下流上車族｜26歲蔓蔓羅毓儀愛得高調帶男友入電視城開工孖住拍片搵食

Nov 7 2022

26歲的羅毓儀在《下流上車族》飾演林敏驄18歲細女車蔓蔓，童顏與細粒身形fit晒角色設定，現實生活中的羅毓儀愛電玩愛cosplay，更有一個拍拖3年志同道合的圈外男友Mike，二人一齊夾band一齊在YouTube頻道拍片，早前羅毓儀仲帶埋Mike返電視城開工，拍片打情罵俏，雖然男友其貌不揚，但羅毓儀曾公開讚對方靚仔，真係情人眼裡……

羅毓儀下流上車族羅毓儀與拍拖3年的圈外男友Mike，繼參觀車家之後，近日又公開了一段「大生超市」的花絮影片。 — 羅毓儀與拍拖3年的圈外男友Mike，繼參觀車家之後，近日又公開了一段「大生超市」的花絮影片。（圖片來源：咪咪Yuki觀察日記）

羅毓儀圈外男友電視城探班

羅毓儀外表似細路女，所以成為無綫御用學生妹，在新劇《下流上車族》又係飾演阿女、阿妹角色，不過這次是她入行以來最重戲的一次，有望上位的她完全唔避忌，早已公開感情事，有個拍拖3年的圈外男友Mike！

羅毓儀下流上車族羅毓儀羅毓儀好興奮開門迎接男友。 — 羅毓儀好興奮開門迎接男友。（圖片來源：YouTube@咪咪Yuki觀察日記）

情人節公開表示「已分手」

今年4月羅毓儀公開表示已分手，其後又澄清是因為愚人節，實情與男友仍如膠似漆，打得都打唔甩，在拍攝《下流上車族》期間更帶埋Mike入電視城，拍片放上他們一同經營的YouTube頻道《咪咪Yuki觀察日記》。

羅毓儀下流上車族羅毓儀 Mike直搗電視城探班，條片一開始就見到佢個樣...... — Mike直搗電視城探班，條片一開始就見到佢個樣……（圖片來源：YouTube@咪咪Yuki觀察日記）

直擊車家安樂窩導演原來叫姜B

日前《咪咪Yuki觀察日記》上載了一條新片，片中一開始就影住Mike直踩電視城探班，正在拍攝《下流上車族》的羅毓儀就興奮開門迎接男友，並引領男友影勻屋內每個角落，Mike更不時與羅毓儀自拍，擺明好鍾意黐住女友上鏡，二人打情罵俏又訪問劇中其他藝員，最後羅毓儀更謂因為拍呢條片要犧牲食放飯時間，Mike大感肉痛。

羅毓儀下流上車族羅毓儀二人在屋內玩得好開心，Mike仲經常一齊入鏡。 — 二人在屋內玩得好開心，Mike仲經常一齊入鏡。（圖片來源：YouTube@咪咪Yuki觀察日記）

羅毓儀下流上車族羅毓儀導演現身，Mike開始有啲怯。 — 導演現身，Mike開始有啲怯。（圖片來源：YouTube@咪咪Yuki觀察日記）

羅毓儀下流上車族羅毓儀影完屋內，仲去埋演員休息室。 — 影完屋內，仲去埋演員休息室。（圖片來源：YouTube@咪咪Yuki觀察日記）

羅毓儀下流上車族羅毓儀連劇中阿媽江美儀都出埋鏡。 — 連劇中阿媽江美儀都出埋鏡。（圖片來源：YouTube@咪咪Yuki觀察日記）

第二集：凌晨時間到《下流上車族》拍攝現場！走入超市實景！

拍片7年拍拖3年

羅毓儀與男友Mike於2015年開始一齊拍片，Mike與羅毓儀年紀相若，二人一齊組成業餘樂隊「MochiIce」夾band，羅毓儀彈電子結他，Mike是鼓手，此外他們同是電玩愛好者，每年動漫節亦會一齊cosplay，雖然志同道合，羅毓儀靚女又可愛，Mike卻其貌不揚，拍拖三年來男方被指襯唔起女方，不過羅毓儀竟曾公開盛讚男友「超級靚仔有型有才華又可愛」。

羅毓儀下流上車族羅毓儀羅毓儀為了拍片飯都唔食。 — 羅毓儀為了拍片飯都唔食。（圖片來源：YouTube@咪咪Yuki觀察日記）

羅毓儀下流上車族羅毓儀今年羅毓儀生日，Mike送上大公仔。 — 今年羅毓儀生日，Mike送上大公仔。（圖片來源：IG@mike_314）

羅毓儀下流上車族羅毓儀二人早前以鬼滅之刃造型cosplay出動。 — 二人早前以鬼滅之刃造型cosplay出動。（圖片來源：IG@mike_314）

羅毓儀下流上車族羅毓儀 Mike擅長打鼓。 — Mike擅長打鼓。（圖片來源：IG@mike_314）

羅毓儀下流上車族羅毓儀羅毓儀是band中的結他手。 — 羅毓儀是band中的結他手。（圖片來源：IG@yukyukyukee）

公開大量合照宣示主權

羅毓儀是一名高材生，以一級榮譽成績畢業於香港城市大學，獲得工商管理榮譽學士（商業營運管理）學位，大學三年級時曾到維也納大學參加交流生計劃，雖然羅毓儀指男友有才華，但外界對他的認識不多，其真正的職業不詳，只知他現在經常跟出跟入，孖住羅毓儀拍片上YouTube吸like，在其IG又有大量與羅毓儀的合照，話畀全世界知他就是羅毓儀男友。

羅毓儀下流上車族羅毓儀 Mike的IG三日唔埋就po與羅毓儀的甜蜜生活照。 — Mike的IG三日唔埋就po與羅毓儀的甜蜜生活照。（圖片來源：IG@mike_314）

羅毓儀下流上車族羅毓儀二人經常拍片互餵。 — 二人經常拍片互餵。（圖片來源：IG@mike_314）

羅毓儀下流上車族羅毓儀 Mike除了負責拍片、剪片放上YouTube頻道，仲要負責為女友影靚相。 — Mike除了負責拍片、剪片放上YouTube頻道，仲要負責為女友影靚相。（圖片來源：IG@mike_314）

羅毓儀下流上車族羅毓儀 Mike的外形與打扮，都被指襯唔起新一代童顏女神羅毓儀。 — Mike的外形與打扮，都被指襯唔起新一代童顏女神羅毓儀。（圖片來源：IG@mike_314）

羅毓儀演出機會多《法證先鋒V》再演死屍

現時26歲的羅毓儀（Yuki）是2019年第30期無綫電視藝員訓練班學員，出道3年已獲得不少演出機會。雖然大部分都不是「主演」，不過她的演出總能在觀眾心目中留下深刻印象，例如在剛播畢的《白色強人II》以及早前的《食腦喪B 》中的表現而獲得不少讚賞，《黯夜守護者》頭幾集就飾演被殺害的死者，掀起整個故事，而即將播映的《法證先鋒V》其中一個單元，羅毓儀就演出80年代跑馬地紙盒藏屍案的死者！