狀王之王

《狀王之王》|小鳳與阿九戀愛確定後遭逢不幸?金剛王子涵無預警背對白展現專業

娛樂

廣告

由張達明監製、林子聰任總導演、林子聰及韓辰辰任編審的《狀王之王》,逢周一至五晚九點半翡翠台播映,主要演員包括(按出場序)王浩信、姚子羚、金剛、王子涵、陳楨怡、林子聰、張達明、陳浩民、古明華、文凱玲、何浩文及海俊傑等。昨晚(16 日)「至尊計狀元才」章節正式完結,宋世傑(王浩信飾)一行人以計中計中計,成功欺騙礦工老闆王浩信(彭廸安飾)和官二代談正堂(何浩文飾),奪得 10 萬両黃金和礦場地契,並將之發給曾遭王浩信迫害的景德鎮百姓;由於宋世傑伸張正義解救當地百姓,獲推舉為狀王之王!下周結局周將展開最終回「使節姦殺案」,萬眾期待的陳浩民將會終極登場。

 17 金剛向子涵表白成功,仲會上演情深一吻!
17 金剛向子涵表白成功,仲會上演情深一吻!(圖片來源:TVB)

經過「至尊計狀元才」事件後,阿九(金剛飾)和小鳳(王子涵飾)感情大躍進,但原來金剛與子涵的感情線是臨時加插的,肥仔聰受訪時透露:「拍攝阿九扮談正堂時發現劇本有啲唔妥,所以臨時改劇本加咗阿九同小鳳嘅感情線,之後仲將後面幾場戲全部改晒,仲要即刻拍,金剛同子涵喺完全冇準備之下背咗 4 頁對白,最後佢哋都好順利咁完成拍攝,好專業!」在最終回「使節姦殺案」的劇情中,將講到阿九向小鳳告白成功,兩人更會上演深情激吻,惟兩人確立關係後不久,小鳳卻遭逢不幸,阿九知道真相後失控爆喊,更間接令到世傑與玲瓏感情生變!

 12-16 金剛同子涵涵嘅感情線原來係臨時加插,呢場戲就係即場改劇本即場拍,即時背 4 頁紙對白,真係唔簡單!
12-16 金剛同子涵涵嘅感情線原來係臨時加插,呢場戲就係即場改劇本即場拍,即時背 4 頁紙對白,真係唔簡單!(圖片來源:TVB)

姚子羚直播分享黐鬍鬚心得

此外,王浩信、姚子羚和林子聰日前一同開 Live 宣傳劇集,談到兩位主角不時要反串,子姚笑指自己扮男人已相當有心得,並分享黐鬍鬚學問:「黐鬍鬚都有分唔同階段,鬚渣黐完之後就唔可以掂,因為唔小心揩到就會甩咗一忽,鬍鬚就黐啲膠水黐喺嘴唇上面個位,但係就唔可以大笑,因為會勒住!」她又笑言發現自己鍾意扮男人:「因為可以慳番化妝時間。」劇中曾反串孫阿姐的浩信則大嗌辛苦:「每日要預早兩個鐘開工,如果 7 點鐘開始拍,我 5 點鐘就要開始化妝,平時男演員都係提早 1 個鐘,不過為咗靚冇辦法。」有網友提到子羚飾演的玲瓏不夠惡,對此子羚預告「好惡在後頭」:「大家睇落去就知!」至於子聰則大爆角色叫「何守信」之謎:「其實原本係叫何守順,點知後期打錯字打咗信字,我原本都話寫錯喎,但佢哋話改就要改好多個字,咁最後就將錯就錯,因為呢個名大家都有親切感!」

 浩信、子羚同埋林子聰合體開 Live 宣傳劇集。
浩信、子羚同埋林子聰合體開 Live 宣傳劇集。(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)
(圖片來源:TVB)

圖片來源:圖片來源:TVB