王浩信38歲生日晒肌 老婆陳自瑤晒同「老公」片贈慶﹗?

娛樂

廣告

王浩信同Anson Lo盧瀚霆同樣在7月7日生日,王浩信趁在38歲生日出post晒肌,圈中好友齊齊送祝福,唯獨近來頻頻隔空互動的太太陳自瑤,竟然post出同另一「老公」張頴康的片段,卻對王浩信38歲生日不聞不問﹗

撰文:東方新地|圖片:王浩信IG、陳自瑤IG

王浩信今日38歲生日出post晒肌並祝自己生日快樂,而圈中好友方力申、朱敏瀚、陳敏之、林夏薇等都送上生日祝福,王浩信更貼心逐一回覆﹗王浩信近來與太太陳自瑤隔空互笠高帽,不過在王浩信38歲生日大日子,陳自瑤未有公開表示。

王浩信貼出爆肌相賀自己38歲生日,並留言:「 Happy birthday to me! 🎂 Thanks for all your birthday wishes!」 (圖片來源:王浩信IG)
王浩信貼出爆肌相賀自己38歲生日,並留言:「 Happy birthday to me! 🎂 Thanks for all your birthday wishes!」 (圖片來源:王浩信IG)

王浩信獲圈中好友們洗版留言祝賀,包括有方力申、陳敏之、朱敏瀚、林夏薇等,王浩信都貼心逐一留言回覆﹗

圈中好友送祝福﹗(圖片來源:王浩信IG)
圈中好友送祝福﹗(圖片來源:王浩信IG)

陳自瑤多謝「老公」一直嘅支持

王浩信38歲生日晒肌 老婆陳自瑤晒同「老公」片贈慶﹗?
陳自瑤表示:「當初知道要飾演一個在原生家庭有心靈創傷、並有兩個小朋友嘅全職媽媽,亦有不少情緒崩潰嘅戲,為了想成為角色,令角色更貼地,我選擇了不打扮和近乎素顏嘅造型,希望把這角色更真實地呈現出來,也希望大家喜歡這種演繹💕💕」(圖片來源:TVB.com)

王浩信38歲生日,陳自瑤在IG貼出在《寶寶大過天》同老公張頴康的揪心片段,片中陳自瑤情緒崩潰又近乎素顏,演技被激讚﹗陳自瑤話自己花了不少心機去演好這個角色:

「 當初知道要飾演一個在原生家庭有心靈創傷,並有兩個小朋友嘅全職媽媽,亦有不少情緒崩潰嘅戲,為了想成為角色,令角色更貼地,我選擇了不打扮和近乎素顏嘅造型,希望把這角色更真實地呈現出來,也希望大家喜歡這種演繹 ,並再次多謝「老公」張頴康在劇內劇外都好支持自己﹗並#希望能真實地呈現角色 #一個我很喜歡的角色 #多謝張頴康戲裡戲外都咁support我」

王浩信38歲生日晒肌 老婆陳自瑤晒同「老公」片贈慶﹗?
非常入戲的YoYo,在IG「老公」前「老公」後稱呼拍檔。(圖片來源:TVB.com)

王浩信和陳自瑤屢傳婚變,近年幾近沒有任何交集,不過最近陳自瑤終於等到做女一的機會,王浩信被問及對陳自瑤近來亮麗的工作表現時,大讚對方表現佳,仲謙虛指要向陳自瑤請教,被指兩公婆過份客氣﹗

陳自瑤夫婦感情再露底

陳自瑤早前在節目《好聲好戲》表現出色奪冠,入行21年的她更有機會擔正做女一,王浩信回應時大講例牌讚美說話。到Yoyo出席電影首映禮,被問到她王浩信表示配音不及她,要向她好好學習時,近年總是避談夫妻關係的Yoyo第一時間哈哈大笑。Yoyo演技咁好,當然識得回應,她笑言:「過獎喇,佢冇參加過配音節目啫,佢係兩屆視帝,我喺演戲方面都要向佢學習!」兩夫婦隔空互相請教,關係更見疏離。

陳自瑤
Yoyo竟罕有地大方笑談老公王浩信,不禁令人猜測兩人的婚姻關係是否有改善?(圖片來源:Yoyo IG)
陳自瑤
陳自瑤人氣急升,有份參加Do姐主持的直播帶貨節目《識貨》。(圖片來源:Yoyo IG)

唔抗拒夫妻檔

對於有網民推舉Yoyo力爭視后,並與視帝老公爭取機會合作,Yoyo說:「多謝大家支持,但呢啲唔係我話事,我係小人物,等公司有安排。(唔抗拒?)我好聽話,等公司安排。(唔會尷尬?)冇諗,我好乖嘅,會珍惜機會。」Yoyo雖然口講唔抗拒,但她明顯唔雀躍、唔期待,網民亦心水清,睇穿Yoyo句句有骨,唔係真心讚老公。

陳自瑤機會即接踵而來,仲升呢做女一!講到有網友希望她跟視帝老公王浩信合作,她坦言不抗拒,並會珍惜機會!(圖片來源:Yoyo IG)
陳自瑤機會即接踵而來,仲升呢做女一!講到有網友希望她跟視帝老公王浩信合作,她坦言不抗拒,並會珍惜機會!(圖片來源:Yoyo IG)

擺風水陣催旺運勢

YoYo在活動中更透露獲李居明師傅指點,教她將錢箱、紅燈放在西南位,可以更紅及旺女主人,師傅即表示:「佢嘅配音節目《好聲好戲》紅到發紫,多謝佢之前收平價,依家請唔起啦!」YoYo即笑言:「梗係冇加價啦!」講到她被爆將於選美劇首次擔任女一,她坦言:「依家未正式收到通知,如果係當然好開心。」她亦多謝汪明荃加持,希望有機會請對方食飯飲茶。

王浩信為新劇《刑偵日記》宣傳時,回應有關太太陳自瑤首擔女一。(圖片來源:無綫娛樂新聞台截圖)
王浩信日前為新劇《刑偵日記》宣傳時,回應有關太太陳自瑤首擔女一。(圖片來源:無綫娛樂新聞台截圖)

王浩信恭喜陳自瑤:我同阿女都戥佢開心

王浩信對陳自瑤被讚有機會搶視后,他出席新劇《刑偵日記》宣傳時表示好戥太太開心:「我同阿女都戥佢開心,對我嚟講,佢得任何獎都開心值得恭喜,佢努力咗好多年,今年所有作品都表現得好好,多謝大家對佢嘅支持﹗」

王浩信大讚陳自瑤在配音節目可以現場一take過,自己都做唔到,話要向陳自瑤學習。(圖片來源:無綫娛樂新聞台截圖)
王浩信大讚陳自瑤在配音節目可以現場一take過,自己都做唔到,話要向陳自瑤學習。(圖片來源:無綫娛樂新聞台截圖)

王浩信講唔出陳自瑤節目名

當被問到會唔會鼓勵吓太太?王浩信表示:「一定會,睇佢喺配音嗰個節目(配音節目《好聲好戲》)呢,真係配得好好,真係唔容易,佢做得好好,要live一take過我都做唔到,我都要請教佢,同埋仲有帶貨(節目《識貨》)嗰啲都唔容易,佢壓力大之餘,但又做得咁好﹗」 記者話陳自瑤目標是搶視后,王浩信話:「希望佢有獎項,希望佢愈嚟愈好,我真係覺得佢一個好值得觀眾去支持嘅女演員﹗」

陳自瑤在《識貨》帶貨被狠插「唔知佢賣乜?」不過獲王浩信大讚表現好﹗(圖片來源:陳自瑤IG)
陳自瑤在《識貨》帶貨被狠插「唔知佢賣乜?」不過獲王浩信大讚表現好﹗(圖片來源:陳自瑤IG)

陳自瑤獲曾志偉欽點 入行21年首嚐女一滋味

入行21年已39歲的陳自瑤(Yoyo),等到頸都長終於做到女一,早前在節目《好聲好戲》成功奪得「傑出聲演總冠軍」人氣急升,獲汪明荃加持叫無綫開部戲畀Yoyo,副總經理曾志偉收到訴求,即欽點陳自瑤YoYo開拍新劇《選美的12夜》(暫名),陳自瑤事業得意,婚姻關係卻依然未明朗。

陳自瑤
陳自瑤在《好聲好氣》勝出後,汪阿姐對她另眼相看。(圖片來源:陳自瑤IG)

陳自瑤人氣破頂 獲兩大阿姐加持

陳自瑤(Yoyo)去年在劇集《那些我愛過的人》演出備受肯定,在今年初台慶頒獎禮,當老公王浩信膺視帝時,Yoyo的木無表情被鏡頭捕獲,有網民讚她真性情是真正的視后。早前Yoyo於綜藝節目《好聲好戲》有亮眼超班演出,獲主席評判汪明荃公開力挺YoYo開劇當女主角,最近她在全新節目《識貨》再有鄭裕玲加持,讚她甚有進步豎起大拇指。

陳自瑤

在第一集的《識貨》,陳自瑤因壓力大表現強差人意,Do姐第一時間上前攬實安慰。(圖片來源:無綫新聞娛樂台影片截圖)

陳自瑤成監製搶手貨

得到兩位阿姐賞識,陳自瑤頓成劇集監製搶手貨,下月她將連踩兩劇,其中一套《選美的12夜》(暫名)更落實升呢做女一,終於恨到!據知陳自瑤將與馮盈盈和簡淑兒合演新劇,她會以女警身分潛入選美賽事中查案,同樣在《好聲好氣》中有突出表現的楊潮凱則是男主角。

陳自瑤
至於同樣升呢當男主角的楊潮凱,在新劇中飾演一名普通警員,協助YoYo混入電視台查案。(圖片來源:陳自瑤IG)
陳自瑤
另一位《好聲好戲》參賽者馮盈盈,會與陳自瑤在新劇中的選美會大鬥法。(圖片來源:陳自瑤IG)

擔正重頭選美劇

今次陳自瑤如願做女一,絕對要多謝曾志偉,新劇是由曾志偉與《智能愛人》總監製陳翹英合力構思出來,本是今年的無綫重頭劇,原屬中港合拍,惟因高層杜之克離職而令此劇的合拍計劃有變,連帶資金被削,找外援擔演女一的方案要煞停,無綫最後決定全資拍攝,女一角色最終成為YoYo囊中物,因為曾志偉及監製都認為她是最適合人選。

陳自瑤
王祖藍見陳自瑤人氣急升,不停安排她在綜藝節目中亮相。(圖片來源:陳自瑤IG)
陳自瑤
無綫現正播出的新劇《寶寶大過天》,陳自瑤飾演香香的表姐。(圖片來源:陳自瑤IG)

共用港姐實景慳得就慳

監製陳翹英日前接受訪問時預告陳自瑤將會進行大改造︰「YoYo唔會化靚妝,可能剪短髮作中性打扮,還原真實女警模樣!原本女主角人選有幾個,我搵番《四葉草2》同《那些我愛過的人》重溫,見Yoyo表現好好,唔想埋沒無綫肯努力改變自己嘅演員!」陳翹英表示新劇在7月中開拍,他與高層曾志偉磋商後,劇集將借用今年港姐競選的實景拍攝,實行資源共用。

浮沉多年的陳自瑤喜迎事業轉捩點,工作足迹遍及劇集及綜藝各範疇,一副行運Sharp醒樣的她,不時在社交網派福利!(圖片來源:陳自瑤IG)
浮沉多年的陳自瑤喜迎事業轉捩點,工作足迹遍及劇集及綜藝各範疇,一副行運Sharp醒樣的她,不時在社交網派福利!(圖片來源:陳自瑤IG)

連踩兩劇冇得陪女放暑假

此外,陳自瑤亦有份參演另一新劇《隱形戰隊》,據知無綫有感陳展鵬、黃智賢及張頴康為剛播畢的《逆天奇案》帶來不錯收視,決定開拍《隱》劇再讓這個組合發揮化學作用,女角除陳自瑤,還有唐詩詠及龔嘉欣等,劇集會以警察為題材,以單元故事串連角色人物。由於兩劇同時下月開拍,陳自瑤已有心理準備,冇時間陪囡囡放暑假,惟有交託家人代為照顧。

談到台慶「黑面」事件,Yoyo急忙解畫,但樣子有點牽強。
談到台慶「黑面」事件,Yoyo急忙解畫,但樣子有點牽強。
盈盈尖叫大讚小方是絕種好男人,小方也聲稱在內地工作多年,從沒遇過女演員「敲門」。
盈盈尖叫大讚小方是絕種好男人,小方也聲稱在內地工作多年,從沒遇過女演員「敲門」。

小方重提Yoyo黑面事件

陳自瑤早前在麥玲玲及Bob主持的最新一集《Master’s Talk師父有請》當嘉賓,為在《萬千星輝頒獎典禮2020》中,王浩信封帝一刻「黑面」表情解畫。麥玲玲指做藝人要紅命格必需有是非,小方即將Yoyo早前在台慶頒獎禮被指「黑面」一幕重提,笑指她定必爆紅,他謂:「佢個『黑面』成為網上熱搜全國Top 10,有錢都買唔到呢個位!我仲收到風,佢啲粉絲上升幾十萬…」YoYo即急忙澄清:「大家唔好笑住!我冇黑面,你拎番張相出嚟睇,當下個表達係冇乜表情,只係比較淡然,我冇『黑』,塊面仲有『令』,但人哋解讀好多嘢。(全世界都係咁解讀,有人讚你、多謝你應該微笑?)有呀有呀,我真係有微笑呀,鏡頭影咗我2、3秒,做唔晒咁多表情。我係估唔到嗰1、2秒會咁有話題性。(大家話你係最佳視后!)多謝大家。」

多謝太太陳自瑤。
王浩信再憑《踩過界2》 於「萬千星輝頒獎典禮2020」奪視帝,在台上一番感言,竟然激罕多謝頻傳離婚的太太陳自瑤:「多謝屋企人,多謝yoyo悉心照顧個女⋯⋯」
不過陳自瑤黑晒面,未知俾咩反應。
攝影師快狠準拍攝Close Up,不過陳自瑤黑晒面,表情僵硬沒作任何回應。

將會39+1 陳自瑤:嚇我唔到嘅!

陳自瑤於2000年以模特兒出道,2004年加入無綫電視。入行21年,陳自瑤外表上變化不大,但在多了一份沉穩、成熟的感覺。將會39+1,她表示:「數字嚟㗎啫,嚇我唔到嘅!」

陳自瑤
1981年出世的陳自瑤今年將會39+1。
陳自瑤
陳自瑤於2000年以模特兒出道,2004年加入無綫電視。