爸知弊你嚟湊吖｜陳展鵬首次單獨湊小豬比 單文柔表示擔憂：佢唔識煮嘢食

爸知弊你嚟湊吖｜單文柔指出「陳展鵬弱點」

第五集《爸知弊！你嚟湊吖！》，小豬比初時表現怕醜冇乜反應，陳展鵬只能靠「恐龍」上身氹阿女。之後陳展鵬與小豬比接受製作組安排的連番任務，包括「小豬比睇電視二揀一」、「小豬比接龍大賽」及「小豬比教爸爸整飯團」，第三個任務是製作組根據單文柔事先指出的「陳展鵬弱點」進行針對式設計，單文柔笑言：

「佢唔識煮嘢食，如果佢湊小豬比，佢真係可能淥杯麵。佢都好似未試過自己單獨湊小豬比，都有啲擔心。」

小豬比扮嬲超萌！ 陳展鵬「處男下海」獨自湊女

經過首輪熱身任務，與黎諾懿及陳敏之混熟的小豬比精靈Level Up，在「接龍大賽」大晒萌爆表情包，包括聽到心儀卡通人物時Bling住眼點頭比讚，又連番亂答問題整蠱爹哋媽咪。其中一條「小豬比最唔鍾意做嘅事」，陳展鵬回答：「好多喎！坐定定食飯。」此言一出小豬比即翹晒雙手扮嬲豬，並行使「職權」大派交叉。陳展鵬又應製作組要求爆阿女口頭禪，包括：「我係咪好搞笑」及「你唔好話我啦」。當小豬比完全進入狀態後，製作組即安排單文柔「偽裝」離開，留下陳展鵬「處男下海」獨自湊女。

爸知弊你嚟湊吖｜親子騷變晒恩愛單文柔心痛陳展鵬被冷落！

進入第三輪任務前，陳展鵬需應單文柔要求教阿女「眼耳口鼻」英文生字，其間小豬比「聽啲唔聽啲」，更出奇不意使出「獅吼功」，嚇到陳展鵬一度「暈倒」；黎諾懿著小豬比表演「機械舞」緩和氣氛，小豬比收到order即分別表演「好有電」及「冇晒電」版機械舞；跳「冇晒電」版時，小豬比不但刻意慢動作兼梗頸，表情亦由多變活潑變成呆滯，眼神不時流露「求助signal」，相當爆笑。跳完舞與黎諾懿瞬間零距離的小豬比，整飯團時繼續與黎諾懿「蜜蜜」斟；眼見陳展鵬完全被無視，單文柔大表心痛謂：「我可唔可以出去安慰吓佢？我驚佢唔開心呀！」最終陳展鵬以一塊「芝士」成功挽回劣勢，氹掂小豬比埋身挨住，到底咩芝士咁神奇？

兒童心理學家分析： 小豬比有「CEO型性格」

小豬比另一爆笑位是無厘頭「暴走」，陳展鵬整飯團期間忽發奇想「芝士扮榴槤」，大感莫名其妙的小豬比遂沒好氣地逐隻字「凳」出來：「做~乜~嘢~榴~槤~呀？！」接著黎諾懿問小豬比需否為飯團加牙齒，小豬比再度爆Seed大叫：「唔使呀！嚇死我呀！」又忽然向鏡頭肉緊高呼：「我傻傻地呀～～～」

雖然小豬比似是主力搞笑，但兒童心理學博士Rosa認為小豬比有「CEO型性格」，到底有何特質？ 原來「CEO型性格」指小朋友好想教人、好想表達自己意見，亦很關心身邊的人，也包括其他小朋友。小朋友如此有主見，全賴家長在教養期間提供很多機會給小朋友學習及自主任務。

本周五（15日）現身的素人家庭代表有Ricky、Tiffany及Sophia，熱切期待與Sophia碰面的小豬比，將施展渾身解數照顧比自己少兩歲的「妹妹」，陳展鵬及單文柔亦會繼續大放閃光彈，萬勿錯過。

從未單獨上陣照顧小豬比嘅煎Pan，就話希望同各位家長分享照顧小朋友嘅唔同經驗，仲認為自己表現中規中矩算係唔錯喎。仲話過程中更了解照顧小朋友嘅對與錯，拍節目之餘仲袋咗唔少嘢落袋喇。