 早餐，又係酒店嘅管家一早過嚟煮俾我哋食㗎!」
相中可見，兩大盤精緻早餐漂浮喺水上，而楊卓娜就浸喺水中打卡，畫面相當寫意。佢又笑言成班人掛住影相，搞到早餐變下午茶：「唔使講，我哋梗係影相重要過食啦，結果搞咗一輪已經變咗下午茶🤣🤣🤣」。最令人驚訝嘅係價錢，佢驚呼：「😱最浮誇係價錢，真係唔敢相信，$60/person港幣左右, 仲要係現場煮俾我哋食！🤣真係有啲擔心會被縱壞。」
回帶黑雨日黑仔事件 楊卓娜自爆漏帶護照
呢次豪華之旅得來不易，事關楊卓娜日前先喺社交網大呻經歷「疲於奔命的12小時」。佢憶述喺黑雨警告下，徒步返屋企已經夠狼狽，點知去到機場準備同家人出發旅行時，先驚覺自己竟然漏帶護照，導致無法上機，要同家人分開，自己再諗辦法前往目的地。當時唔少網民都留言安慰佢，估唔到事隔幾日，佢就成功同家人會合，仲立即開啟度假mode，由黑仔王變身旅遊達人。
網民激讚身材弗爆 求開心Share更多靚相
楊卓娜嘅水着靚相一出，即刻引嚟大批網民洗版式留言，輿論一面倒大讚佢保養得宜！唔少網民將焦點放喺佢弗爆嘅身材上，留言激讚：「「娜姐身材keep得好好，完全唔似人母！」、「白色水着好靚，好有仙氣！」、「睇到流鼻血，身材太好了！」亦有網民對佢嘅超值早餐大感好奇：「「$60蚊早餐咁豪華？邊度嚟㗎？」、「跪求酒店名！」、「睇見都開心，求分享多啲靚相！」
圖片來源：IG@lennayeung資料或影片來源：原文刊於新假期
