福祿壽訓練學院 | 鄭詠謙湯卓堅「神韻激似」驚艷網民
由阮兆祥、李思捷、王祖藍主持的香港首個扮嘢真人 Show《象牙世家古象牙工藝品呈獻:福祿壽訓練學院》,昨晚(28 日)八點半翡翠台播出第四集。自播出後引發不少熱話的《福祿壽訓練學院》,據知在內地亦相當受歡迎,根據 CSM 媒介研究廣東省收視資料數據顯示,《福祿壽訓練學院》第二及第三集在廣東省的平均收看觀眾人數先後高踞綜藝類別 TOP 1,成績斐然。第四集,Professor Fuk(阮兆祥)、Professor Luk(王祖藍)及 Professor Sau(李
![結果 Juliana 成功一句 KO 思捷,即時炒熱全場氣氛。(圖片來源:TVB)](https://imgs.sundaykiss.com/wp-content/uploads/2024/04/24_542470373662f303d2990c.jpg)
(Maggie)復刻莫文蔚於《2020 年度勁歌金曲頒獎典禮》獻唱《呼吸有害》的演出;祿隊「人肉變聲器」湯卓堅+「老翻林峯」鄭詠謙(Moses)+「Lowbud 大熱」趙亮昭復刻 2022 年《聲生不息‧港樂季》中曾比特與林子祥的「父子檔」表演;壽隊葉泓聲(Gordon)+關嘉敏(Carmen)復刻 1984 年張國榮在《星光熠熠勁爭輝》的經典表演「鴛鴦舞王」。最終祿隊以 78 分贏得首回合第一名、第二名是獲得 74 分的壽隊,而僅獲 73 分的福隊則排首回答包尾。祿隊的演出確是相當精彩,除了扮嘢功了得外,原來連唱功亦一鳴驚人!
Moses、湯卓堅及超亮昭分別以「爆炸 Mike」、「鬍鬚 Lam」及「莎莉媽媽」造型獻唱《單車》、《初戀》及《敢愛敢做》,當中無論 Moses 或是湯卓堅「神還原」本尊,湯卓堅一開口已令網民大為驚艷,紛紛留言指閉上眼後恍如阿 Lam 真身親臨現場:「全晚最有驚喜」、「值滿分」、「阿 Lam 唱到神韻」;至於 Moses 除了做出阿 Mike 招牌「一陽指」手勢獲讚小動作做足功課,獻唱《初戀》期間更學足阿Mike 喪飆高音,網民大讚:「樣又似聲又似」、「Mike 好似,聲同樣都似。」專業評審羅冠蘭聽畢亦對二人讚不絕口:「曾比特係似嘅!林子祥好似好似,你嘅聲音呀,你唱歌呀,嗰啲特徵(都好似好似)。」就連出名要求高的導師思捷,亦讚不絕口:「三個最似係阿 Mo,樣子唱歌同嗰種有啲害羞(嘅感覺)全部出晒。卓堅我係十分驚喜,你唱林子祥唱得咁好,《敢愛敢做》係佢最難唱其中一首,
Good Job!」
祥師兄造型太搶反成敗筆?
至於慘獲第三名福隊的表演其實創意兼「暖意」無限,導師祥師兄除了親自落場傍住 Maggie,更為 Maggie 做足事前 training,就連半夜在家中也不厭其煩回應
![福隊好有愛,祥師兄對學員真係照顧周到兼痛錫有加。(圖片來源:TVB)](https://imgs.sundaykiss.com/wp-content/uploads/2024/04/16_2129121049662f303f125e0.jpg)
Maggie 的憂慮及提問。正式表演時,一師一徒除了要同款造型亮相合唱,祥師兄搞笑地獻唱惡搞版《抽煙有害》,其中「健康冇晒、錢冇晒,戒煙呀 Baby」歌詞說中不少煙民及非煙民心聲,最後更將頭上的香煙拔下來捏碎,將氣氛推向高峯。祖藍及思捷均對祥師兄造型讚不絕口。祖藍說:「祥師兄出嚟,突然之間武則天咁嘅樣,我都醒一醒。」思捷:「加埋嗰五支煙,成個自由神像咁!」至於羅冠蘭則坦言祥師兄的出彩反而是表演的敗筆:「你(指 Maggie)喺前面唱緊,反而唔及後面嗰股力(指祥師兄)。」不過羅冠蘭亦有點讚 Maggie 演出:「把聲真係似喎」,並不忘搞笑叮囑:「扮莫文蔚就真係要減肥喇。」至於網民,亦普遍認為 Maggie 聲線與莫文蔚酷似,並直指 Maggie 是潛力股:「唱得樣得仲要入得廚
房」、「呢個龍婷 Maggie 係可愛嘅」。
昨晚兩位主持郭珮文(Juliana)及陳懿德的「奇裝異服」繼續成為討論焦點,德德的「黑面黑板」Jumbo 造型更是驚艷全場,網民亦認為德德的「多變造型」幫助其建立特色及風格。思捷則繼續貫徹 Style 啄住 Juliana 問到:「你係咪收買咗製作組?上次德德已經好慘,今次仲慘到做黑板,但你就做靚靚 miss,到底發生咩事?」未知是否被殺個措手不及,Juliana 全程面有難色係咁「Er」,德德見狀即幫忙打圓場,不過卻遭思捷喊停:「Juliana 你講句嘢好冇呀?」此時,Juliana 即一句 KO 思捷及全場所有人:「其實 Professor Sau,你係咪嬲我呀?」思捷聞言亦醒目接招:「我哋依家做緊節目,我嬲唔嬲你完全無關。」精彩對話贏得全場掌聲。