王浩信陳自瑤各自鬥曬親子合照 11歲囡囡IG意外被曝光一表情被指似足阿媽

娛樂

Poey

Oct 4 2023

王浩信日前帶11歲愛女王靖喬去九龍灣追星，意外曝光囡囡部份樣貌的同時，仲曝光埋囡囡IG！原來相隔幾日前，陳自瑤（Yoyo）亦分享過同囡囡一齊去整甜品的合照，不過兩夫妻互相都冇派心心畀對方個post！

王浩信帶囡囡去九龍灣追星

當日王浩信分享同囡囡王靖喬去追星的合照，並指兩父女被擠在人群後，又自言是首次陪囡囡出夜街去睇她偶像的演唱會，原來他所說的囡囡偶像，就是上月20及21日在九龍灣E-Max開騷的冰島混血華裔歌手Laufey。

王浩信終於完成內地工作返港的王浩信，做廿四孝老竇陪囡囡去九龍灣追星。 — 終於完成內地工作返港的王浩信，做廿四孝老竇陪囡囡去九龍灣追星。（圖片來源：IG@vincentwong07）

王浩信王浩信為囡囡拍片時，都不忘用公仔遮住囡囡個樣。 — 王浩信為囡囡拍片時，都不忘用公仔遮住囡囡個樣。（圖片來源：IG@vincentwong07）

王浩信父女一齊曬手背印辛，40歲王浩信手背青筋凸起，仲有勁多傷口，看來在內地捱得好辛苦。 — 父女一齊曬手背印辛，40歲王浩信手背青筋凸起，仲有勁多傷口，看來在內地捱得好辛苦。（圖片來源：IG@vincentwong07）

王浩信阿女偶像Laufey年僅24歲，是冰島和中國混血兒，出道3年，近日首次來港開騷。 — 阿女偶像Laufey年僅24歲，是冰島和中國混血兒。（圖片來源：IG@vincentwong07）

王浩信 Laufey出道3年，近日首次來港開騷。 — Laufey出道3年，近日首次來港開騷。（圖片來源：IG@laufey）

變相公開囡囡IG戶口

不過王浩信初初出post時，竟然Tag埋囡囡IG，令囡囡IG首度曝光，亦公開了囡囡的英文名是Victoria，雖然這是個Private的IG帳戶，但頭像亦公開了囡囡樣貌，同時亦連結囡囡的學校社團IG，當中亦有囡囡的正面相，不過其後王浩信已編輯並刪除有關帳號。

王浩信王浩信和女兒罕有同框合照，卻意外曝光了囡囡IG帳戶，但現在他已編輯並刪除有關帳號。 — 王浩信和女兒罕有同框合照，卻意外曝光了囡囡IG帳戶，但現在他已編輯並刪除有關帳號。（圖片來源：IG@vincentwong07）

王浩信囡囡IG之前用自己的四格相做頭像，不過被爸爸公開帳號後，頭像已改用卡通圖片。 — 囡囡IG之前用自己的四格相做頭像，不過被爸爸公開帳號後，頭像已改用卡通圖片。（圖片來源：IG圖片）

王浩信囡囡王靖喬之前一直被叫「QQ」，原來她真正的英文名是Victoria。 — 囡囡王靖喬之前一直被叫「QQ」，原來她真正的英文名是Victoria，平日愛拍片影相，在學校社團十分活躍。（圖片來源：IG圖片）

囡囡櫻桃小嘴獲讚似足媽媽

雖然王浩信在相中用圖案遮住了囡囡樣貌，但仍露出了囡囡嘟起的嘴唇，有媒體就讚囡囡的櫻桃小嘴似足媽媽陳自瑤。而陳自瑤在王浩信出po前幾日，原來亦分享過同囡囡的合照，並寫上：「親子烘焙日，治愈的一天！ #寶貝喜歡做甜品 #仲有靚靚Barbie送 #我哋既作品靚唔靚？」

王浩信早幾日陳自瑤就孖囡囡玩烘焙。 — 早幾日陳自瑤就孖囡囡玩烘焙。（圖片來源：IG@chenchiyiu）

王浩信陳自瑤夫妻互相冇畀心

王浩信同陳自瑤前後腳出post大曬各自同囡囡的合照，不過兩夫妻互相都冇派心心對方個post，與此同時王浩信又再曬出直擊囡囡攀石的短片，片中雖然未有拍到囡囡正面，但就見到現年11歲大的囡囡手長腳長，似乎繼承了爸爸王浩信的身高。

王浩信陪完囡囡追星，王浩信又曬出直擊囡囡攀石的短片。 — 陪完囡囡追星，王浩信又曬出直擊囡囡攀石的短片。（圖片來源：IG@vincentwong07）

王浩信囡囡攀石的短片相信是由爸爸王浩信親自操刀。 — 囡囡攀石的短片相信是由爸爸王浩信親自操刀。（圖片來源：IG@vincentwong07）

王浩信陳自瑤結婚近12年屢傳婚變

2011年11月11日上午11時，王浩信與事業陳自瑤奉女成婚，當時女方名氣遠超男，被外界認為女尊男卑。產後的陳自瑤田日與王浩信一起為劇集《飛虎》宣傳，更配合活動當衆放閃。

王浩信騷肌王浩信二人在2011年11月11日光棍節成婚。 — 二人在2011年11月11日光棍節成婚。（圖片來源：新傳媒照片庫）

王浩信騷肌王浩信昔日經常公開放閃。 — 昔日經常公開放閃。（圖片來源：新傳媒照片庫）

王浩信陳自瑤二人曾經被認為是感情很好的金童玉女。 — 二人曾經被認為是感情很好的金童玉女。（圖片來源：IG@chenchiyiu）

王浩信再封視帝陳自瑤公開黑面

婚後陳自瑤專心湊女，而王浩信在事業上更是扶搖直上，更與同黃心穎、江嘉敏、蔡思貝傳出緋聞。令外界盛傳陳自瑤對婚姻死心，多次傳出二人離婚消息。在《萬千星輝頒獎典禮2020》王浩信再度封帝，激罕多謝陳自瑤，但陳自瑤卻黑面回應。

王浩信騷肌致辭後段，王浩信望向藝員觀眾席：「多謝屋企人，多謝yoyo悉心照顧個女⋯⋯」 — 致辭後段，王浩信望向藝員觀眾席：「多謝屋企人，多謝yoyo悉心照顧個女⋯⋯」（圖片來源：《萬千星輝頒獎典禮2020》節目截圖）

王浩信騷肌王浩信攝影師快狠準拍攝Close Up，不過陳自瑤黑晒面，表情僵硬沒作任何回應。 — 攝影師快狠準拍攝Close Up，不過陳自瑤黑晒面，表情僵硬沒作任何回應。（圖片來源：《萬千星輝頒獎典禮2020》節目截圖）

一家遊迪士尼被指無婚變

21年10月王浩信、陳自瑤和囡囡一家遊迪士尼，王浩信在IG公開自己和女兒的合照，但網民把重點放在陳自瑤身上，留言直問「老婆呢？」不過經媒體報導後，多個網民留言指當日見到一家三口和友人，而非得王浩信和女兒同遊迪士尼。後來陳自瑤都出post貼上自己和女兒的單獨合照和三人份量早餐，親證自己也有去迪士尼。

王浩信陳自瑤囡囡靖喬抱住四大隻公仔，雖然被遮面，不過單看她卜舉起V字手勢，囡囡一定好開心﹗ — 當日囡囡靖喬抱住四大隻公仔，雖然被遮面，不過單看她舉起V字手勢，囡囡一定好開心﹗（圖片來源：IG@chenchiyiu）

婚姻關係撲朔迷離

陳自瑤和王浩雖然從未直接承認婚變，但是最近幾年肉眼可見幾乎零合照、零互動，甚至連同框出現公開場合也寥寥可數。早前Yoyo於抖音發佈影片介紹香港通關後的打卡熱點，置頂留言一位網民問：「單身了？」竟然獲得Yoyo本尊點讚，隨後「#疑似陳自瑤恢復單身#」的詞條更一度上了微博熱搜，似乎已經默認離婚。但是王浩信今年返港過年時曾罕有上傳女兒王靖喬的照片，更被懷疑與陳自瑤及女兒一起吃團年飯，他也於去年8月向外界宣稱：「一切安好，多謝大家關心。」，向大家大派定心丸。