正義女神｜劉倬昕硬撼視后陳煒！警局對峙零怯場 一句對白嚇窒阿媽

劉倬昕警局挑機陳煒 眼神對白充滿壓逼感

劇情講述何Sir（黃庭鋒飾）直覺高成彬（劉倬昕飾）與Lydia失蹤事件有關，遂邀請他在母親高淑樺（陳煒飾）陪同下到警局協助調查。雖然身有屎，但高成彬不但無視母親阻止，堅持前往差館，落口供期間更分別以輕佻及深邃的眼神向何Sir及高淑樺挑機。最後，他更直逼急如熱鍋上螞蟻的母親，冷靜陰沉又晦氣地拋出一句：「係你講架，真相點樣唔重要」，之後再指一指自己腦門說：「我有記住架」，給出了極大的壓逼感，亦為日後母子關係決裂埋下重要伏線。

劉倬昕爆陳煒似足媽咪：「戲裡戲外都好照顧我」

雖然在劇中與陳煒針鋒相對，但劉倬昕（Sam）坦言與前輩合作零怯場，全因煒哥私下非常照顧她。Sam受訪時大讚陳煒：「煒哥就好似一個媽咪咁樣，戲裡戲外都好照顧我，佢知道我係新人，就教我點樣設計角色，陪住我一齊搵個狀態。」她更透露陳煒會主動分享初入行時casting等經歷，令二人很快便打破隔膜，無所不談，戲外建立了如母女般的好感情。

網民激讚高手過招：「兩代演員演技大爆發！」

這場新秀與戲骨的對決，引來網民熱烈討論，大讚二人演技。網民紛紛留言：「嘩！劉倬昕同陳煒呢場戲好屈機！完全睇唔出係新人！」、「高手過招，真係高手過招！眼神、氣場、對白全部都係戲！」、「陳煒固然好戲，但劉倬昕竟然完全冇被比下去，仲要lead住個flow，好勁！」、「『我有記住架』呢句對白加埋個樣，真係心都寒一寒，好期待之後點發展！」