正義女神｜片尾曲被轟太難聽 網民：要喺佢嗌之前mute聲 作曲人慘被打壓
網民鬥快按靜音避開驚嚇高音
《正義女神》逢周一至周五晚8點半在翡翠台播映，主要演員包括佘詩曼、譚耀文、陳煒、周嘉洛等實力派演員。雖然劇集質素獲得認同，但每當片尾曲響起時，網民都要進行一場「靜音競賽」。有網民留言「次次片尾都要係佢嗌果刻之前鬥快轉台 痴線真係好驚嚇」，更有人表示「每晚都要mute TVB又唔肯停播 痴線」。不少觀眾都被突如其來的高音嚇到，「真，明明劇尾好緊張位啲位，突然放歌高音大嗌，嚇死，之後見到劇尾正義女神4個字後，馬上手動cut去下一集」。
《正義女神》片尾曲呂喬恩背景起底：曾為劉德華張敬軒和音
這首被網民狂轟的片尾曲《Late never denied》原來是由呂喬恩主唱。41歲的呂喬恩其實大有來頭，她是TVB Music Group旗下藝人，曾經擔任許冠傑、譚詠麟、夏韶聲、劉德華、李玟、陳曉東、張敬軒等天王巨星的和音歌手，絕對是幕後實力派。呂喬恩於2015年起擔任樂隊ZolarWind的主音，2018年以個人身份出道成為獨立歌手，更在2021年於觀塘開辦「Voice Tree 流行歌唱教室」。她曾就讀香港理工大學設計學院，之後到金浪音樂文化學習唱歌，2009年在許冠傑演唱會裡第一次擔任和音歌手後正式入行。
網民批評唱功似學Sia咬字怪異
雖然呂喬恩擁有豐富的幕後經驗，但今次主唱《正義女神》片尾曲卻遭到網民猛烈抨擊。有網民分析「呢首歌要d把聲好厚嘅人先會好聽，但宜家唱呢位把聲好薄，高低音都無厚度，又無power，然後d英文咬字怪怪地，聽落就好唔順耳」。更多網民認為她刻意模仿國際歌手Sia的唱腔，「每次一播片尾 頭幾秒以為唱chandelier 條友係咪想扮Sia」、「佢以為自己係Adele?」。有網民直言「唱到好似鬼捻喉咁！頂唔順呀！！！」，亦有人表示「好嘈，想關機」。
曾參與多套劇集主題曲惹爭議
原來呂喬恩不只唱《正義女神》主題曲，她之前亦有參與《星空下的仁醫》插曲《Never Too Late》及《新聞女王》系列主題曲演唱。有網民指出「想講，呢個歌手係有實力，但係唔好聽，之前新聞女王首歌同埋唔知邊套劇嘅歌都係佢唱，硬係覺得佢把聲好嘈好煩厭」。另有網民提到「上首Crystal Clear（《新聞女王2》片尾曲）佢唱返都炒炒地車」，認為她的演繹方式並不適合電視劇主題曲。不過亦有網民為她辯護，「首歌個曲無乜嘢，但唱得堅難聽，JW真係好好多。不過佢播片尾曲時我最多mute咗佢，又不致於影響到我繼續睇套劇嘅」。
谷婭溦作曲＋原唱廣東話版本慘被打壓
其實今次《正義女神》片尾歌的作曲人係谷婭溦，本身亦有一個廣東話版，可惜監製疑似偏心呂喬恩，25集入面，只有少部份集數片尾播放廣東話版本，谷婭溦自己亦有公開上載歌曲MV。
