37歲楊秀惠情人節宣布誕下第二胎B女 產前零孕味 分享賺一億心得超經典
農曆新年前再添一名家庭成員
楊秀惠在IG寫道︰「非常開心，在農曆新年來臨前，我們家裡增添了一位新成員，一家三口變成了一家四口。雖然非常忙碌，但我們全家人都非常開心和興奮小妺妹的到來。見到姐姐非常疼愛妹妹，主動抱抱&錫錫妹妹，就感到無比的開心和感恩，祝大家新一年身體健康，心想事成，一家平平安安，情人節快樂。」據楊秀惠透露，B女重6.8磅，近兩個月主要都係來回醫院和屋企，不過疫情咁嚴重，嚟緊短時間都唔會出街咁話喎！
4、5年賺一億出晒名
楊秀惠於2019年與圈外老公結婚，2020年4月就誕下一女。而楊秀惠於同年約滿離開TVB，專心打理自己的網店生意，而且非常成功，在短短4、5年間已賺到一億港幣，還很大方地拍片分享自己做女強人的「生財之道」，當時她表示投資本金達7位數字，但大部分都用作於賣廣告，更揚言單計廣告費已經足夠讓她在香港以全額支付購入一間全新的三房單位。而正因為她的分享短片，令她的知名度大幅提升，網民對她的熟悉程度甚至超過她在TVB的作品。
相關閱讀：楊秀惠TVB門外被貼大字報數臭「表面風光內裡骯髒」即日透過公關緊張回應表示⋯⋯
盤點圈中18位高齡產婦
1.楊茜堯（40歲第一胎）
楊茜堯（前名楊怡）以40歲高齡宣布造人成功，與羅子溢（前名羅仲謙）在2020年4月升呢新手父母，囡囡小珍珠愈大愈似爸爸，去年12月，42歲楊茜堯秘密入院，再誕下第二胎兒子，為羅家添丁湊夠一個好字。
2. 胡杏兒（38歲第一胎）
胡杏兒和李乘德（Philip）在2015年結婚，婚後先後誕下大仔奕霆（Brendan）和細仔奕霖（Ryan），去年4月，胡杏兒以41歲高齡誕下重八磅多的細仔奕宏（Liam）。她笑說沒想過BB這麼重磅，所以這次分娩過程比較辛苦，她也直言會封肚不再追女。
3. 楊千嬅（38歲第一胎）
現年48歲的楊千嬅，2012年6月為老公丁子高誕下囝囝丁進諾（Torres），當時她已經38歲，初為人母的她曾爲谷仔入名校，犧牲自己休息時間，結果被本刊影到捱出激深黑眼圈，成個人虛脫激殘！
4. 蔡少芬（46歲第三胎）
現年48歲的蔡少芬（Ada）在2019年意外懷孕第三度做媽媽，在46歲之齡誕下8磅2大隻仔張樂兒，終於為老公張晉成功追仔，湊成五口幸福大家庭，入產房前Ada對鏡頭大叫：「最後一胎啦，唔會再生！」
5. 譚凱琪（37歲第一胎）
現年40歲的譚凱琪（Zoie）2020年與圈外男友莊日宇（Enrico）結婚，同年10月誕下寶貝女Baby G，懷孕期間她曾透露因呼吸困難及咳嗽，一度懷疑自己感染新冠肺炎，而去做了深喉測試，幸好結果是呈陰性。
6. 車婉婉（42歲混血B ）
車婉婉於2017年，以42歲高齡為中澳混血老公Jonathon誕下混血B仔Justus（乳名BBQ），正式升呢做媽咪，生完好快回復Fit爆狀態，她大爆是因為餵人奶，揚言：「餵人奶係最快瘦！」
7. 蔣怡（41歲陀二胎）
模特兒出身的蔣怡育有一對子女，在36歲誕下第一胎大女時一切順利，5年後41歲時她陀二胎細仔，卻患有妊娠糖尿，需要戒甜食和戒澱粉質食物，鍾意食又愛整甜品的蔣怡，直言當時戒口戒到有點抑鬱。
8. Rosemary（40歲誕第二胎）
現年40歲的Rosemary在2016年與中印混血富商Jason結婚，2018年誕下大仔Hendrix，相隔3年，去年12月Rosemary在社交網宣布第二胎BB出世，起名Sasha Geo Swamy，重3.5KG，是自然生產。
9. 梁詠琪（39歲第一胎）
現年45歲的梁詠琪Gigi與西班牙籍老公Sergio結婚3年後成功陀B，以39歲之齡誕下囡囡並改名為Sofia，囡囡岀世後，Gigi經常喺IG post 佢地一家嘅幸福照。一家三口十分幸福！而梁詠琪一直表示有意追多個﹗
10. 李心潔（40歲第一胎）
2013年老公彭順被爆出軌，李心潔最終選擇原諒老公，兩人和好如初。之後李心潔40歲時，就為老公誕下一對可愛孖仔。哥哥叫彭濟雲，弟弟則叫彭子然，李心潔喺孖仔滿月嗰陣，PO出一張BB正面相，一對孖仔連瞓覺都識笑，超可愛！
11. 楊采妮（42歲誕孖仔）
楊采妮2013年同新加坡籍律師邱韶智拉埋天窗，努力咗3年，終於在2017年宣布懷孕，同年以42歲之齡生下對孖仔。
12. 周汶錡
周汶錡Kathy今年47歲，2015年7月生咗大仔Jacques ，細仔Avner就喺2017年3月20日出世。Kathy首次陀B已年過四十，但第二次懷孕，她表示身體基本上同上一胎一樣，完全唔辛苦，冇嘔又冇好容易就攰，胃口亦都冇變，Kathy解釋指可能因為自己的體質問題，所以身邊的朋友都話佢唔似大肚，整個過程就好似正常生活但個肚大咗。
13. 謝安琪
現年44歲的謝安琪Kay當年未婚懷孕，07年大仔張瞻出世，相隔10年，40歲的謝安琪誕下囡囡張靖。Kay揚言要做全職奶媽，實行無了期停工湊女：「希望可以餵足一年母乳！真係擺低工作，以家庭為先，囡囡都係得幾個月，雖然囝囝10歲，但都係要傾偈嘅階段，只要睇住小朋友開心就乜都值得！」
14. 李嘉欣
李嘉欣於2011年為富二代許晉亨生咗囝囝Jayden，懷孕時風采依舊，絲毫不見浮腫。大美人當時都係41歲。
15. 楊張新悅
45歲嘅張新悅（Nicola)與區議員老公楊哲安婚後，先後誕下三個囡囡Lucy、Lily和Leah。Nicola在2018年宣佈意外懷上第四胎，以42歲之齡再做產婦，而且今胎都係B女。
16. 朱茵
2012年4月，41歲朱茵突然公佈懷孕的消息。囡囡王鶯於2012年10月出世，為作紀念，朱茵執筆推出新著作《6磅10安士》，寫下整個懷孕歷程。她於書中寫到自己很喜歡小朋友，小時候已很想當母親，可惜因身體狀況不好，更自爆婦科醫生曾告知只有一成機會懷孕，要有小朋友是一件很難的事。奇蹟懷孕誕下女兒，對朱茵及黃貫中來說，都不是一件容易的事。
17. 吳君如
2006年，41歲嘅吳君如生下囡囡陳是知，據講當時君如大住個肚，依然晚晚返電台開咪做節目。吳君如在圈內出晒名的愛女！有報道指囡囡陳是知每年花過百萬學費栽培囡囡，單係playgroup已經年年十萬，仲有報大量琴棋書畫的興趣班，囡囡考入南區私立貴族學校的弘立書院。而在家也營造出一個獨特語境，平時用英文及泰文同囡囡溝通。
18. 林青霞
林青霞於1994年與邢李㷧結婚，正式嫁入豪門。42歲誕下大女邢愛林，47歲再誕細女邢言愛，現在兩個女都已經婷婷玉立。
