安德尊揭祕扮足30年財神辛酸秘密：後生仔做會頂唔順

安德尊揭祕扮財神原來唔容易！

他透露問題出在那頂帽，由竹枝或木條撐起，長時間戴會弄致頭痛，他跟行仔說︰「後生仔做會頂唔順，拍嘢 6 到 10 個鐘，你話頂唔頂得住，箍到頭痛。不過都有好處，嗰時啱啱出道無人識，但着住財神衫好受歡迎，啲人走埋嚟摸你，嗰種感覺好得意。」

收到利是唔拆沾好運？玲玲拆解背後原因

安德尊自爆有一個多年習慣，就是收到有福氣、名氣長輩畀的利是，都會儲起來，他笑說︰「儲到而家擺喺成日見到地方，係一種紀念。」

玲玲師傅從玄學上分析，𢭃到有財福人仕的利是，可以沾到對方的好運，她解釋說︰

「呢個係一個運氣傳遞，點解啲人咁鍾意收家燕姐、阿 Bob、你同我嘅利是，就係咁原因。大家覺呢班人運氣唔錯，可以沾到對方好運。」

玲玲師傅講笑話，最好當然是𢭃到四大發展商的利是，福澤更佳。她又取笑以安德尊身家，自然可以儲起這些利是不用，接住她爆料說︰「江湖傳聞大王好有錢，新界眼望啲地都係你嘅，你使緊面個浸啫。啲後生（指住 Jojo 同行仔）唔夠錢用就要拆，有頭髮邊個想做癩痢。」

玲玲師傅拆解「初一不洗頭」謬誤

此外，玲玲師傅拆解初一不洗頭的謬誤，是緣於古時男女都留長頭髮及科技不發達，她解釋︰「睇書研究過以前啲人好少洗頭，因為洗完頭冇得乾，無理由新正頭披頭散髮鬼咁見人，而家唔同有風筒，可以好快吹乾。」她又揭露每到新年就知道 TVB 有好多員工，又試過第一年派利是給記者後，第二日便收到銀行打電話來道謝︰「因為有記者影咗我派個封利是登咗報，銀行咪知囉。」