叱咤2023｜盤點7大重點 謝安琪奪叱咤獎拒唱live 間接導致姜濤大暴走
叱咤2023回顧｜1）So Ching最後一次以COLLAR成員身份表演
自2022年7月MIRROR演唱會事故發生後，So Ching（蘇芷晴）一直專心照顧因演唱會受傷的舞者男友阿Mo（李啟言），直到去年叱咤終於復出與COLLAR一同齊人方式登場表出道作《Call my name!》和《ON/OFF》，So Ching以齊蔭長髮現身，臉帶笑容、精神不俗，但身形明顯暴瘦。不過同時亦成為COLLAR最後一次以8人組合示人，So Ching於去年5月10日宣布退出COLLAR。
叱咤2023回顧｜2）謝安琪奪叱咤獎拒唱live
謝安琪（Kay）憑《憶年》奪叱咤十大歌曲第5位，這是她繼2018年簽約麥浚龍公司的《一個女人和浴室》之後再奪獎，由於係自組公司後首度奪獎，本應意義重大，但在台上的她，講完感受之後就無唱現場，並以3個原因解釋點解：1，早前拍攝電影「吹風」而喉嚨不適；2， 醫生不建議獻唱擔心病情加劇；3，自知叱咤時間緊迫，想節省表演時段，將4分鐘歌曲的「寶貴時間」多留給下一位得獎者（編按：第4位得主是姜濤的《鏡中鏡》）講得獎感受。
叱咤2023回顧｜3）姜濤瘋狂暴走 網民：佢做緊乜？
姜濤因《鏡中鏡》獲得「專業推介．叱咤十大」的第4位。不知係咪因為姜濤因腳傷後久未出席表演，表演得獎歌時今次特別興奮，衝出舞台到台下狂奔，不斷大叫「let’s go」、「I’m back!」不過姜濤「掃掃掃」的舉動似乎引嚟唔少網民的不滿「當咗自己個唱，個場係自己咁？」、「佢唱緊乜」、「到底發生過什麼事？」，鬧爆網絡。
叱咤2023回顧｜4）林海峰怕咗Anson Lo
林海峰每年都會有一個環節講棟篤笑惡搞一番，不過由於前年玩笑玩太大激嬲MIRROR粉絲，去年頒發我最喜愛的男歌手獎時都「淆底」，表示吸收了前年的教訓，形容事情嚴重到要判自己「終身監禁」，承諾不會再搞事只會簡單讀出得獎人的姓名，隨後他就直接宣佈「叱咤樂壇我最喜愛的男歌手」的得獎者便是被林海峰惡搞過的Anson Lo。被林海峰玩過一次的Anson Lo一聽到自己名字的時候都不敢上台，怕被林海峰再玩多次，等到林海峰親自到台下請Anson Lo上台先敢行上台！
叱咤2023回顧｜5）黃偉文勇奪填詞人：千其唔好頒終身成就獎俾我
寫出24首冠軍歌的黃偉文再次勇奪「叱咤樂壇填詞人大獎」，由於身在外國未能親身出席頒獎典禮，他預先拍片講了3分鐘的得獎感受：「我想借呢次機會，多謝我從來未係呢個台多謝過嘅人，亦都好擔心之後會冇機會多謝嘅人。我唔係擔心之後冇獎攞，或者冇頒獎禮去，而係呢幾年我學識重要嘅嘢要喺失去之前好好記住。所以想提大家，千其唔好等我死咗先頒終身成就獎俾我啊，我可以話俾大家知我死咗之後一定唔會去攞獎。」
叱咤2023回顧｜6）時裝災難勁誇張
去年叱咤女歌手性感欠奉，露得最多的是穿吊帶白裙的泳兒，緊接已經是一身貼身白色、仿如郭富城Dancer的顧定軒（Zeno）。方皓玟的灰色貼身衫已經夠搶眼，加上兩邊「駱駝膊」夠晒誇張。唱作女歌手Merry Lamb Lamb及章尾而同樣以超誇張的造型登場，前者換上灰臉綠唇妝配全綠毛毛打扮，章尾而則以黑白服裝配上巨型斑馬紋帽。另外肌肉型的ANSONBEAN（陳毅燊）「封胸」現身，以摷到超亂的髮型配上Smokey Eye妝容示人。
叱咤2023回顧｜7）泳兒全場喊得最誇張
入行17年的泳兒終於獲得「叱咤樂壇女歌手」銀獎，上台一刻她都忍唔住爆喊，連眼妝都甩埋：「我用咗17年終於攞到，我自己可以用我嘅歌曲為我發聲。喺我最迷失嘅時候，多謝我嘅音樂團隊，17年我都可以做一個有夢想嘅人，多謝我每一個Fans，每一個留言我都有睇。同等緊一個機會嘅人講，無論你做緊咩工作都要堅持，我都每一個人都有能力創造奇蹟。」
【叱咤樂壇流行榜頒獎典禮2022 完整得獎名單】
專業推介叱咤十大2022
叱咤樂壇至尊歌曲大獎︰《邊一個發明了ENCORE》林家謙
第二位︰《小心地滑》張天賦
第三位︰《到底發生過什麼事》Dear Jane
第四位︰《鏡中鏡》姜濤
第五位︰《憶年》謝安琪
第六位︰《下流社會》 陳蕾
第七位︰《留一天與你喘息》陳卓賢
第八位︰《笑住喊》Gareth.T
第九位︰《我也難過的》吳林峰 / 謝芊彤
第十位︰《Freakin’ Nightmare》馮允謙
叱咤樂壇我最喜愛的男歌手︰盧瀚霆
叱咤樂壇我最喜愛的女歌手︰鄭欣宜
叱咤樂壇我最喜愛的組合︰MIRROR
叱咤樂壇我最喜愛的歌曲大獎︰《作品的說話》 姜濤
叱咤樂壇男歌手
金獎︰林家謙
銀獎︰馮允謙
銅獎︰張天賦
叱咤樂壇女歌手
金獎︰鄭欣宜
銀獎︰泳兒
銅獎︰黃姸
叱咤樂壇組合
金獎︰MIRROR
銀獎︰Dear Jane
銅獎︰COLLAR
叱咤樂壇唱作人
金獎︰林家謙
銀獎︰馮允謙
銅獎︰陳卓賢
叱咤樂壇生力軍男歌手
金獎︰李駿傑
銀獎︰陳宗澤
銅獎︰黃明德
叱咤樂壇生力軍女歌手
金獎︰雲浩影
銀獎︰張蔓莎
銅獎︰kayan9896
叱咤樂壇生力軍組合
金獎︰COLLAR
銀獎︰Lolly Talk
銅獎︰STRAYZ
叱咤樂壇作曲人大獎︰Gareth.T
叱咤樂壇編曲人大獎︰王雙駿
叱咤樂壇監製大獎︰T-Ma
叱咤樂壇填詞人大獎︰黃偉文
叱咤樂壇至尊唱片大獎︰《MEMENTO》林家謙
【叱咤樂壇流行榜頒獎典禮2021 完整得獎名單】
專業推介 叱咤十大
叱咤樂壇至尊歌曲大獎︰Ciao – RubberBand
第二位：Boss – MIRROR
第三位：俏郎君 – 張敬軒
第四位：多喝水 – 鄭融
第五位：神奇的糊塗魔藥 – 林家謙
第六位：狂人日記 – Jer
第七位：集合吧！地球保衛隊 – C AllStar
第八位：風的形狀 – 岑寧兒
第九位：Megahit – Anson Lo
第十位：荊棘海 – 泳兒
叱咤樂壇至尊唱片大獎：張敬軒《The Brightest Darkness》
叱咤樂壇男歌手
金獎：張敬軒
銀獎：林家謙
銅獎：馮允謙
叱咤樂壇女歌手
金獎：鄭欣宜
銀獎：黃妍
銅獎：林欣彤
叱咤樂壇組合
金獎：C AllStar
銀獎：MIRROR
銅獎：Dear Jane
叱咤樂壇唱作人
金獎：林家謙
銀獎：馮允謙
銅獎：林奕匡
叱咤樂壇生力軍男歌手
金獎：張天賦
銀獎：呂爵安
銅獎：曾比特
叱咤樂壇生力軍女歌手
金獎：張蔓姿
銀獎：炎明熹
銅獎：姚焯菲
叱咤樂壇生力軍組合
金獎：石山街
銀獎：MC $oHo & KidNey
銅獎：P1X3L
叱咤樂壇我最喜愛的男歌手︰姜濤
叱咤樂壇我最喜愛的女歌手︰鄭欣宜
叱咤樂壇我最喜愛的組合︰MIRROR
叱咤樂壇我最喜愛的歌曲大獎︰Dear my friend, – 姜濤
叱咤樂壇作曲人大獎︰林家謙
叱咤樂壇填詞人大獎︰黃偉文
叱咤樂壇監製大獎︰Edward Chan
叱咤樂壇編曲人大獎︰林家謙
