破毒強人｜胡美貽色誘Patrick Sir 畫面極香豔 林溥來被揭手多多
破毒強人｜胡美貽嘴對嘴餵食Patrick Sir林溥來
TVB劇集《破毒強人》第11集尾端部分，章琳（胡定欣飾演）帶 Cyrus（林溥來飾演）走入私竇，林溥來一進門便已大受歡迎，不少索女紛紛埋身。而期間林溥來被慫恿食毒品，過程中其表明拒絕，然而之後劇中飾演富二代的胡美貽竟含著丸仔緩緩向林溥來來去，並一下跨坐到其身上上演嘴對嘴餵食，畫面相當香豔。
埋位前早就入戲 叫對手Nicole「唔好客氣」
平時演開醫生和律師等專業人士的Patrick Sir，是次演出獲網民笑指「愈來愈曳」及「奸得自然好睇」；Patrick Sir透露是首次挑戰如此爛的角色，並付出不少第一次，包括獻出螢幕初吻：「拍之前我有同老婆備案，佢都冇乜大反應，反而仲問我準備成點，可能佢都係演員，所以好明白。」除了螢幕初吻，Patrick Sir與Nicole的埋身肉搏戲亦相當震撼眼球，Nicole除扭六壬色誘Patrick Sir，兩人最終更扭作一團，場口引來網民熱熾討論，並笑言Patrick Sir肯定要跪玻璃。
感激胡定欣幫忙帶入
問到Patrick Sir拍攝時有否尷尬，他笑言沒有，並謂事前與Nicole唯一溝通，是著對方放膽去做：「我主要係保持番口腔嘅清新同清潔，同埋叫佢唔好客氣，你總之一嘢就嘴埋嚟啦。」Patrick Sir續說：「好多謝監製Marco對我有信心，搵我做咁大落差嘅角色，我好享受。」Patrick Sir又感激定欣幫忙帶入戲：
「定欣成日畀意見我，我冇佢咁好經驗，有時我排戲時練稿，佢會畀真反應我；加上定欣氣場好，會自動牽引到令我入戲，真係會成日睇佢唔順眼架。」
破毒強人｜Patrick Sir林溥來超入戲疑似臀襲胡美貽
對於胡美貽的賣力色誘相當入戲的林溥來亦作出回應，雙手於胡美貽背部不停遊走，眼尖的網友更發現林溥來疑似有在胡美貽臀部用力揸了一下，令人想入非非，唔少網民留言林溥來畀老婆見到應該要跪玻璃…
林溥來《白色強人2》曾演不甘被忽視的下屬
林溥來去年在重頭劇《白色強人2》中飾演副顧問醫生凌偉康，是YT（郭晉安飾演）之下屬，認為對方因情侶關係偏坦女朋友Yan呂靄寧（張曦雯飾演）不給自己機會而感到不滿，不甘被忽視的他，當得知YT希望Yan作為主刀，而不是自己時，更直接質問Yan。他對YT心存不滿，刻意討好葉晴（胡定欣飾演），更踢爆YT與Yan的關係。殊不知，葉晴早知道二人關係，是她推舉Yan做主刀，令他頓時語塞。惟其後被YT鬧爆於手術中做錯一步，險釀成大錯。
林溥來在劇中流露出的悲憤表情，把不被重用和不滿上司的感情發揮得淋漓盡致，以及他為了自己前途耍心機，爆出上司私事，非常奸險，角色人設演繹到位，演技可謂是更上一層樓。網民在看到劇中播出後紛紛表示：「好睇」、「想睇返Patrick」等等，可見網民對於他的演技十分受落。
出身貧苦 靠知識改變命運
現年45歲的林溥來出身貧困，他在九龍城橫頭磡邨長大，一家六口住在200多呎單位，居住環境狹窄，全家的經濟負擔落在爸爸一人身上。他曾接受傳媒訪問，指爸爸非常好學，身兼多職，包括做的士司機、攤販，令他很佩服。從小他見證住爸爸、媽媽為錢鬧交，所以他下定決定想辦法賺錢，中三已幫鄰居讀小學的仔女上門補習，中六又試過賣舞會門票，大學繼續做補習老師，也試過做模特兒。他相信知識改變命運，所以賺錢之餘也很努力讀書，中小學均畢業於名校喇沙，之後分別在香港科技大學及香港中文大學完成化學工程系榮譽學士及教育系碩士學位。空閒時間，他喜愛做運動，大學時曾是香港甲一組發景及永倫籃球隊隊員，文武雙全。
大學畢業後，他用多年儲下的存款創業，投身教育行列，成為通識科和英文科的補習老師，開設的補習社曾一度擴充到有三間分校。09年，他獲TVB邀請，在節目《通識通通識》中擔任專家主持，又有主持節目《放學ICU》中有「Patrick Sir英語通通識」的環節等，早前參演劇集《愛美麗狂想曲》，轉戰幕前，漸漸為人所認識。現時他是私立幼稚園的校監，會為多間雜誌及報章撰寫專欄，他更透露自己有投資股票、基金和地產牌，非常博學多才。
寵愛老婆 經常公開放閃
林溥來與關宛珊因為拍攝旅行節目認識，拍拖五年後拉埋天窗，早前誕下兒子林若嘉。相戀十年來，他們依然愛得甜蜜，林溥來更不時在社交平台講甜言蜜語哄老婆開心。例如結婚五周年時，他在Instagram留言冧爆老婆：「每日見到你，同你傾偈、同你講笑，所有感覺仲好似拍緊拖咁。喺今日咁重要嘅日子，肉麻啲都要同你講：慶幸遇上純真的你，給我幸福、快樂！Love you forever! 」
兒子出世時，他在Instagram留言多謝老婆的付出：「老婆，好多謝你，多謝你咁多個月嚟佗住BB仔嘅付出！陪住你生嘅時候，拖住你隻手，頭貼頭，嗰一刻覺得你好靚好偉大，你樂天正面嘅態度令我個心好溫暖。雖然我哋已經做父母，但係喺我心目中，你永遠都係我可愛嘅女朋友仔，對你嘅愛唔會有一絲減退。」
自爆娶關宛珊原因 大讚老婆：樣靚＋身材好＋開朗
林溥來同關宛珊早前上節目《日日媽媽好》接受訪問，他指跟關宛珊拍拖時並不知道她會變成好老婆，更加沒有想過她是好老婆：「唔知佢煮嘢食原來好叻，到結咗婚之後加咗分」他自爆覺得她很單純所以才會娶她，又很需要她保護。主持羅敏莊馬上打斷他：「同埋你只係睇樣，鍾意靚女！」他隨即搞笑否認：「唔係唔係！我睇埋身材，佢值200分！」哄到關宛珊笑不攏嘴。
被問到會否再生小朋友，關宛珊爆料：「佢真係成日都講，但得個講字…不過我都覺得好攰。」他否認：「我哋成日研究，佢就話：『諗清楚喎，真係好攰！』因為依家呢個小朋友係我哋全力湊，人哋搵工人姐姐幫手，我哋完全無。如果兩個一齊做嘢就惟有搵嫲嫲幫手，其餘時間都係我哋自己搞，所以真係幾攰嘅，不過都會努力。」暗示有想生多個的心。
最後他哽咽向關宛珊表白，大讚對方：「佢確實幫到我好多，幫我建立咗好開心嘅家庭，亦都令我結完婚同生咗小朋友之後開心過以前好多。」其後他對著關宛珊說：「你記住小朋友大咗呢，有毛有翼就飛，只有我永遠陪住你，所以你要對我好啲！」
兒子一歲生日激似爸爸
林溥來同關宛珊的兒子於4月13日一歲生日，一家三口與愛犬Don Don影全家福慶祝。 兒子遺傳父母優良基因，手長腳長，外表則似足爸爸，已經識得企定定影相，非常可愛。
林溥來說：「Happy birthday Preemo ! 點呀，呢一年係咪好開心呢？每日一起身，第一眼就望到Dadidi Mamimi，第二眼就望到Don Don，跟住就開始你嘅食玩瞓日程，日日都有得食Mamimi用心製作嘅美食，日日都有我哋陪你玩唔同嘅遊戲，陪你爬去呢度爬去嗰度，陪你一齊古靈精怪，陪你大笑陪你大哭，過咗充實嘅365日，令你肥肥白白，成個小巨人咁。差啲唔記得，仲陪你唱歌跳舞添！好啦，嚟緊嘅日子，我哋一齊周圍跑，舞照跳！Love you！」
關宛珊則留言：「今日好特別，我哋個完美嘅BB仔一歲生日，亦都係我哋一家人認識一周年嘅日子~ 呢一年好攰好攰…但前所未有咁幸福歡樂~凌晨12點要拖拖手錫錫面仔…全日都帶住緊張興奮嘅心情…等到下午去製造兒時回憶 – 影一歲相~玩下玩具、影下靚相、切下麵包㙮…簡簡單單咁渡過~我哋會陪住你成長…請你繼續愛笑愛搞怪…繼續走你嘅諧星路線~Dadidi Mamimi DonDon always love you! 」
住3000呎豪宅包私人花園＋迷你圖書館
據知林溥來曾住在九龍塘舊樓，於2018-2019年間逐戶遊說業主放售，在2019年以5.74億元易手九龍塘翠亨園21伙及多個車位，新買家為商務及經濟發展局局長邱騰華胞弟邱騰達相關人士。擁有千萬身家的他於是斥資近港幣3,000萬，與老婆住在大圍壹號雲頂8座地下連花園豪宅。家中包含過千呎的私人花園，兩公婆常常於花園吃下午茶，而家俬就以白色、灰色為主色，走簡約風格。其實他和太太平時上載在社交平台的照片中不難發現引人注目的私人花園，一家三口連狗狗都不時會在花園享受家庭樂，相當寫意。
而近日上載的影片中更發現書房酷似一個迷你圖書館，1歲多的Preemo在書房爬木梯，林溥來搞笑留言：「麻煩嚟緊嗰一屆『長洲包山王比賽』幫我報名！」
家中內貌：
廚房：
洗手間：
私人花園：
屋外有一片綠油油的花園，夫婦經常於草地野餐，又有吹氣泳池玩水。
胡美貽 落選港姐拍《3日2夜》彈起
現年29歲的胡美貽擁有35D逼爆上圍，自拍攝節目《3日2夜》開始，已深受觀眾愛戴，被網民封為「元祖級咪神」。原來她是娛樂圈隱形千金，家境富裕，爸爸在美國營商，而媽媽則是醫生，2017年，她參選香港小姐，打入11強，落選後入讀TVB第29期藝員訓練班，翌年正式簽入TVB，至今已入行5年。
《白色強人2》單戀陳豪受讚賞
胡美貽早前在《白色強人2》飾演急症室護士琪琪，與陳豪飾演的Vincent有多場對手戲，兩人在急症室結緣，由於Vincent性格熱情、和善、幽默搞笑，令琪琪芳心暗許，向對方送上親手整的愛心曲奇。不過「神女有心，襄王無夢」，Vincent解釋是她腦中的多巴胺在作怪，導致有喜歡他的感覺。不少網民讚賞胡美貽自然地演繹出對陳豪關心的暗喜和羞澀反應，令人都跟她一起興奮起來，猶如回到初戀的感覺。
大學畢業用100萬創業 買30畝地成「榴槤女王」
胡美貽2015年於大學修讀商業經濟學系學士畢業後，便獲父親資助100萬創業，在美國三藩市開設飲品店，以及擔任武漢麻辣滷味零售店的三藩市灣區總代理。2018年，胡美貽成為四間榴槤甜品鋪的老闆，2019年該餐廳更獲列入米芝蓮推介。她近年又與朋友於馬來西亞以700多萬買下一幅30畝榴槤地，成為「榴槤皇后」。
富二代入行5年由低做起
胡美貽加入電視圈後，由低做起，參演不少劇集如《愛回家之開心速遞》、《金宵大廈》、《十八年後的終極告白》、《解決師》和《愛美麗狂想曲》等，更在《法證先鋒IV》內演屍體。劇中角色並沒有任何對白，在演出上相當有難道，她曾接受傳媒訪問表示第一次扮屍體，只有穿上底衫打底褲上陣，最辛苦便是睡在很冷的手術台上，對她來說是個新挑戰。除了演戲之外，她亦在於不同節目綜藝節目當主持，當中憑著驕人的身材，成功在節目《3日2夜》中讓觀眾留下記憶。
